Rahis

Зьвесткі зь Вікіпэдыі — вольнай энцыкляпэдыі
«Рахіс»
Інфармацыя
ГадыЗ 2000-га
АдкульНясьвіж (Менская вобласьць, Беларусь)
МоваБеларуская
Жанр(ы)Інды-рок, электронная музыка
ВыдавецСтудыя «Сонечныя кветкі» (Віталь Кулеўскі)
Удзельнікі
Дзяніс Філіпенка, Зьміцер Язьвінскі, Павал Вялічка, Рыгор Заслаўскі, Алесь Юхнавец, Аляксандра Клінцэвіч
Былыя ўдзельнікіРаман Пашчанюк, Слава Цыпылоў, Яўген Ваньшын
rahis.by

«Рахіс» (бел. лац. Rahis) — музычны гурт, заснаваны ў 2000 г. двума студэнтамі Беларускага дзяржаўнага пэдагагічнага ўнівэрсытэту — Дзянісам Філіпенкам і Зьмітром Язьвінскім (зь Нясьвіжу)[1]. Атрымаў першую вядомасьць акустычнымі канцэртамі. Пераможца 3-га музычнага фэстывалю «Рок-Каляды» (Горкі, 2003). Зь 2007 г. пачаў выступаць з электрычнай праграмай. Запісаў 2 студыйныя альбомы: «Сшытак з тэкстамі ў малюнках» з 11 песьняў (2010) і «Паміж сонцам і хмарамі» з 12 песьняў (2015)[2].

Альбомы[рэдагаваць | рэдагаваць крыніцу]

  • «Сшытак з тэкстамі ў малюнках» (11 песьняў, 2010; 37 хвілінаў з бонусам): музыка — Зьміцер Язьвінскі (1, 3, 5, 6, 7, 9), Дзяніс Філіпенка (2, 4, 8, 10, 11); словы — Дзяніс Філіпенка (1, 2, 4, 8, 10, 11), Зьміцер Язьвінскі (1, 3, 5, 6, 7, 9), Глеб Лабадзенка (8, 10). Песьні:
    • 1) «Горад Н» (2:25),
    • 2) «Кухня» (2:32),
    • 3) «Пароль у лета» (2:30),
    • 4) «Позна» (3:41),
    • 5) «Пад цёплай коўдрай» (2:45),
    • 6) «Празь сеціва» (3:22),
    • 7) «Стронцый» (3:49),
    • 8) «Анёлка» (2:08),
    • 9) «ФМ» (3:38),
    • 10) «Файлікі» (3:30),
    • 11) «Чароўныя ноты» (3:44),
    • 12) «Хлопец» (3:20; бонус)[3].
  • «Паміж сонцам і хмарамі» (12 песьняў, 2015; 43 хвіліны): музыка — Дзяніс Філіпенка (1, 2, 3, 9, 10, 11), Зьміцер Язьвінскі (4, 5, 6, 7, 8, 12); словы: Дзяніс Філіпенка (1,2,3,9,10,11), Зьміцер Язьвінскі (4, 5, 6, 8, 12), Глеб Лабадзенка (7). Песьні:
    • 1) «Джа» (3:27);
    • 2) «Эўропа» (4:34),
    • 3) «Грэй мяне» (3:25),
    • 4) «Ямайка» (3:19),
    • 5) «Маўклівае неба» (4:05),
    • 6) «Мой горад» (3:01),
    • 7) «НЛО» (3:52),
    • 8) «Па праспэкце» (3:01),
    • 9) «Паміж сонцам і хмарамі» (3:00),
    • 10) «Ты ўсё ўбачыш» (3:00),
    • 11) «Вясна» (3:16),
    • 12) «Зьнічкі» (3:45)[4].

Мінуўшчына[рэдагаваць | рэдагаваць крыніцу]

