Дагдзкі край
| Дагдзкі край | |
| лат. Dagdas novads | |
 | |
| Агульныя зьвесткі | |
|---|---|
| Краіна | Латвія |
| Статус | край |
| Уваходзіць у | этнаґрафічную вобласьць Латгалія |
| Адміністрацыйны цэнтар | Дагда |
| Улучае | 10 воласьцяў і горад Дагда |
| Найбольшы горад | Дагда |
| Дата ўтварэньня | 2009 |
| Дата скасаваньня | 30 чэрвеня 2021 |
| Старшыня думы | Віктарс Сьцікутс |
| Афіцыйныя мовы | латыская |
| Насельніцтва (2010) | 9397 чал. |
| Нацыянальны склад | латышы, расейцы, беларусы |
| Канфэсійны склад | каталікі, праваслаўныя |
| Плошча | 948,8 км² |
| Месцазнаходжаньне Дагдзкага краю | |
| |
| Мэдыя-зьвесткі | |
| Часавы пас | +2 (+3 улетку) |
| Код ISO 3166-2 | LV-024 |
| Інтэрнэт-дамэн | .lv |
| Афіцыйны сайт | |
 Дадатковыя мультымэдыйныя матэрыялы | |
Да́гдзкі край (па-латыску: Dagdas novads) — адміністрацыйна-тэрытарыяльная адзінка ў этнаґрафічным рэґіёне Латгалія, Латвія.
Геаґрафія
[рэдагаваць | рэдагаваць крыніцу]Край разьмешчаны на паўднёвым усходзе рэспублікі. На захадзе мяжуе з Аглонскім краем, на паўночным захадзе — з Рэжыцкім краем, на поўначы — зь Люцынскім, на паўночным усходзе — зь Зілупскім, на поўдні — з Краслаўскім краем, на ўсходзе — з Дрысенскім раёнам Віцебскае вобласьці Беларусі. Мяжа зь Беларусьсю амаль поўнасьцю праходзіць па рэках Сар’янка, Сінюха (Зілупэ), Асуніца(ru), Акціца і Тоўша.
Гісторыя
[рэдагаваць | рэдагаваць крыніцу]Першапачаткова тэрыторыя краю падпарадкоўвалася Лівонскаму ордэну.
Пасьля заканчэньня Лівонскае вайны ваколіцы сучаснае Дагды апынуліся ў складзе Інфлянтаў — асаблівай адміністрацыйна-тэрытарыяльнай адзінкі пад уладай ВКЛ, якая пасьля заключэньня Люблінскай уніі стала кандамініюмам Кароны і ВКЛ. З 1621 году ў выніку перайменаваньня тэрыторыя сучаснага Дагдзкага краю патрапіла ў адпаведнае ваяводзтва.
З 1772 году ў выніку Першага падзелу Рэчы Паспалітай тэрыторыя адзінкі была падзелена паміж Дынабурскім (пазьней перайменаваны ў Дзьвінскі) і Рэжыцкім паветамі Беларускай губэрні (пазьней перайменавана ў Віцебскую).
18 лістапада 1918 году з набыцьцём Латвіяй незалежнасьці край стаў часткай Латвіі. У выніку латвійскай адміністрацыйнае рэформы 2009 году тэрыторыя набыла свой сучасны статус.
Дэмаґрафія
[рэдагаваць | рэдагаваць крыніцу]Насельніцтва краю складае 9397 чалавек. Большасьць насельніцтва — латышы. Таксама пражываюць расейцы, беларусы і палякі.
Адміністрацыйнае ўладкаваньне
[рэдагаваць | рэдагаваць крыніцу]У край уваходзяць 10 воласьцяў і горад Дагда.
| Назва | Назва ў арыґінале | Адміністрацыйны цэнтар |
|---|---|---|
| Андзэльская воласьць | Andzeļu pagasts | с. Андзэлі |
| Андрупэнская воласьць | Andrupenes pagasts | с. Андрупэнэ |
| Асунская воласьць | Asūnes pagasts | с. Асунэ |
| Бэрзіньская воласьць | Bērziņu pagasts | с. Парэчча |
| м. Дагда | Dagdas pilsēta | Дагда |
| Дагдзкая воласьць | Dagdas pagasts | с. Азаліні |
| Канстанцінаўская воласьць | Konstantinovas pagasts | с. Канстанцінава |
| Кепаўская воласьць | Ķepovas pagasts | с. Нэйкшані |
| Сварыньская воласьць | Svariņu pagasts | с. Сварынцы |
| Шкяўнская воласьць | Šķaunes pagasts | с. Шкяўнэ |
| Эзэрніецкая воласьць | Ezernieku pagasts | с. Эзэрніекі |
Транспарт
[рэдагаваць | рэдагаваць крыніцу]Праз тэрыторыю адзінкі праходзяць аўтадарогі мясцовага ўзроўню, якія зьвязваюць Дагду зь іншымі паселішчамі краю, а таксама з навакольнымі краямі.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу] Дагдзкі край — сховішча мультымэдыйных матэрыялаў