Перайсьці да зьместу

GreenJolly

Зьвесткі зь Вікіпэдыі — вольнай энцыкляпэдыі
Гэтая назва мае некалькі сэнсаў. Калі вас цікавяць іншыя сэнсы, глядзіце таксама Грынджолы (неадназначнасьць).
GreenJolly
Гады 1997—2005
2008—2009
Краіна
Месца ўтварэньня Сьцяг Украіны Украіна
Мова украінская
анґельская
Жанр рэп-рок, фолк-панк, ґрандж, поп-рок
Выдавец Ukrainian records
Удзельнікі Раман Калын
Юры Папоў
Юры Грынюк
Кастанцін Шмалько
Віктар Калын
Андрэй Блажэй

GreenJolly (па-ўкраінску: Ґринджо́ли, па-беларуску: Ґрынджо́лы) — украінскі музычны гурт з Івана-Франкоўску. Вядомы перамогаю ў нацыянальным адборы конкурсу песьні «Эўрабачаньне 2005» зь песьняю «Разом нас багато».

Гісторыя

[рэдагаваць | рэдагаваць крыніцу]

Лідэры гурту, Раман Калын (экс-«Захід», «Минула юнь») і Раман Касьцюк пасябравалі 1992 рокам, калі яны сталі ўдзельнікамі вясёлага Івана-Франкоўскага гурту «Нема Марлі» — гралі ямайскія реґі з прымешкамі ўкраінскае аўтэнтыкі.

Гурт «GreenJolly» быў створаны 1997 рокам у Івана-Франкоўску, стаўшы пераемнікам гурту «Нема Марлі», у якога была на той час песьня «Ґринджоли». Потым назва песьні ператварылася ў назву ўсяго праекту. Назва створаная ад заходняўкраінскага «ґринджоли» («драўляныя сані»), якое фанэтычна ідэнтычнае анґельскаму словазлучэньню green jolly («зялёны вясёлы» або «зялёныя вясёлыя»)[1]. Удзельнікамі навастворанага гурту сталі Раман Калын (вакал, бас-ґітара), Раман Касьцюк (ґітара) й Аляксандар Уніцкі (клявішы, саксафон; экс-«Бункер Йо»).

У кастрычніку 1998 року «GreenJolly» сталі ляўрэатамі другое прэміі фэсту «Будучыня Ўкраіны», у студзені 1999-га — ляўрэатамі другое прэміі фэсту «Мэлёдыя», у лістападзе 1999-га ляўрэатамі трэцяе прэміі на «Перлінах сэзону». З часам Раман Калын ды Раман Касьцюк стварылі ўласную студыю гуказапісу «Рому Рекордс»; Раман Касьцюк працаваў гукарэжысэрам на радыё «Заходні полюс», а Раман Калын быў дырэктарам на мясцовым далябачаньні «Трэцяя студыя».

У 2003—2004 роках Раман Калын ды Раман Касьцюк удзельнічалі ў стварэньні ды выданьні дэбютнага альбому гурту «Фліт» пад назваю «Світ такий…». У лістападзе 2004-га, пасьля першага ж рэвалюцыйнага мітынґу ў родным Івана-Франкоўску, два Раманы пажадалі стварыць песьню, якая б надхніла мітынґоўцаў. На запіс пайшло чатыры гадзіны, і яны адразу ж засьпявалі яе на мясцовым пляцы. Хтось выклаў песьню ў інтэрнэце і наступным днём яе ўжо сьпявалі ў Кіеве.

Так песьня «Разом нас багато» стала гімнам Аранжавае рэвалюцыі, а малавядомы правінцыйны гурт «GreenJolly» у адначас сталі вядомымі. Песьня стала гітом ня толькі ва Ўкраіне, але й за мяжою. Тым жа 2004 рокам запісваецца аднайменны сынґл гурту.

2005 рокам гурт удзельнічаў у конкурсу песьні «Эўрабачаньне» з адаптаваным варыянтам песьні «Разом нас багато» і заняў 19-е месца.

Тым ж 2005 рокам з «GreenJolly» падпісаў кантракт лэйбл Ukrainian Records, заснавальнікам якога ё Андрэй Дахоўскі, і да канца року гурт выпусьціў свой першы альбом пад назваю «Хай буде так». Альбом складаецца з 16 кампазыцыяў. На песьні «Весілля», «Я не знаю слова досить» і «Разом нас багато» зьнятыя кліпы. У Расеі альбом выпусьціла расейская кампанія «M2BA/Music World». Таксама быў перавыдадзены сынґл «Разом нас багато» з улучаным відэа ды песьняю на конкурс «Эўрабачаньне».

