Пафас (футбольны клюб)
| Пафас | |
 | |
| Поўная назва | Πάφος FC |
|---|---|
| Заснаваны | 10 чэрвеня 2014 |
| Горад | Пафас, Кіпр |
| Стадыён | Стэліяс Кірыякідэс, Пафас Умяшчальнасьць: 9300 |
| Галоўны трэнэр | |
| Чэмпіянат | Першы дывізіён |
| · 2025—2026 | 4 месца |
 Галерэя здымкаў у ВікісховішчыАфіцыйны сайт | |
«Па́фас» (па-грэцку: Πάφος) — кіпрскі футбольны клюб з гораду Пафасу. Заснаваны ў 2014 годзе. Чэмпіён Кіпру (2025), двухразовы ўладальнік Кубка Кіпру (2024, 2026). Свае хатнія матчы ладзіць на стадыёне імя Стэліяса Кірыякідэса, які мае ўмяшчальнасьць у 9394 чалавек, аднак хатнія матчы ў эўрапейскіх турнірах ладзіць на Лімасол-Арэне, бо ўласны стадыён не адпавядае стандартам УЭФА.
Гісторыя
[рэдагаваць | рэдагаваць код]
«Пафас» быў утвораны з мэтай аб’яднаньня ўсіх футбольных таварыстваў у ваколіцах места Пафас. АЭП і АЕК прагаласавалі за аб’яднаньне сваёй дзейнасьці ў чэрвені 2014 году. Новы клюб адразу дэбютаваў у Другім дывізіёне[2][3]. Клюб атрымаў павышэньне ў эліту ў сэзоне 2014—2015 гадоў як віцэ-чэмпіён другой лігі, але хутка страціў месца ў галоўным дывізіёне. Ужо ў 2016—2017 гадоў «Пафас» вярнуўся ў найвышэйшы дывізіён. У 2017 годзе клюб перайшоў пад кантроль групы Total Sports Investments, павязанай з брытанскім бізнэсоўцам Раманам Дубовым, і распачаў праграму прафэсіяналізацыі першай каманды і акадэміі. Трэнавальны цэнтар у Пафасе прайшоў значную рэканструкцыю ў 2020 годзе[4][5]. У чэрвені 2023 году гішпанскі трэнэр Хуан Карляс Карсэда быў прызначаны галоўным трэнэрам каманды[6].
«Пафас» стаў уладальнікам Кубка Кіпру 2023—2024 гадоў, што стала першым буйным трафэем у гісторыі клюбу. У фінале, які адбыўся 18 траўня 2024 году, была пераможаная «Амонія»[7]. Перамога дала клюбу першую кваліфікацыю ў эўрапейскія турніры. У сэзоне 2024—2025 гадоў «Пафас» стартаваў у Лізе канфэрэнцыяў УЭФА з другога кваліфікацыйнага раўнду, адолеўшы ў першым супрацьстаяньні зь летувіскім «Жальгірысам». Пазьней кіпрыёты выбілі баўгарскі ЦСКА-1948 (пасьля дадатковага часу) і румынскі ЧФР (у сэрыі пэнальці), трапілі ў лігавы этап, дзе атрымаў хатнія перамогі над казаскай «Астаной» і іншыя станоўчыя вынікі супраць сеяных супернікаў. У лютым 2025 году «Пафас» згуляў супраць «Амоніі», што стала першым матчам паміж кіпрскімі камандамі ў турнірах пад эгідай УЭФА. Пасьля нічыі 1:1 у першым матчы ў Нікасіі «Пафас» перамог у матчы ў адказ у Лімасоле і пракрочыў далей з агульным лікам 3:2, дзе далей быў выбіты швэдзкім «Юргордэнам[8][9]. «Пафас» забясьпечыў тытул чэмпіёна ў сэзоне 2024—2025 гадоў[10][11]. Як чэмпіён Кіпру, «Пафас» пачаў розыгрыш Лігі чэмпіёнаў УЭФА 2025—2026 гадоў з другога кваліфікацыйнага раўнду. Адзін за адным пафасцы выбілі тэль-авіўскі «Макабі», кіеўкае «Дынама» і сэрбскую «Црвену Зьвезду», адразу трапіўшы ў лігавы этап галоўнага эўрапейскага клюбнага першынства[12][13].
Крыніцы
[рэдагаваць | рэдагаваць код]- ↑ https://www.transfermarkt.com/pafos-fc/mitarbeiterhistorie/verein/45457
- ↑ Stelios Kyriakides Stadium – Pafos FC // Stadium Journey, 28.03.2018 г.
- ↑ About – Pafos FC. Pafos FC.
- ↑ Foreign investment turned a football underdog into a champion // Cyprus Mail, 06.05.2025 г.
- ↑ An online tour of Pafos FC Training Centre (2020). Pafos FC (20.04.2020).
- ↑ PAFOS FC new head coach – Juan Carlos Carcedo. Pafos FC (24.06.2023). Архіўная копія ад 25.06.2023 г.
- ↑ Καρτσάκης, Νίκος. Ομόνοια - Πάφος 0–3: Έγραψαν ιστορία οι Παφίτες, κατακτώντας το πρώτο Κύπελλο της ιστορίας τους // Gazzetta.gr, 18.05.2024 г.
- ↑ Omonia and Pafos FC draw 1–1 in first all-Cypriot European match // Cyprus Mail, 13.02.2025 г.
- ↑ Omonoia 1–1 Pafos – match page. UEFA.com (13.02.2025).
- ↑ Pafos FC are the Champions of Cyprus // Cyprus News Agency, 05.05.2025 г.
- ↑ Paphos FC officially crowned champions for first time in history // Cyprus News Agency, 20.05.2025 г.
- ↑ Champions League play-off second legs round-up: Bodø/Glimt, Kairat Almaty, Pafos through to league phase. UEFA (26.08.2025).
- ↑ Champions League debut and David Luiz - the rise of Pafos. BBC Sport (17.09.2025).