Лея Аргана (па-ангельску: Leia Organa Solo) — адна з найгалоўнейшых пэрсанажаў сусьвету Зорных войнаў, створаная Джорджэм Лукасам. Зьяўляецца асноўнай дзеючай асобай у арыгінальнай трылёгіі. Лея зьяўляецца дачкой Падмэ й сястрой-блізьнюком Люка Скайўокера, але носіць прозьвішча свайго апякуна. У шостым эпізодзе яна даведваецца гісторыю сваёй сям’і ад свайго брата Люка Скайўокера. У арыгінальнай трылёгіі Лею згуляла акторка Кэры Фішэр. Згодна з пашыраным сусьветам Зорных войнаў Лея пабралася шлюбам з Ханам Сола. У гэтым шлюбе яна нарадзіла траіх дзяцей, аднаго зь якіх назвала ў гонар свайго бацькі — Энакінам.
