Абмеркаваньне Вікіпэдыі:Праект:Тэматычны тыдзень

Вынікі тыдня

Наконт вынікаў. У табліцу меркавалася ўпісваць зьвесткі пра агульныя вынікі, кшталту колькі новых артыкулаў было створана, колькі было палепшана. Калі які-небудзь артыкул быў або будзе адзначаны адмысловым статусам (напр. Грунвальдзкая бітва), то таксама можна згадаць у выніках тыдня. —zedlik 22:16, 3 жніўня 2010 (UTC)

Прыналежнасьць артыкула да тыдня

Можа зрабіць якую плашку, каб ставіць на старонку размоваў артыкула, якая б паказвала, што артыкул належыць да таго ці іншага тыдня? —zedlik 23:00, 3 жніўня 2010 (UTC)

Добрая ідэя. Падтрымліваю. --Jauhienij 23:03, 3 жніўня 2010 (UTC)

Але чаму на старонку размоваў? Могуць {наведнікі} не заўважыць. --Taravyvan Adijene 04:23, 4 жніўня 2010 (UTC)

Паглядзеў па іншых разьдзелах — усе так робяць. Відаць, справа не ў наведвальніках, але патлумачыць пакуль я гэта не магу. Магчыма, проста каб не нагружаць сам артыкул зьвесткамі, якія непасрэдна яго ня тычацца. —zedlik 10:00, 4 жніўня 2010 (UTC)

Так, гэта ўсё ж «тэхнічная» частка зьвязаная зь Вікіпэдыяй і яе разьвіцьцём, а не з артыкулам, таму было б лягічна разьмяшчаць такія пазнакі прыналежнасьці да тыдню або да іншага праекту/парталу менавіта на старонцы абмеркаваньня артыкула. --Red_Winged_Duck 10:12, 4 жніўня 2010 (UTC)

Згодны. —zedlik 18:30, 4 жніўня 2010 (UTC)

Мабыць, ужо на наступны раз зробіцца. А хто будзе прастаўляць такія шаблёны? Самі ўдзельнікі ці робат? І калі другое, дык ці зможа ён вызначыць, у якія артыкулы трэба прастаўляць, нават калі яны будуць пералічаныя на старонцы праекту? --Taravyvan Adijene 10:22, 9 лютага 2011 (EET)

Можна паспрабаваць робатам напісаць. Каб хадзіў на спасылках з старонкі тыдня і расстаўляў, дзе няма. —zedlik 04:44, 10 лютага 2011 (EET)

Лепей зрабіць як у ангельскай: якасьць, важнасьць і г. д. Wizardist ^{г +у} 18:37, 4 жніўня 2010 (UTC)

Можна, але тамака гэтыя шаблёны ставяцца больш глябальна: напрыклад, да ўсіх артыкулаў, датычных Беларусі. --Taravyvan Adijene 10:22, 9 лютага 2011 (EET)

Гэтую важнасьць вылічыць — тая яшчэ праблема. —zedlik 04:44, 10 лютага 2011 (EET)

Праская вясна

На наступным тыдні 20 жніўня угодкі Праскай вясны 1968, магчыма можна разам накінуцца? я тут пачаў... --Ruslan Raviaka 09:35, 13 жніўня 2010 (UTC)

Калі ласка, толькі трэба скласьці сьпіс артыкулаў. І ня 20-га, а з 24-га :) Фактычна па 11 дзён тыдзень трывае, магчыма, для спрашчэньня ліку. :) Wizardist ^{г +у} 09:49, 13 жніўня 2010 (UTC)

Ну тады: Праская вясна, Варшаўская Дамова, Апэрацыя «Дунай», Дэманстрацыя 25 жніўня 1968 году, Камуністычная партыя Чэхаславаччыны --Ruslan Raviaka 09:58, 13 жніўня 2010 (UTC)

Ідэі

Каб не забыцца, запішу на будучыню.

1. Праская вясна — таксама неблагая ідэя. Але ёсьць яшчэ адна падзея, якая акурат сёньня адзначае 30-цігадовы юбілей: «Салідарнасьць (прафсаюз)». І, дарэчы, да яе ж таксама можна прыпісаць стварэньне артыкула «Варшаўская Дамова».
2. Заняўшыся апошнімі днямі даданьнем зьвестак пра падзеі бягучага дню, зьдзівіўся (мякка кажучы), колькі ўсяго цікава адбывалася ў сьвеце, чаго мы ня маем у сваёй вікі. Ну, напрыклад, гэта можна пабачыць хаця б у падзеях 26, 27, 28, 29 і 31 жніўня. Адсюль ідэя: я накідваю інфармацыю пра падзеі пэўнага дню году (лепей прыкладна на месяц наперад), дзе будзе нямерана чырвоных спасылак. А мэта супольнае працы — зрабіць усе гэтыя спасылкі сінімі да таго моманту, калі гэтаму дню будзе наканавана зьявіцца на галоўнай старонцы ў блёку «Дзень у гісторыі». Цікава тым, што тэматыка будзе абсалютна разнастайная.
3. Калі надакучыць гісторыя, можна заняцца пэрыядычнай табліцай хімічных элемэнтаў Мендзялеева. --Taravyvan Adijene 06:50, 31 жніўня 2010 (UTC)

• Я б зрэшы папрацаваў бы на якую беларускую тэму. Напрыклад усе беларускія газэты, ці беларускія грамадзкія арганізацыі і партыі з часоў 1917 году... Над тым, чаго мя ня знойдзем на іншых вікі, але што патрэбна нам — беларусам...--Ruslan Raviaka 14:16, 31 жніўня 2010 (UTC)

ну дык ніфапрос: заўтра, калі нічога ня зьменіцца, будзе на беларускую тэму --Taravyvan Adijene 15:10, 31 жніўня 2010 (UTC)

З ранейшых прапановаў: Праская вясна, пэрыядычная табліца хімічных элемэнтаў Мендзялеева, беларускія газэты, беларускія грамадзкія арганізацыі і партыі. Акрамя таго, напрыканцы 2010 року сп. Яўгеніем выказвалася прапанова зладзіць тэматычны тыдзень па прэзыдэнцкіх выбарах і іхніх наступствах. Сапраўды, гэтая тэма ў нас нераспрацаваная і зусім сьціхла.

