Сяргей Балановіч
| Сяргей Балановіч | ||
| ||
| Пэрсанальная інфармацыя | ||
|---|---|---|
| Нарадзіўся | 29 жніўня 1987[1][2] (37 гадоў) | |
| Рост | 171 см | |
| Вага | 69 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Макслайн | |
| Нумар | 23 | |
| Клюбы | ||
| Гады | Клюб | Гульні (галы)¹ |
| 2005—2007 | Хваля | 64 (15) |
| 2008—2014 | Шахцёр Салігорск | 171 (21) |
| 2014—2018 | Амкар Перм | 88 (0) |
| 2018—2020 | Шахцёр Салігорск | 59 (7) |
| 2021 | Акрон[d] | 12 (0) |
| 2021 | Слуцак | 10 (0) |
| 2022— | Макслайн | 82 (0) |
| Зборныя | ||
| 2006—2009 | Беларусь (да 21) | 16 (0) |
| 2012—2018 | Беларусь | 33 (2) |
|
¹ Колькасьць гульняў і галоў за прафэсійны клюб лічыцца толькі | ||
Сяргей Балановіч (нар. 29 жніўня 1987 году, Пінск, БССР) — беларускі футбаліст, паўабаронца віцебскага «Макслайну».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец СДЮШАР-3 гораду Пінску. Гуляў за пінскую «Хвалю». У 2008 годзе перабраўся ў салігорскі «Шахцёр», дзе хутка стаў адным з асноўных гульцоў. Звычайна выступаў на пазыцыі правага паўабаронцы, пазьней стаў чаргавацца на гэтай пазыцыі з Аляксеем Рыясам. 7 чэрвеня 2013 году ў матчы за зборную атрымаў траўму, але празь месяц вярнуўся ў асноўны склад. Па заканчэньні сэзону 2013 году ў паслугах Балановіча былі зацікаўлены некалькі клюбаў, у прыватнасьці, менскае «Дынама»[4]), але ў выніку ў лютым 2014 году падоўжыў кантракт з «Шахцёрам»[5].
У жніўні 2014 году перайшоў у пермскі «Амкар»[6], дзе здолеў замацавацца ў асноўным складзе. Па заканчэньні сэзону 2017—2018 гадоў «Амкар» спыніў існаваньне, і ў ліпені 2018 году паўабаронца вярнуўся ў «Шахцёр»[7], дзе неўзабаве таксама стаў гульцом пачатковага складу. У сьнежні 2019 году падоўжыў кантракт з салігорскім клюбам[8]. У студзені 2021 году быў адхілены ад складу «Шахцёру», ня трапіў на збор каманды ў ААЭ і неўзбаве пакінуў клюб[9]. У лютым 2021 году стаў гульцом тальяцінскага «Акрону» з расейскай ФНЛ[10], дзе гуляў да сканчэньня сэзону 2020—2021 гадоў.
У ліпені 2021 году стаў трэнавацца з «Слуцкам» і ў жніўні афіцыйна ўзмоцніў склад клюбу[11]. Гуляў пераважна ў пачатковым складзе каманды. У студзені 2022 году пакінуў «Слуцак»[12], а ў лютым стаў гульцом рагачоўскага «Макслайну»[13]. У якасьці гульца стартавага складу дапамог «Макслайну» паводле вынікаў сэзону 2022 году прасунуцца ў Найвышэйшую лігу, куды клюб, аднак, ня быў дапушчаны. У лютым 2023 году падоўжыў пагадненьне з «Макслайнам»[14], які пераехаў у Віцебск. У лютым 2024 году зноў падоўжыў кантракт з клюбам[15].
Міжнародная
[рэдагаваць | рэдагаваць крыніцу]Гуляў за моладзевую зборную Беларусі, у тым ліку на чэмпіянаце Эўропы ў Швэцыі ўлетку 2009 году. 7 чэрвеня 2012 году дэбютаваў за нацыянальную зборную ў таварыскім матчы супраць зборнай Летувы. Пазьней пачаў трывала выклікацца ў зборную. Галоўны трэнэр Георгі Кандрацьеў пачаў часьцей выкарыстоўваць Балановіча на пазыцыі правага абаронцы.
Дасягненьні
[рэдагаваць | рэдагаваць крыніцу]- Чэмпіён Беларусі: 2020
- Срэбраны прызэр чэмпіянату Беларусі: 2010, 2011, 2012, 2013, 2018
- Бронзавы прызэр чэмпіянату Беларусі: 2019
- Уладальнік Кубка Беларусі: 2014, 2019
- У сьпісе 22 найлепшых гульцоў чэмпіянату Беларусі: 2012, 2013, 2014
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Шахцёр Салігорск | 2018 | Найвышэйшая ліга | 12 | 3 |
| 2019 | Найвышэйшая ліга | 24 | 3 | |
| 2020 | Найвышэйшая ліга | 23 | 1 | |
Крыніцы
[рэдагаваць | рэдагаваць крыніцу]- ^ а б в Sergey Balanovich // Transfermarkt (мн.) — 2000.
- ^ а б в Syarhey Balanovich // FBref.com (мн.)
- ^ а б https://www.pressball.by/footballstat/sergey_balanovich/
- ^ Сергей Баланович: "Со стороны минского "Динамо" интерес был, но я решил остаться в "Шахтере" (рас.)
- ^ Сергей Баланович продлил контракт с "Шахтером" (рас.)
- ^ Баланович переходит в "Амкар" (рас.)
- ^ "Шахтер" объявил о подписании контракта с Балановичем (рас.)
- ^ Баланович продлил соглашение с "Шахтером" (рас.)
- ^ Сергей Баланович покинул "Шахтер" (рас.)
- ^ Баланович подписал трехмесячное соглашение с аутсайдером российской ФНЛ (рас.)
- ^ Сергей Баланович стал игроком "Слуцка" (рас.)
- ^ Баланович ушел из "Слуцка" (рас.)
- ^ Сергей Баланович подписал контракт с "Макслайном" (рас.)
- ^ Баланович и еще четыре игрока продлили контракты с "Макслайном" (рас.)
- ^ Сергей Баланович продлил контракт с "Макслайном" (рас.)
Вонкавыя спасылкі
[рэдагаваць | рэдагаваць крыніцу]- Профіль на афіцыйным сайце «Шахцёру» (рас.)
- Статыстыка «ПБ-Инфо» (рас.)
- S. Balanovich. Soccerway
- Нарадзіліся 29 жніўня
- Нарадзіліся ў 1987 годзе
- Нарадзіліся ў Пінску
- Футбалісты клюбу «Макслайн» Віцебск
- Футбалісты клюбу «Хваля» Пінск
- Футбалісты клюбу «Шахцёр» Салігорск
- Футбалісты клюбу «Амкар» Перм
- Футбалісты клюбу «Акрон» Тальяці
- Футбалісты клюбу «Слуцак»
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты
- Чэмпіёны Беларусі па футболе