У 2000 г. 2 першакурсьнікі прыродазнаўчага факультэту Беларускага дзяржаўнага пэдагагічнага ўнівэрсытэту — Дзяніс Філіпенка і Зьміцер Язьвінскі (зь Нясьвіжу) — стварылі дуэт «Рахіс». Пазьней далучылася скрыпачка Кася. 23 сьнежня 2003 г. гурт «Рахіс» атрымаў галоўную ўзнагароду ў якасьці лепшага гурта на 3-м штогадовым музычным фэстывалі «Рок-Каляды» (Горкі, Магілёўская вобласьць), што ладзіла грамадзкае аб’яднаньне «Задзіночаньне беларускіх студэнтаў»[5]. У 2004 г. даў 3 электрычныя канцэрты — у Менску, Віцебску і Наваполацку. У 2005—2006 гг., пасьля сканчэньня прыродазнаўчага факультэту БДПУ, супольныя выступы перапыніліся ў сувязі са службай Дзяніса Філіпенкі ў роце аховы Міністэрства абароны Рэспублікі Беларусь. Тым часам скрыпачка Кася адпрацоўвала навучаньне ў ВНУ школьнай настаўніцай у Лагойску (Менская вобласьць). Зьміцер Язьвінскі працягваў выступаць з акустычнымі канцэртамі па Беларусі, Польшчы і Ўкраіне. 20 кастрычніка 2007 г. у менскім клюбе «Графіці» (зав. Калініна, д. 16) гурт даў 2-гадзінны канцэрт «Тры гады ўстрыманьня», на які квіткі распрадалі за 4 дні да выступу. Спачатку Дзяніс Філіпенка і Зьміцер Язьвінскі прасьпявалі пад акустычную гітару 7 песьняў, зь якіх адну («Вясна») Дзяніс Філіпенка напісаў увесну 2006 г. у войску падчас каравульнай службы. У другой палове выступу да гурта ўпершыню далучыліся вядучы гітарыст(en) Раман Пашчанюк, бубнач Слава Цыпылоў і бас-гітарыст Яўген Ваньшын. Пасьля антракту наступныя 6 песьняў прагучалі ў электрычным суправаджэньні[6].

17 сакавіка 2008 г. у менскім клюбе «Графіці» адбыўся канцэрт «Пароль у лета», што атрымаў назоў ад аднайменнай новай песьні для дэбютнага альбому[7]. У сувязі з посьпехам 25 красавіка адбыўся паўторны канцэрт «Празь Сеціва» з он-лайн-перадачай для 8 краінаў[8], паводле назову яшчэ адной новай песьні для альбому. 28 красавіка 2008 г. на менскай студыі «Сонечныя кветкі» (анг. SunFlowers; гукарэжысэр Віталь Кулеўскі) пачаўся запіс першага альбома зь песьні «Пароль у лета»[1], якую 17 чэрвеня прадставілі на радыё «Сталіца». 12 ліпеня 2008 г. гурт сыграў на музычным фэстывалі «Зьвяз року»(pl) (анг. Union of Rock; Вэнгажэва(pl), Вармінска-Мазурскае ваяводзтва, Польшча)[9]. 19 ліпеня 2008 г. «Рахіс» упершыню выступіў на 19-м музычным фэстывалі «Басовішча» (Гарадок, Беластоцкі павет, Падляскае ваяводзтва, Польшча)[10].

7 красавіка 2009 г. гурт «Рахіс» выпусьціў студыйны максі-самотнік «Празь Сеціва» з 4 песьняў, адну зь якіх («Стронцый») Зьміцер Язьвінскі напісаў у 1999 г. пры сканчэньні школы. На час выпуску максі-самотніка гурт меў звыш 30 песьняў пераважна ў выглядзе саматужных запісаў[11]. 18 ліпеня 2009 г. сыграў на 20-м фэстывалі «Басовішча» (Гарадок, Падляскае ваяводзтва)[12]. 18 траўня 2010 г. выпусьцілі 2-і самотнік «Файлікі» на верш паэта Глеба Лабадзенкі[13]. 8 чэрвеня 2010 г. выйшаў першы альбом «Сшытак з тэкстамі ў малюнках» з 11 песьняў, што ўлучаў песьні максі-сынгла «Празь Сеціва»[14].

14 траўня 2015 г. гурт «Рахіс» выдаў самотнік «Эўропа», тэкст якога Дзяніс Філіпенка напісаў у пачатку 2000-х гадоў[15]. 8 чэрвеня 2015 г. выйшаў 2-і альбом «Паміж сонцам і хмарамі» з 12 песьняў, адну зь якіх («НЛО») запісалі на верш Глеба Лабадзенкі. Замест ранейшых музыкаў у запісе альбому ўдзельнічалі вядучы гітарыст Павал Вялічка, бас-гітарыст Рыгор Заслаўскі, бубнач Алесь Юхнавец і клявішніца Аляксандра Клінцэвіч[16]. 22 верасьня 2015 г. рэжысэр Ігар Чышчэня выдаў першы відэакліп на песьню «Грэй мяне» гурта «Рахіс» (з альбому «Паміж сонцам і хмарамі»), у якім здымаўся астраном Віктар Малышчыц. Здымкі доўжыліся некалькі веснавых і летніх месяцаў[17].