Яшчэ некалькі прапановаў: мова (тут, акрамя стварэньня/дапрацоўкі артыкулаў па ўсемагчымых мовах народаў сьвету, трэба будзе заняцца навукамі пра мову і стварыць артыкулы, напрыклад, пра прыназоўнік, скланеньне, спражэньне, род, фанэма, флектыўная мова, дыякрытычныя знакі, зычны гук і да т. п.), біялёгія або пэўны яе разьдзел (напрыклад, батаніка, заалёгія ці нават птушкі, жывёлы, расьліны — адстаем мы тут ад школьнаправапіснай Вікіпэдыі), ці працягнуць традыцыю Славаччыны і ўзяць якую іншую краіну (лепей суседку, скажам Польшчу). Ці мо яшчэ якія ў каго будуць ідэі? --Taravyvan Adijene 18:18, 11 лютага 2011 (EET)

Не, па краінах пакуль, напэўна, хопіць. Трэба болей дастасоўныя тэмы разьвіваць, тую ж біялёгію, хімію ці лінгвістыку, бо, ведаеце, проста кажучы, нікому Вікіпэдыя гэтая занадта і не патрэбная, калі ў ёй нельга паглядзець, што такое кінэскоп, якая хуткасьць гуку, ці як квантавы кампутар раскладвае лік на простыя множнікі. Калі што, я магу заняцца хімічнай кінэтыцы. Wizardist ^{г +у} 19:54, 11 лютага 2011 (EET)

Таксама лічу, што рабіць тыдзень па краінах пакуль хопіць. А вось у тыдні па біялёгіі ці заалёгіі з задавальненьнем бы паўдзельнічаў! --DKorybut 20:03, 11 лютага 2011 (EET)

Я дык больш схіляўся да Мовы. Але можна і біялёгію (заалёгію і да т.п.) зрабіць, і наконт пэрыядычнай табліцы ня супраць. --Taravyvan Adijene 22:12, 11 лютага 2011 (EET)

Пакуль супраць пэрыядычнай сыстэмы. За біялёгію ці мову. --Jauhienij 22:53, 11 лютага 2011 (EET)

Тады маем 3 прыхільнікі біялягічнае тэматыкі і 2 — моўнае. Тады сёньня пазьней паспрабую стварыць праект для тэматычнага тыдню па біялёгіі. Пачатак ужо ёсьць. --Taravyvan Adijene 16:50, 12 лютага 2011 (EET)

Новы тыдзень

Калі будзе новы тэматычны тыдзень? Ды на мой погляд лепш зрабіць тэматычны месяц і штомесяц рабіць зьмену тэмы, але каб усё было без затрымак. Пакуль праект працуе абыяк. --DKorybut 01:22, 9 студзеня 2011 (EET)

А ці быў хлопчык увогуле? Пакуль, можна лічыць, «тыдзень» гэта болей сымбалічная назва. :) Wizardist ^{г +у} 02:00, 9 студзеня 2011 (EET)

Тэматычны тыдзень — выдатная ідэя, і шкада, што неяк у нас зь імі ўсё сьціхла. «Наркамаўцы» працуюць як зацятыя ўжо які месяц па розных тэматыках. --Taravyvan Adijene 13:31, 9 студзеня 2011 (EET)

Пакуль, на жаль, праект увогуле кепска працуе, але ім трэба займацца. Калі ёсьць якія-небудзь прапановы на наступны тыдзень/10 дзён/месяц, і жаданьне разьвіваць гэтую тэматыку — то калі ласка. —zedlik 04:28, 9 студзеня 2011 (EET)

У каго ёсьць прапановы наконт наступнай тэмы праекта пішіце. Калі прапаноў ня будзе, тады можна будзе стварыць тыдзень якой-небудзь дзяржавы, напрыклад Славаччыны (у іх 1 студзеня быў дзень незалежнасьці), падчас якога распачаць ці дапоўніць артыкулы аб рэгіёнах, гарадах, выбітных асобах і нейкіх гістарычных падзеях краіны ды інш. --DKorybut 12:21, 9 студзеня 2011 (EET)

У гэтай гісторыі будзе працяг? Я прапанаваў тэму, калі ў каго ёсьць іншыя думкі не маўчыце. Калі дамовімся на тэму я ствару старонку накшталт гэтай напрыклад, і й мы распачнем «тыдзень» працы (трэба яшчэ вызначыць працягласьць гэтак званага тыдня). --DKorybut 21:50, 10 студзеня 2011 (EET)

Як па мне, то Славаччына — добрая тэма. Ніхто ня выказаўся супраць, таму, думаю, будзе файна, калі створыце каардынацыйны сьпіс зь пералікам артыкулаў якія варта стварыць/палепшыць. Як запусьцім, то на галоўнай старонцы пад блёкам «Гэты дзень у гісторыі» будзе абвестка, і ўсе ахвотныя змогуць далучыцца. Наконт працягласьці, думаю, варта рабіць прынамсі на месяц, бо нават 10 дзён — пакуль вельмі мала. —zedlik 23:41, 10 студзеня 2011 (EET)

Добра. Тады пачну пакуль ствараць старонку праекта, спадзяюся, што да канца тыдня пасьпею. Тады й пачнем працу. --DKorybut 00:10, 11 студзеня 2011 (EET)

То можа пераймянуем у «тэматычны месяц», каб мала не здалося? ;) --Taravyvan Adijene 12:02, 7 лютага 2011 (EET)

Можна :) Хаця пакуль можна проста напісаць, што называецца "тыдзень", а можа цягнуцца і тыдзець, і два, і месяц :) Бо зноў жа традыцыю месяца трэба будзе вытрымліваць, але па тым, што ёсьць цяпер бачна, то месяц нам пасуе лепш за тыдзець. —zedlik 17:21, 7 лютага 2011 (EET)

Фактычна, тыдню й не было ніколі. Мінімум дэкада. --Taravyvan Adijene 15:06, 8 лютага 2011 (EET)

