Gods Tower
Gods Tower | |
Файл:GodsTower.jpg | |
Інфармацыя | |
---|---|
Гады | 1989 — 2002 |
Адкуль | Гомель, Беларусь |
Жанр(ы) | дум-мэтал пэган-мэтал фолк-мэтал |
Выдавец | Final Holocaust Records MetalAgen Records Sturmesflugel MOON Records |
Зьвязаныя праекты | Rasta Dragonflame The Regent Misanthrope Count Mercyful Stormhold Chemical Warfare |
Удзельнікі | Аляксандар Уракоў Дзьмітры Аўчыньнікаў Лэсьлі Найф Уладзіслаў Сальцэвіч Юры Сіўцоў |
godstower.com |
Gods Tower — беларускі ангельскамоўны мэтал-гурт з Гомелю, заснаваны ў 1989 годзе.
Гісторыя
Пачатак творчасьці
Гурт быў заснаваны ў 1989 годзе гітарыстам Аляксандрам Ураковым і вакалістам Лэсьлі Найфам (Уладзіслаў Наважылаў). Да 1992 года гурт працаваў над сваім стылем і часта мяняў удзельнікаў і назву. Летам 1992 года канчаткова зацьвердзіўся склад гурту: Аляксандар Уракоў (гітара), Лэсьлі Найф (сьпеў), Юры Сіўцоў (бас-гітара), Уладзіслаў Сальцэвіч (бубны). Гурт насіў назву Chemical Warfare і граў у слылі дэз/трэш-мэтал. У жніўні быў запісаны дэбютны дэма-альбом Demolition Tape.
Gods Tower
У канцы 1992 года гурт мяняе назву на «Gods Tower» і мяняе стыль творчасьці на пэган готык дум мэтал. Летам 1993 года гурт выдае другі дэма-альбом The Eerie. Дзякуючы гэтаму альбому, гурт падпісвае кантракт з маскоўскім выдавецтвам Final Holocaust Records на запіс двух альбомаў і самотніка. У верасьні на студыі TEF studio гурт запісвае дзьве песьні для самотніка Beyond Praying, але з-за краху студыі ён так і не зьявіўся.
У 1994 годзе ў гурце зьяўляецца другі гітарыст Аляксандар Эрыстаў. Летам гурт запісвае кліп на песьню «Beyond Praying». А ўвосень гурт выдае дэма Canticles. Пасьля гэтага гурт упершыню выступае па-за мяжой. Gods Tower выступае ў Чэхіі разам з гуртамі Purgatory, Desultory, Samael і Cannibal Corpse.
У траўні 1995 года у гурце зьяўляецца клявішнік Дзьмітры Аўчыньнікаў, а летам з гурту быў зволены Аляксандар Эрыстаў. У верасьні была зроблена прома-касэта The Turns. Пазьней, Gods Tower падпісвае кантракт з фірмай MetalAgen Records на запіс трох альбомаў. Летам 1996 года гурт удзельнічае ў фэстывалі ля Нямецкага горада Хайдэнбург разам з такімі гуртамі, як In Flames, Primordial, Behemoth, Crystal Age і інш.
У 1995 годзе гурт запісвае альбом The Turns. У траўні-чэрвені 1996 года Gods Tower перазапісвае гэты альбом на маскоўскай студыі Aria, а праз год перазапісвае там-жа і альбом The Eerie .
У канцы 1997 года Gods Tower выдае відэа-касэту Twilight Lives 94-97, на якую ўвайшлі аматарскія запісы з канцэртаў, запісы беларускага тэлебачаньня, а таксама кліп «Beyond Praying».
У пачатку 1998 на студыі MetalAgen былі выдадзены кампакт-дыскі і касэты з альбомамі The Turns і The Eerie. Таксама, былі запісаны кліпы на песьні «The Eerie» і «An Eye For An Eye». Пазьней, на працягу двух гадоў гурт выступаў з канцэртамі па ўсім СНД разам з такімі гуртамі, як Paradise Lost, Forgive-Me-Not, Vicious Crusade, N.R.M., Evthanazia і інш. Па апытваньням чытачоў журнала Легіён, Gods Tower быў прызнаны лепшым беларускім мэтал-гуртом. У канцы 1999 года на нямецкай студыі Sturmesflugel была выдадзена складанка лепшых песень Gods Tower. У жніўні 2000 года гурт удзельнічаў у вялікім эўрапейскім фэстывалі Pepsi Sziget у Будапэшце.
