Чалавек, які бяжыць (фільм)

Чалавек, які бяжыць
па-ангельску: The Running Man
Жанр	баявік[d], навукова-фантастычны фільм[d], антыўтапічны фільм[d] і экранізацыя раману[d]
Рэжысэр	Пол Майкл Глэйзэр[d]
Сцэнарыст	Стывэн дэ Соўза[d] Стывэн Кінг
Заснаваны на	The Running Man[d] і Le Prix du Danger[d]
Прадусар	Тым Зынэман[d] Роб Коэн[d]
У ролях	Арнольд Шварцэнэгер Марыя Канчыта Алёнса[d] Яфэт Кота[d] Джым Браўн[d] Джэсі Вэнтура[d] Чарлз Калані[d] Дўізыл Запа[d] Рычард Доўсан[d] Эрлянд ван Літ[d] Мік Флітўуд[d] Дэй Янг[d] Эдўард Банкер[d] Свэн-Уле Торсэн[d] Кен Лернэр[d] Курт Фулер[d] Томас Расалес[d] Марвін Макінтайр[d] Дона Гардзі[d] Энтані Пэна[d] Роджэр Бампас[d] Джордж Ўілбур[d] Лін Мэры Ст’юарт[d] Лін Шэй[d] Франка Калумбу[d]
Кампазытар	Гаральд Фальтэрмаер[d]
Апэратар	Томас Дэл Рут[d]
Мантаж	Джон Райт[d], Эдўард Ўаршылка[d] і Марк Ўорнэр[d]
Вытворчасьць	Republic Pictures[d] і TriStar Pictures[d]
Распаўсюд	TriStar Pictures[d] і Netflix
Дата выхаду	13 лістапада 1987 і 30 чэрвеня 1988
Працягласьць	101 хвіліна
Краіна	ЗША
Мова	ангельская мова
Бюджэт	27 000 000 $
Прыбытак	38 122 105 $
Старонка на IMDb

«Чалавек, які бяжыць» (па-ангельску: The Running Man) — антыўтапічны фільм 1987 году працы рэжысэра Пола Майкла Глэйзэра. Галоўныя ролі выканалі Арнольд Шварцэнэгер, Марыя Канчыта Алёнса, Рычард Доўсан, Яфэт Кота і Джэсі Вэнтура. Кінастужка ёсьць вольнай адаптацыяй аднайменнага раману 1982 году літаратара Стывэна Кінга, напісанага пад псэўданімам Рычардам Бахманам. «Чалавек, які бяжыць» меў мерны посьпех у Злучаных Штатах, зарабіўшы 38 млн даляраў з улікам вытворчана бюджэту ў памеры 27 млн даляраў. Па выхадзе фільму вытворцы атрымалі пазоў, бо фільм як лічыцца ёсьць плягіятам на францускую кінастужку «Ўзнагарода за небясьпеку» 1983 году. Паводле зьвестак пачатку 2021 году зараз рыхтуецца новая кінаадаптацыя раману.

Сюжэт

Дзеяньне фільму адбываецца ў ЗША ў 2017 годзе. Пасьля разбуральнага землятрусу і эканамічнага крызісу да ўлады ў ЗША прыходзіць таталітарны ўрад. Дэмакратычныя інстытуцыі ёсьць зруйнаванымі, была ўведзеная цэнзура і камэнданцкі час. Нестабільнасьць выклікала і разьлютаваньне нораваў, то бок улюбёнай забавай сталіся жорсткія і крывавыя тэлепраграмы, якія частак сканчаюцца трагічна. Урад выкарыстоўвае такія тэлеперадачы, каб адцягнуць увагу насельніцтва ад унутраных праблемаў. Удзельнікамі аднаго з такіх шоў, як то «Чалавек, які бяжыць», становяцца зьняволеныя турмаў, якія маюць шанец прайсьці суворыя выпрабаваньні і атрымаць свабоду, альбо памерці на вачох тэлегледачоў ад рук паляўнічых.

Аднойчы ўдзельнікам шоў стаўся Бэн Рычардс (Арнольд Шварцэнэгер), з сваімі таварышамі па няшчасьці Вайсам (Марвін Макінтайр) і Лафлінам (Яфэт Кота). Рычардс, які раней працаваў быў паліцыянтам, адмовіўся выканаць загад на расстрэл з верталёту ўдзельнікаў галоднага бунту ў Каліфорніі. Экіпаж гэлікоптэру скруціў яго і расстраляў бунтуючых, а ў расстрэле бяззбройных людзей абвінавацілі самога Рычардса і адправілі яго за краты. Рычардс з суўдзельнікамі, адключыўшы перымэтар бясьпекі, зладзілі ўцёкі з турмы, прычым здолелі пазбавіцца ад начыненых выбухоўкай прыладаў кантролю, падобных на электронныя аброжкі. Пазьней Рычардс захапіў у закладнікі кампазытарку Эмбэр Мэндэс (Марыя Канчыта Алёнса), каб выбрацца зь ейнай дапамогай з краіны, але тая ў аэрапорце падняла трывогу, і Рычардса захапілі праваахоўныя ворганы. Прадусар і вядоўца шоў «Чалавек, які бяжыць» Дэйман Кіліян (Рычард Доўсан) шляхам шантажу дамагаецца ад Рычардса згоды на ўдзел у шоў. Каб яшчэ больш узбудзіць гледачоў, Кіліян дэманструе ім сфальшаваны відэазапіс з Рычардсам, які расстрэльвае ўдзельнікаў галоднага бунту.