Крыніцы[рэдагаваць | рэдагаваць крыніцу]

  1. ^ а б Воля Кузьміч. Гурт Rahis: «Уласнай апэратыўнай памяці ўжо не хапае, таму пачынаем запісвацца» // Пакаленьне Y, 28 красавіка 2008 г. Праверана 18 сакавіка 2016 г.
  2. ^ «Рахіс» // «Тузін гітоў», 30 верасьня 2015 г. Праверана 18 сакавіка 2016 г.
  3. ^ «Сшытак з тэкстамі ў малюнках» (2010) // «Рахіс», 8 чэрвеня 2010 г. Праверана 18 сакавіка 2016 г.
  4. ^ «Паміж сонцамі і хмарамі» (2015) // «Рахіс», 8 чэрвеня 2015 г. Праверана 18 сакавіка 2016 г.
  5. ^ Воля Кузьміч. У Горках прайшоў штогадовы музычны фэст «Рок-Каляды 2003» // Пакаленьне Y, 24 сьнежня 2003 г. Праверана 18 сакавіка 2016 г.
  6. ^ Воля Кузьміч. Rahis: «Позна вяртацца назад!» // Пакаленьне Y, 22 кастрычніка 2007 г. Праверана 18 сакавіка 2016 г.
  7. ^ Воля Кузьміч. «Рахіс» падбіраў «Пароль у лета» і прэзэнтоўваў новыя песьні з сюрпрызамі ад сяброў-музыкаў // Пакаленьне Y, 19 сакавіка 2008 г. Праверана 18 сакавіка 2016 г.
  8. ^ Воля Кузьміч. Гурт «Рахіс» у пятніцу ладзіць канцэрт «Празь Сеціва» // Пакаленьне Y, 22 красавіка 2008 г. Праверана 18 сакавіка 2016 г.
  9. ^ Воля Кузьміч. «Пароль у лета» — інтэрнэт-прэзэнтацыя першага запісу гурта «Рахіс» // Пакаленьне Y, 17 чэрвеня 2008 г. Праверана 18 сакавіка 2016 г.
  10. ^ Памідор/OFF: Каб мог, скасаваў бы вынікі інтэрнэт-галасаваньня на «Басовішча-2008» // Эўрарадыё, 24 чэрвеня 2008 г. Праверана 18 сакавіка 2016 г.
  11. ^ Воля Кузьміч. «Рахіс» прэзэнтуе першы максі-сынгл — «Празь Сеціва» // Пакаленьне Y, 7 красавіка 2009 г. Праверана 18 сакавіка 2016 г.
  12. ^ «Тузін гітоў». На «Басовішчы-2009» выступяць заснавальнікі беларускага року // Tut.by, 8 ліпеня 2009 г. Праверана 18 сакавіка 2016 г.
  13. ^ Гурт «Рахіс» прэзэнтуе сынгл «Файлікі» і анансуе першы альбом // Пакаленьне Y, 18 траўня 2010 г. Праверана 18 сакавіка 2016 г.
  14. ^ Гурт «Рахіс» запісаў першы альбом у выглядзе студэнцкага сшытку // Пакаленьне Y, 8 чэрвеня 2010 г. Праверана 18 сакавіка 2016 г.
  15. ^ Юра Сідун. «Рахіс» выдаў самотнік да 20-годзьдзя рэфэрэндуму: «Тады мы страцілі шанец» (прэм’ера) // «Тузін гітоў», 14 траўня 2015 г. Праверана 18 сакавіка 2016 г.
  16. ^ Юры Сідун, Юлія Сакалоўская. «Рахіс» прэзэнтаваў альбом «Паміж сонцам і хмарамі» (прэм’ера) // «Тузін гітоў», 8 чэрвеня 2015 г. Праверана 18 сакавіка 2016 г.
  17. ^ Rahis. Бліжэй да зораў (відэа) // «Тузін гітоў», 30 верасьня 2015 г. Праверана 18 сакавіка 2016 г.

Вонкавыя спасылкі[рэдагаваць | рэдагаваць крыніцу]