Інгрыда Шыманіце

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Інгрыда Шыманіце
Ingrida Simonyte 2019.jpg
дэпутат Сойму Летувіскай Рэспублікі[1], міністар фінансаў, віцэ-старшыня[2][3] і дэпутат Сойму Летувіскай Рэспублікі
Асабістыя зьвесткі
Нарадзілася: 15 лістапада 1974(1974-11-15) (45 гадоў)
Вільня, СССР
Партыя: Зьвяз Айчыны — Летувіскія хрысьціянскія дэмакраты[4]
Адукацыя: Віленскі ўнівэрсытэт, Стакгольмская школа эканомікі і Віленская Жырмунская гімназія

Інгрыда́ Шымані́це (па-летувіску: Ingrida Šimonytė; 15 лістапада 1974, Вільня) — летувіская дзяржаўная дзяячка, палітык, эканамістка, міністарка фінансаў Летувы ў 2009—2012 гадах, кандыдат на пасаду прэзыдэнта Летувы на выбарах у 2019 годзе.

Жыцьцяпіс[рэдагаваць | рэдагаваць крыніцу]

Скончыла Віленскі ўнівэрсытэт, атрымала на эканамічным факультэце ступень бакаляўра ў галіне бізнэс-адміністраваньня. Ступень МВА атрымала ў Стакгольмскай школе эканомікі.

Працавала ў падатковым аддзеле міністэрства фінансаў Летувы ў 1997—2001 годзе. У 2004—2009 гадах — сакратар міністэрства фінансаў. У 2013 годзе была прызначана намесьнікам старшыні кіраваньня Банку Летувы. Паралельна з выкананьнем службовых абавязкаў выкладала эканоміку ў Інстытуце міжнародных адносін і палітычных навук, а таксама дзяржаўныя фінансы ва Ўнівэрсытэце мэнэджмэнту і эканомікі ISM. Сышла ў адстаўку 31 кастрычніка 2016 году ў сувязі з абраньнем дэпутатам Сойму па Антокальскай выбарчай акрузе ў Вільне.

4 лістапада 2018 году перамагла на праймэрыз па вызначэньні кандыдата ад Саюза Айчыны — Летувіскіх хрысьціянскіх дэмакратаў на выбары прэзыдэнта Летувы ў 2019 г., апярэдзіўшы свайго канкурэнта — дыплямата Вігаўдаса Ўшацкаса з вынікам у 78,71%.

Паводле апытаньня, праведзенага кампаніяй Baltijos tyrimai 9-26 лістапада 2018 году, прэзыдэнцкі рэйтынг Шыманіце складаў 18,7% і меў тэндэнцыю да росту.[5].

Падчас першага туру 15 траўня набрала 31,43% і разам з Гітанасам Наўседам (31,16%) выйшла ў другі тур абышоўшы іншых 7 кандыдатаў[6].

Падчас другога туру, які адбыўся 26 траўня 2019 году саступіла па колькасьці галасоў Гітанасу Наўседзе[7].

Асабістае жыццё[рэдагаваць | рэдагаваць крыніцу]

Не замужам, дзяцей няма. Валодае акрамя летувіскай ангельскай, расейскай і польскай мовамі.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Інгрыда Шыманіцесховішча мультымэдыйных матэрыялаў