Так, згодны. Назва была ўзятая з расейскага разьдзелу, дзе, здаецца, было яўна напісана, што называецца тыдзень, а цягнецца дзесяць дзесяць дзён. Увогуле, ня бачу нічога кепскага, каб пераназваць, калі гэта істотна. —zedlik 00:27, 9 лютага 2011 (EET)

Неістотна. Проста калі будзем пераназываць, дык лепей адвязацца ад часавых тэрмінаў і назваць проста, напрыклад, супольнай працай. Калісьці так і было, здаецца... --Taravyvan Adijene 07:39, 9 лютага 2011 (EET)

Думаю, ёсьць нейкія беларускія словы, якія азначаюць супольную працу. Тут хіба прымаўка, але сваё. :) Wizardist ^{г +у} 08:19, 9 лютага 2011 (EET)

Першае, што прыходзіць у галаву — талака. --Taravyvan Adijene 09:51, 9 лютага 2011 (EET)

Супольная праца, здаецца, супольнай працай тыдня называлася :) Талака, мне здаецца, будзе кепска тут. Ды і ад тэрміну нікуды не сысьці. Пераназваць, напэўна, у месяц, і ўся справа, а там будзе бачна. —zedlik 04:46, 10 лютага 2011 (EET)

Выдатна! :) —zedlik 00:16, 11 студзеня 2011 (EET)

Спадзяюся, што далучуся, як толькі зьявіцца сьпіс артыкулаў на стварэньне/паляпшэньне. :) Мяркую, няблага было б асаблівую ўвагу аддаць культуры Славаччыны, у першую чаргу мове. Wizardist ^{г +у} 10:37, 7 лютага 2011 (EET)

Астраномія / Хімія

Пасьля невялікае паўзы плянуецца працяг супольных працаў па тэматычных артыкулах. Сярод пажаданьняў удзельнікаў выказвалася навуковая тэматыка: нпр. хімія, і ў нас ужо запачаткаваны накід для астраноміі.

Для хіміі патрэбная дапрацоўка ці не галоўнага шаблёну Удзельнік:Vera.tetrix/Шаблён:Хімічны элемэнт (і магчыма, гэта прысьпешыць працу), а для астраноміі варта стварыць сьпіс артыкулаў. Пакуль прапаную распачаць абмеркаваньне, якую з двух тэмаў (ці можа якую іншую?) абярэм для працягу, калі ўсё яшчэ ёсьць жаданьне працаваць. --Taravyvan Adijene 12:57, 16 сакавіка 2011 (EET)

Можа падтрыхтаваць які тыдзень пра цэнтральнаэўрапейскую краіну, каб усім было цікава? альбо пра Швэцыю, з чым нам можа дапамагчы Удзельнік:Lesnas ättling --Jauhienij 13:49, 16 сакавіка 2011 (EET)

Аварыя на АЭС Фукусіма I

Прапаную замест тэматычнага тыдня засяродзіцца на напісаньні артыкула Аварыя на АЭС Фукусіма I. Дужа актуальна і, мяркую, не пакіне абыякавымі удзельнікаў нашай супольнасьці. Я паспрабую пачаць, а ўсе жадаючыя могуць далучыцца. Прэамбулу, пакуль, пакіну за сабой. --Jauhienij 16:14, 19 сакавіка 2011 (EET)

Канада

Прапаруню напісаньне тэматычных артыкулаў пра Канаду. Вікіпэдыя:Праект:Тэматычны тыдзень/Канада --Adamovitch 11:52, 28 сакавіка 2011 (EEST)

Чарнобыль

26 красавіка будзе 25 рокаў з часу аварыі на ЧАЭС, а ў нас яшчэ няма артыкулу пра саму электрастанцыю. Ну і шмат чаго іншага таксама няма. Калі суполцы гэта цікава, то я магу стварыць сьпіс артыкулаў на тэматычны тыдзень. Пачаць можна, напрыклад, заўтра, а скончыць 26-га або ўзяць тэрмін, напрыклад, два тыдні. Калі пабачым, што тэма будзе цікавая, можна будзе ахапіць больш шырокую тэматыку (напрыклад, атамная энэргетыка) на месячнік. --Taravyvan Adijene 23:07, 15 красавіка 2011 (EEST)

Падтрымліваю. Добрая ідэя. --Jauhienij 23:19, 15 красавіка 2011 (EEST)

Паспрабую прыняць актыўны ўдзел. — Wizardist ^{г +у} 23:57, 15 красавіка 2011 (EEST)

Стварыў. Калі ёсьць яшчэ якія ідэі — дадавайце ў сьпіс на стварэньне. Ну а пачаць можна ўжо зь нядзелі. --Taravyvan Adijene 03:39, 16 красавіка 2011 (EEST)

Пакуль актыўных удзельнікаў зусім няшмат было. Хутка гэты тэматычны тыдзень сканчаецца, пасьля чаго зусім невялічкі перапынак — і запрашаю далучыцца да міжвікіпэдыйнай (разам зь be-вікі) працы па напісаньні артыкулаў пра Другую сусьветную вайну (калі ніхто ня будзе супраць). --Taravyvan Adijene 13:51, 27 красавіка 2011 (EEST)

Уступная кампанія

Ці ня час ужо заняцца стварэньнем артыкулаў пра ВНУ, як тое прапаноўвалася даўней на праекце «Папулярнасьць»? Прычым, каб нашая энцыкляпэдыя не засяроджвалася толькі на беларускай тэматыцы, можна зладзіць супольную працу па ВНУ ўвогуле. Зараз ужо маем акрамя шаблёну {{ВНУ Беларусі}}, напрыклад {{Унівэрсытэты Польшчы}}.