Распад гурту
Пасьля вяртаньня зь Венгрыі, па асабістых прычынах гурт пакідаюць Дзьмітры Аўчыньнікаў і Юры Сівец. Замест іх у гурт прыходзяць Валеры Навасельцаў і Сяргей Сяргейчыкаў. Гурт прымае ўдзел у канцэртах у Рызе і Вільнюсе, а пасьля выступае з канцэртамі па СНД. У гэты час гурт запісвае некалькі новых песень, якія ўваходзяць на міні-альбом Abandon All Hope.
16 ліпеня 2002 года Gods Tower распадаецца з-за алькагалізму Аляксандра Уракова, гітарыста і кампазытара гурту [1]. 14 сьнежня 2003 Аляксандар Уракоў памірае.
Экс-Gods Tower
Пасьля распаду гурту, некаторыя яго удзельнікі заснавалі свае праекты, ці перайшлі ў іншыя гурты.
Дзьмітры Аўчыньнікаў і Юры Сівец зараз граюць у гурце Rasta.
Лэсьлі Найф заснаваў праект The Regent, якім быў выдадзены толькі адзін дэма-альбом This. Пазьней, ён будзе выступаць вакалістам ў гуртах Dragonflame, Stormhold і Chemical Warfare.
Уладзіслаў Сальцэвіч перайшоў у гурт Misanthrope Count Mercyful.
Удзельнікі
- Аляксандар Уракоў — гітара
- Валеры Навасельцаў — бас-гітара (з 2000)
- Лэсьлі Найф (Уладзіслаў Наважылаў) — сьпеў
- Сяргей Сяргейчыкаў — клявішныя (з 2000)
- Уладзіслаў Сальцэвіч — бубны
- Віктар Лапіцкі — мэнэджмэнт
- Ірына Лазоўская — клявішныя (да 1993)
- Аляксандар Эрыстаў — гітара (1994 — 1995)
- Дзьмітры Аўчыньнікаў — клявішныя (1995 — 2000)
- Юры Сіўцоў — бас-гітара, бэк-вакал (да 2000)
Дыскаграфія
Альбомы
- The Eerie. Песьні да альбома запісаныя ў 1992 і 1993 гадох. У траўні-чэрвені 1997 года альбом быў перазапісаны й зьмікшаваны на Aria Records і выдадзены MetalAgen Records. У 2001 годзе альбом быў перавыдадзены кампаніяй Eternal Art (EA-07-01) па ліцэнзіі MetalAgen Records, а ў 2007 годзе - кампаніяй Soyuz Music.
- The Turns. Першапачаткова альбом быў запісаны ў 1995 годзе. У траўні-чэрвені 1996 года альбом быў перазапісаны й зьмікшаваны на Aria Records і выдадзены MetalAgen Records. У 2001 годзе альбом быў перавыдадзены кампаніяй Eternal Art (EA-08-01) па ліцэнзіі MetalAgen Records, а ў 2007 годзе - кампаніяй Soyuz Music.
- Abandon All Hope (2002)
Складанкі
- Immortal Dancing Hits - Golden Ballads vol.1 (1996) — «Misterious»
- Music Pause - Golden Ballads vol.2 (1997) — «Twilight Sun»
- Tops Of The Devil - Golden Ballads vol.3 (1997) — «The Eerie»
- Ebony Birds (1999)
- A Tribute to Ария (2001) — «Power And Reason»
- Hard Life Heavy Music (2001) — «Ухвала сонца» («Praise Of Sun»)
- The Anthology (2004)
- The Greatest Arrows (2005)
Кліпы
- «When Life Ends» (1994)
- «Beyond Praying» (1994)
- «The Eerie» (1998)
- «An Eye For An Eye» (1998)
- «Civilization» (2001)
Іншае
- Demolition Tape (дэма) (1992)
- The Eerie (дэма) (1993)
- Canticles (дэма) (1994)
- The Turns (прома) (1995)
- Twilight Lives 94-97 (відэа) (1997)
- Варта Вежы Багоў (трыб'ют) (2005)
Крыніцы
- ^ Заява аб распадзе гурту (рас.)