Аляксей Рыяс
| Аляксей Рыяс | ||
| ||
| Пэрсанальная інфармацыя | ||
|---|---|---|
| Нарадзіўся | 14 траўня 1987[1][2][3] (37 гадоў) | |
| Рост | 182 см | |
| Вага | 73 кг[4] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2006—2014 | Шахцёр Салігорск | 189 (31) |
| 2015—2019 | БАТЭ | 105 (12) |
| 2020—2021 | Дынама Менск | 27 (0) |
| 2022 | СДЮШАР-3 БФСТ «Дынама»[d] | 5 (1) |
| Зборныя | ||
| 2016—2018 | Беларусь | 10 (1) |
Аляксей Рыяс (нарадзіўся 14 траўня 1987 году, Менск, БССР) — колішні беларускі футбаліст, абаронца. Мае на сваім рахунку матчы ў складзе нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачаў займацца футболам у Менску, але першым прафэсійным клюбам стаў салігорскі «Шахцёр», за які выступаў з 2005 году. З 2007 году пачаў прыцягвацца да асноўнага складу. Спачатку звычайна выходзіў на замену, але з 2011 году стаў трывала зьяўляцца ў стартавым складзе. У «Шахцёры» гуляў на пазыцыі флянгавага (левага або правага) паўабаронцы, дзе чаргаваўся зь Сяргеем Балановічам і Паўлам Сітко.
У сьнежні 2013 году падоўжыў кантракт з гарнякамі[5]. У сэзоне 2014 году працягваў трывала гуляць у асноўным складзе, звычайна на пазыцыі левага паўабаронцы, але часам апускаўся да абаронцы. Улюбёнай пазыцыяй на полі быў правы паўабаронца.
У сьнежні 2014 году перайшоў у барысаўскі БАТЭ[6]. Сэзон 2015 году распачаў, выходзячы на замену, пазьней пачаў зьяўляцца і ў пачатковым складзе. Пачатак сэзону 2016 году прапусьціў праз траўму, пасьля аднаўленьня стаў выходзіць на замену, а ў ліпені 2016 году замацаваўся ў першай адзінаццатцы барысаўчанаў. У сэзоне 2017 году выступаў на пазыцыі правага абаронцы, у ліпені атрымаў траўму, а празь месяц вярнуўся ў стартавы склад. Пачатак сэзону 2018 году прапусьціў праз траўмы, у чэрвені вярнуўся ў першую каманду. Падчас трэнаваньня ў пачатку красавіка 2019 году атрымаў траўму калена — частковы разрыў бакавой зьвязкі[7][8]. 3 сьнежня 2019 году сышоў з БАТЭ[9].
13 студзеня 2020 году падпісаў кантракт зь менскім «Дынама»[10]. 9 сакавіка 2020 году дэбютаваў у камандзе ў матчы Кубка Беларусі[11]. У сэзоне 2020 году трывала выходзіў у стартавым складзе каманды, аднак у студзені 2021 году быў пераведзены ў дубль[12] і перастаў зьяўляцца на полі. Большую частку сэзону 2021 году правёў у дублі, толькі зь верасня зноў пачаў часам прыцягвацца да асноўнай каманды. У сьнежні 2021 году па заканчэньні кантракту пакінуў сталічны клюб[13]. У ліпені 2022 году далучыўся да «СДЮШАР Дынама» ў Другой лізе[14], дзе выступаў да канца сэзону 2022 году.
Міжнародная
[рэдагаваць | рэдагаваць крыніцу]31 жніўня 2016 году дэбютаваў у нацыянальнай зборнай Беларусі ў таварыскай гульні супраць зборнай Нарвэгіі.
Дасягненьні
[рэдагаваць | рэдагаваць крыніцу]Камандныя
[рэдагаваць | рэдагаваць крыніцу]- Уладальнік Кубка Беларусі: 2014
- Срэбраны прызэр чэмпіянату Беларусі (4): 2010, 2011, 2012, 2013
- Бронзавы прызэр чэмпіянату Беларусі (2)[15]: 2007, 2014
- Чэмпіён Беларусі (4): 2015, 2016, 2017, 2018
- Срэбраны прызэр 2019
- Уладальнік Кубка Беларусі: 2015
- Уладальнік Супэркубка Беларусі (3): 2015, 2016, 2017
Індывідуальныя
[рэдагаваць | рэдагаваць крыніцу]Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| БАТЭ | 2015 | Найвышэйшая ліга | 20 | 5 |
| 2016 | Найвышэйшая ліга | 24 | 2 | |
| 2017 | Найвышэйшая ліга | 24 | 3 | |
| 2018 | Найвышэйшая ліга | 20 | 2 | |
| 2019 | Найвышэйшая ліга | 17 | 0 | |
Асабістае жыцьцё
[рэдагаваць | рэдагаваць крыніцу]Бацька Аляксея зьяўляецца выхадцам з Пэру, маці — беларуска. Бацькі знаходзяцца ў разводзе, мае, акрамя таго, зводнага брата у Пэру[16]. Аляксей ажаніўся 5 ліпеня 2014 года, у 2015 годзе нарадзілася дачка[7].
Крыніцы
[рэдагаваць | рэдагаваць крыніцу]- ^ а б в Aleksey Rios // Transfermarkt (мн.) — 2000.
- ^ а б в Alexei Rios // FBref (мн.)
- ^ а б в Aleksey Rios // As (гішп.) — Madrid: PRISA, 1967. — ISSN 1888-6671
- ^ а б https://www.pressball.by/footballstat/aleksey_rios/
- ^ Алексей Риос продлил контракт с "Шахтером" (рас.)
- ^ Алексей Риос перешел в БАТЭ (рас.)
- ^ а б Поддержка Капского, мощь Ермаковича, методы Дулуба и детская мечта играть за «Динамо». Риос – про пять сезонов в БАТЭ. - Блог Контора пишет. BY.Tribuna.com (9 марта 2020)
- ^ «У Риоса трава коленного сустава, он ее получил буквально за два дня до матча», сообщает Алексей Бага. (рас.) BY.Tribuna.com (19 кастрычніка 2019)
- ^ Алексей Риос покидает БАТЭ. (рас.) Официальный сайт » ФК БАТЭ (3 декабря 2019)
- ^ Алексей Риос - футболист минского "Динамо". (рас.) (13 студзеня 2020)
- ^ Риос Алексей - Rios Alexey - профиль футболиста, игрока. (рас.) teams.by
- ^ Минское "Динамо" вышло из отпуска. Риос в дубле, Дингу и Сухоцкого хотят продлить (рас.)
- ^ Риос, Плотников, Динга и еще три игрока покинули минское "Динамо" (рас.)
- ^ Алексей Риос возобновит карьеру во второй лиге (рас.)
- ^ Полузащитник Алексей Риос покидает БАТЭ. БЕЛТА. (4 сьнежня 2019)
- ^ Футбол. Алексей Риос: на чемпионате мира болею за братьев-славян, то есть за сборную России.(недаступная спасылка) (рас.) Прессбол. (15 чэрвеня 2018)
Вонкавыя спасылкі
[рэдагаваць | рэдагаваць крыніцу]- Профіль (рас.). афіцыйны сайт «Шахцёру». Архіўная копія ад 31 сьнежня 2012 г.
- Статыстыка на сайце transfermarkt.de (анг.)
- Статыстыка «ПБ-Инфо» (рас.)
- Риос Алексей. (рас.) ФК Динамо Минск