ASBIS

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
ASBIS
ASBIS.png
Тып Публічная кампанія
Лістынг на біржы WSE: ASB
Дэвіз Распаўсюд для вашага посьпеху
Заснаваная 1990
Заснавальнікі Сяргей Касьцевіч
Разьмяшчэньне Сьцяг Кіпру Лімасол (Кіпр)
Галіна Электроніка
Прадукцыя Апраграмаваньне, ноўтбук, пляншэт, смартфон, цьвёрды дыск, цэнтральны працэсар
Абарачэньне Red Arrow Down.svg$1 551 млн (2014)
Апэрацыйны прыбытак Red Arrow Down.svg$16,3 млн
Чысты прыбытак Red Arrow Down.svg$0,98 млн
Лік супрацоўнікаў >1700 (2013)
Афіцыйны сайт asbis.com

ASBIS (бел. «АСБІС») — заснаванае ў 1990 годзе ў Менску кіпрскае транснацыянальнае прадпрыемства, што з 1995 г. мае галаўную сядзібу ў кіпрскім горадзе Лімасол і ажыцьцяўляе збыт вылічальных прыладаў і праграмнага забесьпячэньня ў краінах Цэнтральнай і Ўсходняй Эўропы, Блізкага Ўсходу і Афрыкі. Зьяўляецца афіцыйным дыстрыб’ютарам такіх брэндаў, як Intel, Advanced Micro Devices, Seagate Technology, Western Digital, Samsung, Microsoft, Toshiba, Dell, Acer, Hitachi і Apple. Амаль чвэрць прыбытку кампанія атрымлівае ад продажу спажывецкай электронікі пад уласнымі гандлёвымі маркамі Prestigio і Canyon[1].

Мінуўшчына[рэдагаваць | рэдагаваць крыніцу]

Смартфон Prestigio Multiphone PAP5430

У 1990 г. былы навуковы супрацоўнік Менскага радыётэхнічнага інстытуту Сяргей Касьцевіч (нар. 1965 г.; Менск, Беларуская ССР, СССР) адчыніў прадпрыемства «АСБІС» (анг. Advanced Storage and Business Integrated Solutions — Перадавое захоўваньне і ўлучаныя ў прадпрыемства рашэньні) для рамонту кампутараў. У 1991 г. прадпрымальнік распрацаваў першы ў СССР цьвёрды дыск. У 1992 г. прадпрыемства заключыла першы кантракт на дыстрыбуцыю сыстэмаў захоўваньня зьвестак з амэрыканскай кампаніяй Seagate Technology. Да 1994 кампанія выйшла на расейскі і ўкраінскі рынкі.

У 1995 ASBIS Enterprises Limited была зарэгістраваная на Кіпры як холдынгавая кампанія. Да 1997 року прыбытак кампаніі перавысіў 100 млн даляраў, і ASBIS быў прызнаны самым хутка растучым дыстрыбутарам кампутарных кампанэнтаў у Эўропе, Афрыцы і на Блізкім Усходзе.

Цягам 1998 року даччыныя кампаніі ASBIS былі адкрытыя ў Чэхіі, Харватыі, Югаславіі, Вугоршчыне, Польшчы, Румыніі, Баўгарыі і Славеніі.

Пляншэт Prestigio Multipad 4 Ultra Quad 8.0

У 2002 року ASBIS дасягнуў прыбытку ў 540 млн дал., што на 44% болей у параўнаньні з 2001 року. Прадукты ўласнай гандлёвай маркі кампаніі — Canyon — сталі дасяжныя для болей як 10 000 пакупнікоў у 20 краінах сьвету. У 2002 року інвэстарамі кампаніі сталі «Greek Black Sea Fund» і Альфа-Банк.

У 2007 ASBIS выйшла на IPO на Варшаўскай фондавай біржы. У 2011 року 36,7 % акцыяў кампаніі было прададзена. З 2011 року ASBIS пачала прадаваць пляншэтныя кампутары, а з 2012 — смартфоны пад уласнай гандлёвай маркай Prestigio.

У 2014 г. збыт у асноўным прыпадаў на смартфоны ($305 млн, 20%), цэнтральныя працэсары ($256 млн, 17%), пляншэты ($216 млн, 16%), ноўтбукі ($170 млн, 11%), цьвёрдыя дыскі ($159 млн, 10%) і апраграмаваньне ($114 млн, 7%). У тым ліку выручка ад продажу вылічальных прыладаў пад уласнымі таварнымі знакамі, пераважна пляншэтаў і смартфонаў Prestigio, склала $349,7 млн (23% ад агульнай выручкі). На 2015 г. гуртовы збыт вёўся празь сядзібы ў Аб’яднаных Арабскіх Эміратах (Дубай), Кітаі (Шэньчжэнь, правінцыя Гуандун) і Чэхіі (Прага). Прадпрыемства валодала 31 таварным складам у 26 краінах, у тым ліку ў 20 краінах Эўропы (Ангельшчына, Баўгарыя, Беларусь, Вугоршчына, Ірляндыя, Кіпр, Латвія, Летува, Нідэрлянды, Нямеччына, Польшча, Расея, Румынія, Славаччына, Славенія, Сэрбія, Украіна, Харватыя, Чэхія і Эстонія), 5 краінах Азіі (ААЭ, Казахстан, Кітай, Саудаўская Арабія і Турэччына) і 1 краіне Афрыкі (Марока). На пачатак 2015 г. асноўным акцыянэрам заставаўся заснавальнік Сяргей Касьцевіч (41%). 48% паёў знаходзіліся ў вольным продажы на Варшаўскай фондавай біржы[2].

Крыніцы[рэдагаваць | рэдагаваць крыніцу]

  1. ^ Валерий Кодачигов. (30 верасьня 2014) Гендиректор Prestigio Юрий Антошкин покинул компанию(рас.). Ведомости. Праверана 23 красавіка 2015 г.
  2. ^ Канстантынас Тзямаліс, Марыёс Крыстоў. Справаздача за 2014 год(анг.) // АСБІС, 26 лютага 2015 г. Праверана 24 красавіка 2015 г.

Вонкавыя спасылкі[рэдагаваць | рэдагаваць крыніцу]