Калі цікава, дык я можа б днямі заняўся. Абяцаю, што «Вікі любіць славутасьці» таксама нікуды ня дзенецца, будзем працаваць раўналежна. . --Taravyvan Adijene 20:07, 14 чэрвеня 2011 (EEST)

Зразумела, пытаньне здымаецца. Аднак яшчэ можам пасьпець да 70-годзьдзя пачатку ВАВ працягнуць працу па адпаведнай тэме. --Taravyvan Adijene 19:15, 19 чэрвеня 2011 (EEST)

Можна было б засяродзіцца на адной асобе і яе творчасьці, напрыклад, мастака альбо літаратара. Я бы прапанаваў Эль Грэка (няшмат карцінаў і разгорнутая біяграфія). --Jauhienij 17:33, 21 чэрвеня 2011 (EEST)

Прапановы на лета

Такім чынам, прапановы не падтрыманыя. Тым ня меней, паспрабую абагульніць, што мы маем:

• Вышэйшыя навучальныя ўстановы. Усё-ткі лічу гэта вельмі важнай тэмай незалежна ад уступнай кампаніі ці чаго было б яшчэ.
• Вялікая Айчынная вайна — на дадзены момант ужо неактуальна, працягнем магчыма пазьней.
• Прапанову сп. Jauhienij па карцінах Эль Грэка я б трансфармаваў у тыдзень па мастаках увогуле або па выяўленчым мастацтве. Пра карціны аднаго канкрэтна ўзятага мастака пісаць асабіста мне нецікава, ды й ня тая зараз дэталізацыя, каб іх расьпісваць (на маю думку).

  Добрая ідэя, я бы заняўся мастакамі. --Jauhienij 00:48, 27 чэрвеня 2011 (EEST)

• Акрамя гэтага, маем яшчэ часткова падрыхтаваныя тыдні па Канадзе і астраноміі.
• Асобна стаіць «Вікі любіць славутасьці». Гэта пэрманэнтная праца. Вывучаецца зацікаўленасьць ва ўдзеле ў Вікітыднях па стварэньні артыкулаў пра населеныя пункты і славутасьці са сьпісу ГКК РБ. Прыкладна так, як гэта зроблена ў Беларускім тыдні ў наркамаўскай Вікіпэдыі. --Taravyvan Adijene 15:54, 24 чэрвеня 2011 (EEST)

  Дарэчы, наконт назваў. Паглядзеў на Вікіпэдыя:Праект:Тэматычны тыдзень/Месяц астраноміі і зразумеў, у чым была праблема: «месячнік» — няёмкае слова, а вось «тэматычны месяц» замест «тэматычнага тыдня» — сама тое, на маю думку. —zedlik 16:23, 24 чэрвеня 2011 (EEST)

  «Месячнік» — тое ж, што і «штомесячнік», толькі аднаразовы. :) Каму як, карацей, «месяц» — таксама варыянт. --Taravyvan Adijene 18:16, 25 чэрвеня 2011 (EEST)

• Аўстралія. Ёсьць нагода пашырыць стос артыкулаў як пра кантынэнт, гэтак і пра дзяржаву. :) Некаторыя ўдзельнікі ўжо пакрысе робяць артыкулы, таму было б плённа зрабіць гэта разам. Мяркую, што лепш будзе структурна падзяліць працу на дзьве: пра кантынэнт (геаграфія: рэкі, азёры, горы, пустэльні, флёра і фаўна) і пра дзяржаву (буйныя гарады, эканоміка, гісторыя, адміністрацыйна-тэрытарыяльны падзел). — Wizardist ^{г +у} 11:22, 26 чэрвеня 2011 (EEST)

  Аўстралійскія артыкулы, дарэчы, перацягваюцца з наркамаўскай вікі, дзе зараз ладзіцца адпаведны тыдзень. Лепей што-небудзь сваё арыгінальнае прыдумаць. --Taravyvan Adijene 00:42, 27 чэрвеня 2011 (EEST)

• Біблія. Вельмі блага ў нас гэтая тэматыка распрацаваная, нават Новага Запавету няма. --Taravyvan Adijene 23:37, 26 чэрвеня 2011 (EEST)

  Падтрымліваю, сапраўды, вельмі важная тэма. Але, магчыма, у больш шырокім кантэксце? Напрыклад, хрысьціянства. --Dzivak 23:03, 5 ліпеня 2011 (EEST)

  Можна й так, хоць гэта магчыма й будзе распыленьне. А якія тэмы, на вашую думку, акрамя Бібліі, варта было б ахапіць у гэтым тыдні? --Taravyvan Adijene 00:20, 6 ліпеня 2011 (EEST)

1. Плыні: праваслаўныя аўтакефальныя цэрквы, каталіцкія й іншыя. 2. Вядомыя хрысьціянскія рэлігійныя пабудовы. 3. Асобы, як то Ян Златавуст і іншыя. --Dymitr 00:34, 6 ліпеня 2011 (EEST)

Мяркую, што варта больш істотныя артыкулы па тэматыцы прапрацоўваць: гісторыя хрысьціянства, яго этапы, асобна пра каталіцтва і праваслаўе палепшыць, пратэстантызм, найбольш істотныя асобы. — Wizardist ^{г +у} 00:56, 6 ліпеня 2011 (EEST)

…У выніку кожная з тэмаў раскрываецца як асобны тэматычны тыдзень. Я ўсё-ткі за звужэньне тэматыкі. --Taravyvan Adijene 07:40, 6 ліпеня 2011 (EEST)

Прапаную напачатку заняцца мастакамі, матэрыялу там ужо даволі шмат і будзе дапаўняцца пры неабходнасьці. А за гэты час падрыхтуецца біблійная тэматыка для наступнага тыдню (або хрысьціянства ўвогуле, або асобы, або гісторыя хрысьціянства, або дэнамінацыі, і да т. п. — абмеркаваньне пакуль працягваецца). --Taravyvan Adijene 23:58, 12 ліпеня 2011 (EEST)

Падтрымліваю. --Jauhienij 00:01, 13 ліпеня 2011 (EEST)

Заўсёды гатовы заняцца мастакамі, асабліва тымі, якія ўваходзяць у сьпіс істотных артыкулаў. --Dymitr 00:05, 13 ліпеня 2011 (EEST)

Што ж, выдатна. Можна пачынаць, спадарства.

