Амкар Перм

Амкар
Поўная назва	Общественная организация города Перми «Футбольный клуб „Амкар“»
Заснаваны	1994
Расфармаваны	2018
Горад	Перм, Расея
Стадыён	Зорка Умяшчальнасьць: 17 000
Чэмпіянат	Russian Second League[d]
Хатнія колеры Выязныя колеры
Галерэя здымкаў у Вікісховішчы amkar-perm.ru (рас.)

«Амкар» (па-расейску: Амкар) — былы расейскі футбольны клюб з гораду Перм. Заснаваны ў 1994 годзе, з 1995 году гуляў у расейскіх прафэсійных спаборніцтвах. У Прэм’ер-лізе з 2004 году. Хатняй арэнай клюбу зьяўляўся стадыён «Зорка». Расфармаваны пасьля сэзон 2017—2018 гадоў.

Гісторыя

Футбольны клюб «Амкар» быў створаны як каманда пермскага ААТ «Мінэральныя ўгнаеньні». Афіцыйнай датай заснаваньня лічыцца 6 сьнежня 1994 году. Назва «Амкар» паходзіць ад спалучэньня частак словаў «аміяк» і «карбамід» — гэтыя два рэчывы зьяўляліся галоўнай прадукцыяй прадпрыемства. Клюбнымі чырвона-чорнымі колерамі каманда абавязана гандлёвым партнэрам зь Міляну, якія на просьбу дапамагчы прапанавалі форму аднайменнага клюбу, гэтак «Амкар» стаў чырвона-чорным. Аснову новай каманды складалі працаўнікі прадпрыемства. У 1994 годзе «Амкар», узмацьніўся гульцамі-аматарамі зь іншых камандаў горада і некалькімі былымі прафэсіяналамі, стаўшы чэмпіёнам горада Пермі й Пермскай вобласьці, а таксама перамогшы ў абласным кубку. 6 сьнежня 1994 году клюб быў афіцыйна зарэгістраваны й падаў заяўкі на ўдзел у турніры калектываў фізычнай культуры. Аднак «Амкару» прапанавалі гуляць у трэцяй лізе чэмпіянату краіны.

У 1995 годзе каманда, узмоцьненая былымі гульцамі пермскай каманды «Зорка», стала другой у 6-й групе трэцяй лігі й выйшла ў другую лігу. У 1996 годзе «Амкар» заняў трэцяе месца ў групе «Цэнтар» другой лігі, у 1997 годзе клюб стаў у турніры другім.

12 верасьня 1998 году ў рамках Кубка Расеі ў госьці да «Амкару» прыехаў маскоўскі «Спартак». У апошні раз «Спартак» прыяжджаў на Заходні Ўрал у 1977 годзе ў рангу каманды першай лігі, калі быў блізкі да вяртаньня ў найвышэйшы эшалён савецкага футболу. Сустрэча выклікала небывалую цікавасьць, і 25-тысячны стадыён упершыню ў сваёй 30-гадовай гісторыі запоўніўся цалкам. Матч скончыўся зь лікам 1:0. У першынстве пермякі набралі за чэмпіянаце 93 адсоткі магчымых пунктаў і забілі 100 мячоў. «Амкар» заняўшы першае месца, атрымаў права выступаць у першым дывізіёне.

З 1999 па 2003 гады каманда досыць пасьпяхова выступала ў першым дывізіёне, займаючы ў выніковай табліцы месца не ніжэй за шостае. У сэзоне 2001 і 2002 гадоў клюб дайшоўшы да паўфіналу Кубка Расеі саступіў 0:1 маскоўскім ЦСКА. У 2003 годзе за два туры да завяршэньня «Амкар» ішоў чацьвертым, саступаючы на адзіны пункт краснадарскай «Кубані» й прайграючы томскай «Томі» й «Цераку» па агульнай колькасьці перамогаў. Па ўсіх раскладам, лішнімі ў спрэчцы квартэта былі амкараўцы й «Церак», аднак сэнсацыйная нічыя «Томі» з «Балтыкай» зрабіла фаварытам гэтай гонкі «чырвона-чорных». У заключным туры «Кубань» і «Церак» гулялі адзін з адным. Для выхаду ў вышэйшы дывізіён «Амкару» заставалася толькі перайграць дома «Факел», што й было зроблена.

Вонкавыя спасылкі

• Афіцыйны сайт