Interpol (гурт)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Interpol
Interpol.jpg
Гурт Interpol
Інфармацыя
Гады 1998 — нашы дні
Адкуль Нью-Ёрк, ЗША
Жанр indie-rock
Выдавец Parlophone, Capitol Records
Афіцыйная старонка interpolnyc.com
Удзельнікі Пол Бэнкс
Дэнiэл Кэсьлер
Карлас Дэнглер
Сэм Фагарына

Interpolамэрыканскі indie-rock гурт, які сфармаваўся ў 1998 годзе ў Нью-Ёрку.

Гісторыя[рэдагаваць | рэдагаваць крыніцу]

Пачатак[рэдагаваць | рэдагаваць крыніцу]

Канцэрт Interpol у 2005 годзе

Гісторыя гурта пачалася са знаёмства будучага гітарыста гурта Дэнiэла Кэсьлера з бубначом Грэгам Друдзі. Крыху пазьней да іх далучыўся Карлас Дэнглер, зь якім Дэнiэл пазнаёміўся з Нью-Ёркскім унівэрсытэце. Па легендзе Дэнiэл заўважыў на Карласе арыгінальныя боты «мартэнс» бяз жоўтых стабнаваньняў і вырашыў, што ён носіць іх ня проста так, а добра знаецца ў музыцы. І, насамрэч, Карлас Дэнглер ужо меў музычны досьвед у розных нью-ёркскіх indie-гуртах. Такім чынам у 1998 годзе склаліся драбы гурту.

У хуткім часе пачаліся пошукі вакаліста, і Дэнiэл узгадаў пра старога прыяцеля Пола Бэнкса, зь якім пазнаёміўся шмат гадоў таму ў Парыжы. У гэты час Пол як раз жыў у Нью-Ёрку. Пачаліся шматлікія рэпэтыцыі, першыя выступы ў клюбах гораду, ў тым ліку ў культавых Mercury Lounge і The Bowery Ballroom. Але ў 2000 годзе Грэг Друдзі вырашае пакінуць гурт, патлумачыўшы сваё рашэньне творчымі рознагалосьсямі. Яго месца заняў яшчэ адзін стары знаёмы Дэніэла Сэм Фагарына. У такім складзе гурт запісаў свае першыя дэма «Fukd I.D. #3» і «Precipitate».

Interpol з самага пачатку граў нетыповую для Амэрыкі брытанскую музыку, таму і першы рэальны посьпех да іх прыйшоў па-за межамі сваёй краіны. Ужо ў красавіку 2001 году Interpol адыгралі некалькі канцэртаў у Глазга, Манчэстэры і Лёндане. Гурт адразу атрымаў падтрымку ад часопісу NME, які заўсёды падтрымлівае новыя музычныя імёны. У жніўні гурт выступіў на двух буйных францускіх фэстывалях La Route du Rock і Festival Off.

Turn On The Bright Lights (2002)[рэдагаваць | рэдагаваць крыніцу]

Запіс першага альбому пачаўся напрыканцы 2001 году. «Turn On The Bright Lights» запісываўся ў Канэктыкуце, на студыі Tarquin Studios, якая зьмяшчалася ў былым прытулку для дзяцей з разумовымі адхіленьнямі. Нэрвовая атмасфэра гэтага будынку адбілася на запісаным дыску, які выйшаў ўлетку 2002 году. Прадусарамі запісу сталі Пітэр Кэціс (які раней працаваў з Mercury Rev) і Гэрэт Джонс (Depeche Mode, Clinic), а сам дыск выйшаў на незалежным лэйблы Matador Records. Пануры і загадлівы альбом прынес гурту вялікі посьпех і разыйшоўся накладам больш за 438 тысячаў асобнікаў.

Antics (2004)[рэдагаваць | рэдагаваць крыніцу]

Праз два гады гурт запісвае свой другі альбом «Antics», наклад якога толькі ў ЗША склаў 435 тысячаў. Новы дыск атрымаўся больш аптымістычным ў параўнаньні з «Turn On The Bright Lights», але па-ранейшаму таямнічым і непрадказальным. Усе кампазыцыі маюць стылістычнае адзінства, але кожная песьня на дыску перапоўненая выразнымі рыфамі, зьменамі мэлодыяў і аранжыровак. У выніку дыск быў прызнаны шматлікімі выданьнямі, як адзін з найлепшых у 2004 годзе, а ў амэрыканскім сьпісе Top Independent Albums заняў першае месца.

Our Love to Admire (2007)[рэдагаваць | рэдагаваць крыніцу]

10 ліпеня 2007 году адбылася прэзэнтацыя новага альбому гурта «Our Love to Admire». На гэты раз дыск выпускаецца буйнымі гукапіснымі кампаніямі — Parlophone (у Вялікабрытаніі) і Capitol Records (у ЗША). Першым самотнікам з альбому стала песьня «The Heinrich Maneuver».

Дыскаграфія[рэдагаваць | рэдагаваць крыніцу]

Альбомы[рэдагаваць | рэдагаваць крыніцу]

Самотнікі[рэдагаваць | рэдагаваць крыніцу]

  • The Interpol EP: PDA / NYC / Specialist (2002)
  • Obstacle 1 (2002)
  • Say Hello to the Angels / NYC (2003)
  • Obstacle 1 (remix) (2003)
  • Slow Hands (2004)
  • Evil (2005)
  • C'mere (2005)
  • Slow Hands (reissue) (2005)
  • The Heinrich Maneuver (2007)
  • Mammoth (2007)

Міні-альбомы[рэдагаваць | рэдагаваць крыніцу]

Відэаграфія[рэдагаваць | рэдагаваць крыніцу]

  • NYC
  • PDA
  • Obstacle 1
  • Slow Hands
  • Evil
  • C'mere
  • The Heinrich Maneuver

Удзельнікі[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Interpol (гурт)сховішча мультымэдыйных матэрыялаў