Асобна да Удзельнік:Dymitr: пакуль сьпіс для паляпшэньня адсутнічае, можна сапраўды паляпшаць «істотных» мастакоў або заняцца стварэньнем новых артыкулаў. --Taravyvan Adijene 00:26, 13 ліпеня 2011 (EEST)

А за што цяпер будуць даваць мэдаль? за тое і трэба брацца :) Можа Першую Сусьветную вайну? ці Пісьменьнікі Беларусі?--Ruslan Raviaka 00:09, 13 ліпеня 2011 (EEST)

Яшчэ прапановы? Во-ох… А чаму б вам не заняцца пакуль што мастакамі Беларусі? ;) --Taravyvan Adijene 00:31, 13 ліпеня 2011 (EEST)

Артыкул «Беларуская мова»

Прапаную абвесьціць паляпшэньне гэтага артыкулу «справай тыдня». Бо пакуль, прынамсі, гэта выглядае ня вельмі прыгожа. Артыкул маленькі, а тое што ёсьць, мае хібы ў пляне нейтральнасьці. Ў разьдзеле «Статус» толькі 2 сказы ёсьць пра статус мовы ў РБ, абзац (5 сказаў) аб статусе ў Польшчы, і адзін сказ аб статусе ва Ўкраіне. Ангельская, расейская, ды нават польская і ўкраінская версіі больш поўныя, чым, ўласна, беларуская! Я не зьяўляюся спэцыялістам-моўнікам, але магу дапамагчы з апісаньнем вынікаў апошняга рэфэрэндуму ў галіне моўных адказаў. Зрэшты, артыкул — гэта ў нейкім сэнсе «аблічча» гэтага моўнага разьдзелу вікіпэдыі, хіба не? Мяркую, напісаньне прынамсі «добрага» артыкулу пра беларускую мову ў беларускамоўнай версіі вікіпэдыі было б вельмі правільнай і патрэбнай справай! --Vasyl` Babych 11:57, 27 ліпеня 2011 (EEST)

Апошні тэматычны тыдзень прайшоў блага прайшоў. Але калі рабіць пра беларускую мову, я бы не абмяжоўваўся адным артыкулам. Трэба напісаць і аканьне зь дзеканьне. Але вось артыкулы пра гістрыю пісаць складаней будзе. Тут патрэбныя грунтоўныя крыніцы. Але, мяркую, у Jauhienij яны ёсьць :) — Wizardist ^{г +у} 12:07, 27 ліпеня 2011 (EEST)

Таксама было б нядрэнна! --Vasyl` Babych 22:45, 29 ліпеня 2011 (EEST)

Тэматычны тыдзень па вышэйшых адукацыйных установах Беларусі

Прапаную распачаць тэматычны тыдзень па вышэйшых адукацыйных установах Беларусі. -- 217.21.43.22 12:03, 20 чэрвеня 2013 (FET)

Альбо па мовах сьвету, альбо па Бібліі, альбо па нейкай краіне Эўропы ці Азіі, альбо па беларускай літаратуры ці населеных пунктах, і да т.п. --Taravyvan Adijene 12:33, 21 чэрвеня 2013 (FET)

Прапаную ўсё ж па Бібліі, пакуль ёсьць зацікаўленасьць. Гэта вельмі істотная тэма. --Taravyvan Adijene 11:51, 24 чэрвеня 2013 (FET)

Лепш па Бібліі.--Mr. Sрock (гутаркі) 11:57, 24 чэрвеня 2013 (FET)

Чарговая прапанова

Калі хтосьці падтрымае, лічу неабходным зьвярнуць увагу што артыкулы пра краіны Сусьвету, біялёгіі, спорту і г.д. гэта вельмі добра і проста цудоўна, што беларуская Вікіпэдыя імкнецца разьвівацца ва ўсіх накірунках (сам таксама дзе-нідзе штосьці раблю), але будзьма рэалістамі. Здаецца мне, у беларускай вікіпэдыі найбольшую цікавасьць выклікаюць менавіта артыкулы пра Беларусь, маю на ўвазе артыкулы пра беларускую культуру ўвогуле, гісторыю, літаратуру у асобнасьці (школьнікам, студэнтам дакладна калі-некалі патрабуюцца гэтыя зьвесткі). Дык вось, маю прапанову: чаму б не заплянаваць і не распачаць тыдзень беларускай літаратуры. А гэта ж будзе ня толькі савецкі час, але і сярэднявечная беларуская літаратура, гэта летапісы, гэта хронікі, гэта выбітныя постаці і знакамітыя землякі! Было б някепска, калі хтосьці лічыць гэтую тэму таксама важнай і цікавай.--Mr. Sрock (гутаркі) 21:24, 15 жніўня 2013 (FET)

Не магу не пагадзіцца з прыведзенай прапановай, таму, безумоўна, Падтрымліваю. Калі будзе мажлівасьць, то абавязкова вазьму ўдзел. --Глеб Бераставы (гутаркі) 21:51, 15 жніўня 2013 (FET)

Прапанова

Пасьля правядзеньня іншых заплянаваных тыдняў (увогуле, час правядзеньня ня мае значэньня) выстаўляю на агульную ўвагу нашай супольнасьці прапанову тэматычнага тыдня пра гістарычны адцінак 1917—1922 гадоў у Эўропе, а менавіта пра дзяржаўныя пераўтварэньні на тэрыторыі Эўропы ў 1917—1922 гадох (у прыватнасьці, распад Расейскай імпэрыі ды Аўстра-Вугоршчыны). --Глеб Бераставы (гутаркі) 21:51, 15 жніўня 2013 (FET)

Пакуль іншыя тыдні рыхтуюцца, можна зладзіць супольную працу па «Зорных войнах». Паводле папярэдніх ацэнак, прынамсі 4 (чатыры) сталыя ўдзельнікі зацікаўленыя ў тэматыцы. Можа, пачнем на гэты ўік-энд? --Taravyvan Adijene 12:29, 26 жніўня 2013 (FET)

Давайце 1 верасьня акурат і пачнем? — Wizardist ^{г +у} 13:09, 26 жніўня 2013 (FET)

Увогуле сьпіс падрыхтаваны, можна было б і не чакаць выходных. Але пакуль ёсьць час, пажадана было б стварыць прынамсі шаблёны-карткі ({{Пэрсанаж «Зорных войнаў»}}, {{Арганізацыя «Зорных войнаў»}}, {{Плянэта «Зорных войнаў»}}, {{Бітва «Зорных войнаў»}}, {{Выдуманы траспартны сродак}}). Ну і зь нядаўняе пары зьявіўся трэнд рабіць нешта кшталту {{Артыкул праекту Тэматычны тыдзень/Зорныя войны}} (як хто пажадае). --Taravyvan Adijene 23:38, 26 жніўня 2013 (FET)

