Сан-Лярэнса Буэнас-Айрэс

Сан-Лярэнса
Поўная назва	Club Atlético San Lorenzo de Almagro
Заснаваны	1 красавіка 1908
Горад	Буэнас-Айрэс, Аргентына
Стадыён	Нуэва Гасамэтра Умяшчальнасьць: 47 964
Прэзыдэнт	Арасьё Арэсэйгор[d]
Галоўны трэнэр	Рубэн Дарыё Інсуа[d]
Чэмпіянат	Прымэра
· 2018—2019	23 месца
Галерэя здымкаў у Вікісховішчы sanlorenzo.com.ar (гішп.)

«Сан-Лярэнса дэ Альмагра» (па-гішпанску: San Lorenzo de Almagro) — аргентынскі футбольны клюб з гораду Буэнас-Айрэс, гуляе ў Прымэры. «Сан-Лярэнса» лічыцца адным з клюбаў вялікай пяцёркі аргентынскага футболу, куды, таксама, уваходзяць «Рывэр Плэйт», «Бока Хуніёрс», «Індэпэнд’ентэ» і «Расінг». Аднак гістарычным супернікам клюбу лічыцца клюб «Уракан». «Сан-Лярэнса» па-за межамі Аргентыны атрымаў дадатковую вядомасьць дзякуючы таму, што ў сакавіку 2013 году рымскім папам быў абраны заўзятар гэтага клюбу папа Францішак.

Гісторыя

Каманда была заснавана 1 красавіка 1908 году. Назва адначасова адлюстроўвала павагу да Сьвятога Лаўрэнція і каталіцкага сьвятара Ляренса Маса, які дапамагаў новай камандзе праз прадастаўленьне ў выкарыстаньне пляцоўкі для гульняў. Пачынаючы з часоў стварэньня прафэсійнага футболу ў 1931 годзе, каманда ўваходзіць у пяцёрку найлепшых клюбаў Аргентыны, нароўні з «Рывэр Плэйтам», «Бока Хуніёрс», «Расінгам» і «Індэпэнд’ентэ».

У 1933 годзе клюб выйграў свой першы прафэсійны тытул. За каманду выступаў баск Ісыдра Лянгара. Наступны тытул быў атрыманы ў 1946 годзе, што перапыніла пераможную сэрыю «Рывэр Плэйт» у чэмпіянаце Аргентыны. У той жа год каманда адправілася ў турнэ па Гішпаніі і Партугаліі, дзе правяла сэрыю таварыскіх матчаў. Пасьля паразы ад мадрыдзкага «Рэалу», «Сан-Лярэнса» атрымаў перамогу ў сустрэчах з «Барсэлёнай», нацыянальнай зборнай Гішпаніі і Партугаліі. Гішпанскія журналісты назвалі «Сан-Лярэнса» «найлепшай камандай у сьвеце». Футбалісту Рэнэ Пантоні прапаноўвалі кантракт з «Барсэлёнай», аднак ён адмовіўся з прычыны нежаданьня пакідаць родную Аргентыну.

«Сан-Лярэнса» быў адным з галоўных фаварытаў першага розыгрышу Кубка Лібэртадорэс у 1960 годзе. Аднак каманда саступіла ў паўфінале ва ўпартай барацьбе пераможцу турніру ўругвайскаму клюбу «Пэньяроль».

Дасягненьні

• Чэмпіён Аргентыны: 15
  • 1923, 1924, 1927, 1933, 1936, 1946, 1959, 1968(М), 1972(М), 1972(Н), 1974(Н), 1995(К),
  • 2001(К), 2007(К), 2013(І)

• Уладальнікі Кубку Лібэртадорэс: 2014
• Уладальнікі Паўднёваамэрыканскага кубку: 2002
• Уладальнікі Кубка Мэркасур: 2001

• Удакладненьне: І — Інісіяль, К — Кляўсура, М — Мэтрапалітана, Н — Насьяналь

Склад

Актуальны на 10 траўня 2020 году

№ Пазыцыя Імя Год нараджэньня 2 Аб Гансалё Радрыгес 1984 3 Аб Бруна Пітон 1993 4 Аб Джына Пэруццы 1992 5 ПА Люкас Мэносьсі 1992 6 Аб Аляхандра Данацьці 1986 7 Нап Адам Барэйра (ар. Мантэрэй) 1996 8 ПА Дыега Радрыгес (ар. Тыхуана) 1989 10 ПА Оскар Рамэра 1992 11 Нап Анхэль Рамэра 1992 12 Бр Сэбастыян Тарыка (капітан) 1980 15 Аб Рамон Арыяс 1992 16 Нап Нікаляс Фэрнандэс 1996 17 Нап Марыяна Пэральта Баўэр 1998 19 Нап Агустын Аўш 2003 20 ПА Хуан Рамірэс 1993

№ Пазыцыя Імя Год нараджэньня 21 ПА Хэроніма Паблетэ (ар. Мэц) 1993 23 Бр Фэрнанда Манэцьці 1989 28 Нап Ігнасьё П’яцьці 1985 29 Аб Віктар Салясар 1993 30 Аб Франсыска Флёрэс 2002 32 Аб Фабрысіё Калячыні 1982 34 ПА Хуліян Палясіяс 1999 35 ПА Матыяс Палясіяс 2002 36 ПА Алексіс Сабэльля 2001 38 Нап Адольфа Гайч 1999 42 Аб Марсэлё Эрэра 1998 — Аб Сант’яга Вэрхіні 1988 — Нап Эсэк’ель Сэруцьці 1992 — Бр Нікаляс Навара 1985

Вонкавыя спасылкі

Сан-Лярэнса Буэнас-Айрэс — сховішча мультымэдыйных матэрыялаў

• Афіцыйны сайт