У першай гульнявой зоне Рычардс і ягоныя сябры забіваюць першага паляўнічага, якім быў хакеіст-забойца Саб-Зыра (Чарлз Калані). Гэта засмучае гледачоў і вядоўцу, бо аніхто да гэтага з паляўнічых ня гінуў і нават ня быў паранены. Тым часам, Мэндэс патаемна знаходзіць у архіве сапраўдны рапарт аб здушэньні бунту, але яе схопліваюць, і ў якасьці пакараньня таксама выпраўляюць удзельнічаць у шоў, выставіўшы яе амаральнай суўдзельніцай забойцы Рычардса. У наступнай зоне шоў паляўнічы Бэнзапіла (Гус Ротўіш), які расьпілоўвае сваіх ахвяраў, сьмяротна раніць Лафліна, але гіне ад рук Рычардса. Вайс і Мэндес, якая далучылася да яго, узломваюць коды тэлесыстэмы, але Вайс тут жа гіне ад электраразраду ўзброенага электроннай гарматай паляўнічага Дынама (Эрлянд ван Літ). Рычардс раззбройвае паляўнічага і заяўляе перад мільённай аўдыторыяй аб нежаданьні забіваць бяззбройнага. Гэта выклікае неабыякі ажыятаж сярод публікі, якія пачынаюць сымпатызаваць міласэрнаму бегуну. Зразумеўшы, што сытуацыя выходзіць з-пад кантролю, Кіліян зьвязваецца з Рычардсам і прапануе дамову, паводле якой Рычардс здаецца, а наўзамен Кіліян робіць яго новым паляўнічым. Рычардс адмаўляецца ад прапановы і ламае камеру, празь якую ажыцьцяўлялася сувязь з Кіліянам.

У апошняй гульнявой зоне Мэндэс знаходзіць памяшканьне зь целамі трох чалавек. Агледзеўшы трупы, яна дазнаецца, што нябожчыкамі ёсьць пераможцы мінулага сэзону шоў. У гэты момант ля Мэндэс зьяўляецца супэрпаляўнічы-агнямётнік Шаравая Маланка (Джым Браўн), які тлумачыць, што атрымаць перамогу ў шоў немагчыма, а кадры з шчасьлівымі пераможцамі былі змадэляваныя на кампутары. Рычардс і Мэндэс перамагаюць і яго, знаходзячы прытулак паўстанцаў Супраціву ў гульнявой зоне і перадаюць ім коды ад тэлеспадарожніка, здабытыя Вайсам. Цяпер за імі павінен выйсьці апошні супэрпаляўнічы — Капітан Свабода (Джэсі Вэнтура), але той адмаўляецца выступаць, бо палітыка шоў супярэчыць кодэксу глядыятараў, у які верыць паляўнічы.

Тым часам Кіліян, пераканаўшыся ў росьце папулярнасьці Рычардса сярод тэлегледачоў, з дапамогай сродкаў кампутарнай графікі імітуе гібель Рычардса і Мэндэс у паядынку з Капітанам Свабодай. Даведаўшыся аб сваёй «сьмерці», Мэндэс хоча пераканаць Рычардса бегчы, на што ён кажа, што калі ня скончыць з усім гэтым, за імі будуць паляваць не «пампезныя клоўны» перад тэлекамэрамі, а звычайныя ўрвіцелі ўраду. Рычардс і паўстанцы захопліваюць кантроль над спадарожнікам і перадаюць на ўсю краіну сапраўдныя кадры расстрэлу галоднага бунту, пасьля чаго «забіты» Рычардс зьяўляецца ў прамым этэры разам з паўстанцамі. У студыі Рычардс саджае Кіліяна ў спэцыяльную капсулу і запускае яе ў гульнявую зону. Капсула ўразаецца ў рэклямны шчыт, і Кіліян гіне. Рычардс і Мэндэс цалуюцца ў прамым этэры, на што бачныя воплескі тэлегледачоў.

Крытыка

На Rotten Tomatoes фільм мае рэйтынг ухваленьня 66%, грунтуючыся на 44 крытычных аглядах і маючы сярэднюю адзнаку 5,6/10. Metacritic надаў фільму 45 сярэднеўзважаных пунктаў з 100 магчымых на аснове 12 водгуках, што сьведчыць пра зьмяшаныя або сярэднія водгукі. Аўдыторыя, апытаная CinemaScore, дала фільм сярэднюю адзнаку B+ паводле шкалы з A+ да F.

Вонкавыя спасылкі

• Чалавек, які бяжыць (анг.) на сайце IMDb
• Чалавек, які бяжыць на сайце «Rotten Tomatoes»  (анг.)
• Чалавек, які бяжыць на Metacritic