…а яшчэ абраць выяву для абвесткі. --Taravyvan Adijene 12:04, 28 жніўня 2013 (FET)

Прапаную гэтую. :) — Wizardist ^{г +у} 14:47, 28 жніўня 2013 (FET)

Або можна яшчэ такую. --Taravyvan Adijene 21:48, 29 жніўня 2013 (FET)

Можна было б: і Боба Фэт з Вэйдэрам ёсьць, але яна не панарамная, і як не круці, усё роўна толькі частка іх будзе бачная, і якасьць благая: як колеры, гэтак і разрозьненьне. Тую ж, што я прапанаваў, можна нармальна паставіць, толькі звычайна выява ставіцца пасяродку (вэртыкальна), а гэтым разам здолу яе варта будзе паставіць. — Wizardist ^{г +у} 22:16, 29 жніўня 2013 (FET)

Толкін

Хачу пацікавіцца, ці ёсьць сэнс рабіць тыдзень па Толкіне? Хутка выйдзе другая частка кінатрылёгіі «Хобіт», думаў да гэтае падзеі прымеркаваць і тэматычны тыдзень, калі будуць яшчэ зацікаўленыя ўдзельнікі. --Taravyvan Adijene 10:53, 6 сьнежня 2013 (FET)

Нягледзячы на маўчаньне сталых удзельнікаў, зацікаўленасьць у тэме ёсьць, бо артыкулы ўжо пачалі зьяўляцца. Дык тады пляную пачаць тыдзень, скажам, у суботу. --Taravyvan Adijene 00:53, 12 сьнежня 2013 (FET)

Асабіста я, на жаль, не пляную ўдзелу ў гэтым тыдні (хіба што зусім трошкі :)), бо гэта не зусім блізкая мне тэматыка, і, акрамя таго, маю доўгі ліст артыкулаў, якія пляную зрабіць, але ў кожным разе, зычу посьпехаў і плённай працы!--Lesnas ättling (гутаркі) 20:20, 13 сьнежня 2013 (FET)

Калі будзе рабіцца абвестка ў апошніх зьменах, дык можна туды паставіць якую-небудзь выяву з наступных: , , ці . --Taravyvan Adijene 23:26, 13 сьнежня 2013 (FET)

Тэрытарыяльныя пераўтварэньні ў Расеі ды Эўропе

Прапаноўваю супольнасьці тэматычны тыдзень, прысьвечаны тэматыцы тэрытарыяльных пераўтварэньняў у Эўропе ды Расеі пэрыяду І Сусьветнае вайны. Чарнавік ужо поўнасьцю гатовы, уставіць яго ў асноўную прастору — справа пяці сэкунд, галоўнае, каб была згода супольнасьці. Пляную правядзеньне тыдня бліжэйшымі днямі. Спадзяюся на водгукі, дзякуй. --Глеб Бераставы (гутаркі) 22:05, 1 студзеня 2014 (FET)

Мяркую ніхто супраць ня будзе, але не ведаю ці хтосьці выкажа пільную зацікаўленасьць. У сьпісе ёсьць пару артыкулаў, якія я б хацеў дапрацаваць, таму калі тыдзень пачнецца імаверна далучуся ў якасьці дапісываючага ўжо існуючыя артыкулы.--Mr. Spock ^абм 21:27, 2 студзеня 2014 (FET)

Як аматар гісторыі ды геаграфіі Падтрымліваю. Праўда, свайго ўдзелу ў тыдні абяцаць не магу (пабачым).--Lesnas ättling (гутаркі) 16:12, 3 студзеня 2014 (FET)

Падтрымліваю Буду ўдзельнічаць. --Liashko (гутаркі) 17:16, 3 студзеня 2014 (FET)

Дзякуй удзельнікам за водгукі. У выпадку, калі тыдзень ухваліць адміністрацыя, прапаноўваю наступную выяву:

Для гэтага ня трэба ўхваленьня адміністрацыі. Адміністратары — такія ж удзельнікі, як і вы. Яны нічога не вырашаюць, а толькі дапамагаюць выдаляць і абараняць старонкі. :) Будзьце рашучымі. --Red_Winged_Duck 19:25, 3 студзеня 2014 (FET)

Для пачатку трэба нарэшце перанесьці тэматычны тыдзень у адмыслова прызначаную для гэтага прастору Вікіпэдыі. Па-другое, шкада, калі гэткая праца змарнуецца, і хаця б таму варта тыдзень правесьці. Аднак, мяркуючы па часе, колькі той тыдзень рыхтаваўся, колькасьць прапановаў для стварэньня ў ім значна большая, чым рэальна супольнасьць здолее стварыць у абсяжны тэрмін, нават калі гэты тыдзень будзе ладзіцца і месяц. І па-трэцяе, у гэтым годзе нас (Беларусь) чакае какейная навала, на якую Вікіпэдыя проста ня можа не адрэагаваць, калі хоча, каб яе чыталі. Таму ў вас на правядзеньне тыдню ёсьць інтэрвал недзе да пачатку вясны. Далей варта пачынаць тэматычны тыдзень спорту ці прынамсі хакею. --Taravyvan Adijene 20:56, 3 студзеня 2014 (FET)

Гэта не праблема: тыдзень я пляную на студзень (максімум — пачатак лютага), галоўнае, каб на гэта была згодна супольнасьці + трэба неяк данесьці ідэю адміністратарам (каб была зьмешчаная спасылка-модуль у апошніх зьменах). Сам зьмест можна перамясьціць калі пажадана (зраблю гэта заўтра), бо ён поўнасьцю гатовы. Што тычыцца памераў... Я думаю, гэта не крытычна: кожны, хто пажадае, створыць столькі, колькі пажадае. --Глеб Бераставы (гутаркі) 21:59, 3 студзеня 2014 (FET)

Ізноў жа, каб зьмясьціць абвестку ў апошнія зьмены, трэба адрэдагаваць {{Апошнія зьмены банэр}} (там, праўда, ня ўсё так проста, было б добра, каб нехта стварыў для яго дакумэнтацыю), ён даступны для рэдагаваньня ўсім сталым удзельнікам, ня толькі адміністратарам. --Red_Winged_Duck 22:13, 3 студзеня 2014 (FET)