У 2005—2006 роках «GreenJolly» зьдзейсьнікі тур па Ўкраіне, а іаксама за мяжою, у прыватнасьці ў Ватыкане. У сакавіку 2006 року саліст гурту Раман Калын балятаваўся ў Івана-Франкоўскую вобласную раду ад партыі «Пара!». Аднак дэпутатам ня стаў, бо партыя не перадужала 3% бар’ер.

2008 рокам гурт запісаў свой новы альбом — «Любиш — не любиш», да якога ўвайшлі 11 кампазыцыяў. Таксама амаль што цалкам аднаўляецца склад гурту. Нягледзячы на гэта, калектыўная дзейнасьць працягвалася толькі да 2009-га[2].

З 2010 року гурт, фактычна, існуе толькі ў асобе Рамана Калына, які працягвае пэрыядычна выконваць песьні гурту, а таксама запісваць новыя кампазыцыі. У сьнежні 2013 року Калын быў запрошаны да ўдзелу ў праґраме «Зялёны агеньчык» на канале «ТВі», дзе ён выканаў песьню «Разом нас багато», а таксама запісаў новую песьню «Лети, неначе птах», прысьвечаную Эўрамайдану. Раман Калын адзначае, што ён мог бы сабраць гурт зноўку, але займаецца ўласнаю творчасьцю ды прадусаваньнем іншых артыстаў[2].

Склад гурту

[рэдагаваць | рэдагаваць крыніцу]
  • Раман Калын — вакал
  • Юры Папоў — ґітара
  • Юры Грынюк — бас
  • Віктар Калын — клявішы
  • Канстанцін Шмалько — ударныя
  • Андрэй Блажэй — бэк-вакал

Колішнія ўдзельнікі

[рэдагаваць | рэдагаваць крыніцу]
  • Раман Касьцюк — ґітара, бэк-вакал
  • Аляксандар Уніцкі — клявішы
  • Ігар Азарко — барабаны
  • Андрэй Пісецкі — клявішы, аранжаваньне, бэк-вакал
  • Дзьмітро Мэлічаў — бас-ґітара
  • Аляксандар Бабічаў — барабаны

Дыскаґрафія

[рэдагаваць | рэдагаваць крыніцу]

Альбомы

[рэдагаваць | рэдагаваць крыніцу]
  • «Хай буде так» (2005)
  • «Любиш — не любиш» (2008)

Сынґлы

[рэдагаваць | рэдагаваць крыніцу]
  • «Разом нас багато» (сынґл) (2004)
  • «Razom nas bahato» (інтэрнацыянальны сынґл) (2005)
  • «Весілля» (2008)
  • «Я не знаю слова „досить“» (2008)

Кліпы

[рэдагаваць | рэдагаваць крыніцу]
  • Разом нас багато (1 вэрсія, 2004)
  • Jest Nas Wielu (2 вэрсія, 2005)
  • Разом нас багато (Eurovision version, 2005)
  • Весілля (2008)
  • Весілля (рэмікс, 2008)
  • Я не знаю слова «досить» (2008)

Цікавінка

[рэдагаваць | рэдагаваць крыніцу]
  • Тэма песьні «Разом нас багато» гучыць у першым украінскім анімацыйным мультсэрыяле «Ліс Мікіта».
  • Падчас выступу на конкурсе «Эўрабачаньне» на скроні Рамана Калына было выгаблеванае слова «Peace» (у перакладзе з анґельскае — «Мір»)

Крыніцы

[рэдагаваць | рэдагаваць крыніцу]
  1. ^ Вымова ўкраінскага «ґринджоли» ў міжнароднай фанэтычнай транскрыпцыі — [grɪnˈʤolɪ], а анґельскага «green jolly» — [griːnˈʤɔlɪ].
  2. ^ а б Не підтримуйте політиків. Це крах музичної кар’єри – лідер гурту Гринджоли (укр.) Праверана 2019-02-25 г.

Вонкавыя спасылкі

[рэдагаваць | рэдагаваць крыніцу]
Папярэднік
Руслана
зь песьняю «Wild Dances» 		Прадстаўнікі Ўкраіны
на Конкурсу песьні Эўрабачаньні
зь песьняю «Разом нас багато»
2005 		Наступнік
Ціна Караль зь песьняю
«Show Me Your Love»

2003 · 2004 · 2005 · 2006 · 2007 · 2008 · 2009 · 2010 · 2011 · 2012 · 2013 · 2014

Атрымана з «https://be-tarask.wikipedia.org/w/index.php?title=GreenJolly&oldid=2375316»