Думаю, я здолею дазнацца як гэта робіцца, падглядзеўшы адрозьненьні ў diff'ах. --Глеб Бераставы (гутаркі) 22:21, 3 студзеня 2014 (FET)

Такім чынам, бачачы дастатковую актыўнасьць, прапаноўваю пачатак на панядзелак. --Глеб Бераставы (гутаркі) 22:53, 3 студзеня 2014 (FET)

Сьпіс тэматычных тыдняў тут. Звычайна я папярэдне дадаю плянаваны тыдзень у сэкцыю Плянаваныя. Аднак старонкі Вікітыдню-то па-ранейшаму няма. --Taravyvan Adijene 23:09, 3 студзеня 2014 (FET)

Зроблена. Магу меркаваць, што ніхто ня супраць і дастатковая колькасьць ахвочых ёсьць, а значыць, на выходных можна будзе дадаць ва ўласна сьпіс. --Глеб Бераставы (гутаркі) 23:40, 3 студзеня 2014 (FET)

Беларускі спорт

Тут у скайпе надоечы выказалі думку, што месяц беларускага спорту можна пачаць са стартам Алімпіяды ў Сочы. Сапраўды, неблагая ідэя, пакуль што на 7 лютага і будзем арыентавацца.

У такім разе варта было б дадаць яшчэ віды спорту, у якіх Беларусь будзе прадстаўленая на гэтых АГ. Калі хто ведае, калі ласка, дадавайце.

Якія віды спорту (магчыма, ня толькі камандныя) варта было б яшчэ разгледзець у межах супольнага месяцу? Выказвайцеся. --Taravyvan Adijene 07:18, 24 студзеня 2014 (FET)

Дадаў усіх беларускіх удзельнікаў гэтых Алімпійскіх гульняў: некаторых зь іх пакуль па інтэрвіках не знайшоў, але з часам могуць зьявіцца, таму добра пры стварэньні артыкулаў прастаўляць інтэрвікі, а таксама меткі й апісаньні. --Taravyvan Adijene 07:26, 29 студзеня 2014 (FET)

Украінскі тыдзень

Запрашаю падключыцца да падрыхтоўкі тэматычнага тыдню Ўкраіны. Нагодаў ажно некалькі:

1. Падзеі на пераломе 2013—2014 рокаў прыцягнулі да Ўкраіны ўвагу ўсяго сьвету;
2. з п. 1 адпаведна зьвязанае і зьяўленьне новых артыкулаў у беларускай Вікіпэдыі па ўкраінскай тэматыцы, ствараных рознымі асобамі. Можна аб’яднаць высілкі, і талакой справа пойдзе шпарчэй;
3. 8 красавіка адпаведны тыдзень пачынаецца ў польскай Вікіпэдыі. Можам пачаць яго разам. --Taravyvan Adijene 13:27, 1 красавіка 2014 (FET)

Неабходна вызначыцца з датай (пачынаем усё ж 8 красавіка ці як?), тэрмінам (два тыдні?) і абраць выяву для адлюстраваньня ў апошніх зьмяненьнях. Можна таксама абмеркаваць намінацыі, па якіх будуць узнагароджвацца ўдзельнікі — пакідаць гэтыя ці замяніць на што іншае. --Taravyvan Adijene 11:49, 3 красавіка 2014 (FET)

Цалкам падтрымліваю тэрміны й варыянты ўзнагародаў. --Глеб Бераставы (гутаркі) 22:45, 3 красавіка 2014 (FET)

Даўно не было

Прапаную вікісупольнасьці некалькі варыянтаў новага тэматычнага тыдня:

1. Тыдзень Васіля Быкава. Не сакрэт, што ў 19 чэрвеня адзначаўся юбілей нашага славута пісьменьніка Васіля Быкава, а ў вікіпэдыі ён асьвечаны даволі сьціпла, улічваючы яго ўклад у беларускую літаратуру і грамадзкае жыцьцё. Калі супольнасьць падтрымае маю ідэю, можна давесьці артыкул да статусу добрага, асьвяціць яго творы.
2. Таксама ў гэтым годзе сьвяткуецца юбілей вызваленьня Беларусі ад нацыскіх захопнікаў. Улічваючы, што гэта тэма разьвіта ня так добра, як жадалася, можна было б з гэтай нагоды правесьці тэматычны тыдзень.--Maks 100 (гутаркі) 21:34, 22 чэрвеня 2014 (FET)

Наконт першага: што прапануеце пісаць? Артыкулы пра ўсе творы Быкава? Асабіста мне ня вельмі цікава гэта будзе, але магчыма, падцягнуцца іншыя ўдзельнікі.

Тыдзень Другой сусьветнай вайны мы сапраўды ўжо неяк ладзілі, і працы (чырвоных спасылак) там яшчэ шмат. Так што нарыхтоўка гэтага тыдню ёсьць. -- Taravyvan Adijene 09:19, 23 чэрвеня 2014 (FET)

Ну гэта ж яшчэ толькі прапановы. Улічваючы, што творчасьць Васіля Быкава адносіцца да гэтых падзей, можна проста дадаць яго ў агульны тыдзень пра вайну. Я бачыў гэты тыдзень, але прапаную крыху больш вузкую тэму: вайна на тэрыторыі Беларусі. Гэта падзеі і ад 1939 да 1944 гг., таму што агульную вайна ахапіць вельмі цяжка.--Maks 100 (гутаркі) 10:00, 23 чэрвеня 2014 (FET)

Заўважу, што сёлета таксама круглыя даты пачатку Першай сусьветнай вайны ды Аршанскай бітвы; калі па сусьветных войнах тыдні праводзіліся, дык 500-годзьдзе бітвы пад Воршай будзе адзначацца на нацыянальным (я не сказаў дзяржаўным) узроўні, а ў нас артыкулу пра тую вайну яшчэ няма. Вядома, калі створыце сьпісы артыкулах па прапанаванай Вамі тэматыцы, дык можна будзе заняцца й вайной 1939—1944, але пажадана зладзіць гэты тыдзень да пачатку восені — раптам знойдзецца што пісаць па Аршанскай бітве? -- Taravyvan Adijene 18:44, 23 чэрвеня 2014 (FET)

Беларусь у Другой сусьветнай — выдатна, Аршанская бітва таксама, тыдзень Быкава — на аматараў творчасьці і бібліяфілаў (зрэшты пра Быкава і спадарожныя лепш упісаць сюды: Вікіпэдыя:Праект:Тэматычны тыдзень/Беларуская літаратура). У любым выпадку трэба шкілет-нарыхтоўка, вакол якога можна ляпіць фактуру плянаванага тыдню.--Mr. Spock ^абм 19:30, 23 чэрвеня 2014 (FET)

Дзеля цікавасьці запачаткаваў тыдзень па Аршанскай бітве і зьвязанай тэматыцы — думаю, што нават таго, што там ёсьць, напісаць варта. Але калі сюды ўключыць іншыя падзеі таго часу, дык тыдзень будзе паўнавартасны. -- Taravyvan Adijene 12:38, 24 чэрвеня 2014 (FET)

Калі атрымае перавагу тэматыка, зьвязаная з Другой сусьветнай вайной і творчасьцю Быкава, то магу прапанаваць надаць асаблівую ўвагу напісаньню артыкулаў пра асобныя творы пісьменьніка (з улікам нядаўняга выданьня яго арыгінальных, неадцэнзураваных твораў). Ідэю, прымеркаваную да гадавіны Аршанскае бітвы, таксама лічу вельмі добрай, але тады для дастатковае колькасьці артыкулаў варта будзе скласьці сьпіс артыкулаў пра ўсе падзеі тае вайны. Падтрымаю абедзьве ідэі, спадзяюся, здолею атрымаць патрэбныя літаратурныя крыніцы. --Глеб Бераставы (гутаркі) 20:58, 23 чэрвеня 2014 (FET)

Цалкам падтрымліваю ідэю -- Taravyvan Adijene , наконт маёй ідэі паспрабую зрабіць нарыхтоўку. Калі што часу хапае на некалькі тэматычных тыдняў.--Maks 100 (гутаркі) 17:26, 24 чэрвеня 2014 (FET)

Давайце хаця б дзеля разнастайнасьці прагаласуем хоць раз: у прапановах ёсьць адпаведнае поле для колькасьці пададзеных галасоў. Прапановаў, наколькі я зразумеў, тры: тыдзень Аршанскае бітвы, тыдзень Другой сусьветнай вайны ды тыдзень гісторыка-культурных каштоўнасьцяў Беларусі. Галасы пакідайма тут. -- Taravyvan Adijene 19:12, 12 ліпеня 2014 (FET)

Тыдзень Аршанскае бітвы здымаецца. За астатнія галасы разьмеркаваліся наступным чынам: 0 / 0. Пра Быкава ТТ ня створаны, лепей сапраўды было б дадаць яго ў беларускую літаратуру. -- Taravyvan Adijene 10:49, 10 лістапада 2014 (MSK)

Хрысьціянскі вікітыдзень/вікімесяц

Добры дзень, шаноўныя калегі! Зьвяртаюся да Вас ад імя грамадзянскай ініцыятывы “Супольнасьць хрысьціянскіх журналістаў і блогераў” і хрысьціянскага інфармацыйнага парталу Krynica.info з прапановай правесьці Вікітыдзень ці Вікімесяц на тэму хрысьціянства ў Беларусі й сьвеце. Правесьці яго прапануецца ў жніўні, прымеркаваўшы да выданьня ў 1517 годзе Францішкам Скарыны першае друкаванае ўсходнеславянскае Бібліі. Са свайго боку абяцаем удзел ды інфармацыйную падтрымку ў СМІ. — Гэты камэнтар пакінуў, але не падпісаўся Karybut (гутаркі · унёсак) 14:58, 28. máj 2015‎.

На жаль, не заўважыў Ваш заклік раней. Ідэю можна пакінуць на 2017 рок, напрыклад, тады ўжо дакладна варта будзе зладзіць такі тэматычны тыдзень. -- Taravyvan Adijene 16:53, 11 верасьня 2015 (MSK)

Добра. Давайце адкладзем на 2017 год. Там шмат падзей, можна нават месяц зладзіць--Karybut 14:57, 17 кастрычніка 2015 (MSK)

Міхал Клеафас Агінскі

Ці мае суполка зацікаўленасьць у правядзеньні тэматычнага тыдню з нагоды 250-рочча Міхала Клеафаса Агінскага? Адпісвайцеся ў камэнтарах, і калі набярэцца, скажам, 5 чалавек, тады я пачну ствараць старонку з прапановамі для напісаньня. Правесьці пляную ў верасьні/кастрычніку (дзень народзінаў, нагадваю, 7 кастрычніка), меркаваныя артыкулы можна паглядзець у самім артыкуле пра кампазытара (чырвоныя спасылкі) + варта будзе дапоўніць сам артыкул. Напрыклад, у фінскай Вікіпэдыі ён нават мае ўзровень абранага. -- Taravyvan Adijene 14:40, 14 верасьня 2015 (MSK)

Лішне казаць, што ў Беларусі будзе адзначацца гэты юбілей (1 2 3 4), таму артыкулы адпаведнай тэматыкі ў Вікіпэдыі (пры іхняй наяўнасьці) могуць карыстацца папулярнасьцю. -- Taravyvan Adijene 17:21, 14 верасьня 2015 (MSK)

Часу застаецца ня так і шмат, а яшчэ трэба будзе ствараць тыдзень. Таму зробім так: гэтае абмеркаваньне сканчаецца ў пятніцу 25 верасьня. Меркаваньні просьба выказваць тут, а ня ў скайпе. -- Taravyvan Adijene 08:28, 21 верасьня 2015 (MSK)

Запісваюся

Калі Вы зацікавіліся тэматычным тыднем, запішыцеся ў сьпіс, дадаўшы сымбаль «хэш» і тры тыльды (# ~~~), якія пры захаваньні заменяцца на ваш нік. Запіс у сьпіс сымбалічны і не накладае аніякіх абавязкаў.

1. Taravyvan Adijene