Яўген Касьцюкевіч
| Яўген Касьцюкевіч | ||
| Пэрсанальная інфармацыя | ||
|---|---|---|
| Нарадзіўся | 19 сьнежня 1989[1] (35 гадоў) | |
| Рост | 187 см | |
| Вага | 92 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2015—2019 | Крумкачы | 47 (1) |
Яўген Касьцюкевіч (нар. 19 сьнежня 1989 году) — колішні беларускі футбаліст, брамнік.
Кар’ера
[рэдагаваць | рэдагаваць крыніцу]Выхаванец жодзінскага «Тарпэда». Гуляў за клюбны дубль ды прыцягваўся таксама да асноўнага складу. У 2008 годзе езьдзіў на прагляд у расейскі ЦСКА, аднак праз выяўленыя праблемы са здароўем быў вымушаны вярнуцца ў Беларусь і неўзабаве завяршыў кар’еру[2]. Застаўся працаваць у Жодзіне[3], пазьней пачаў таксама гуляць у футбол на аматарскім узроўні.
У 2015 годзе пачаў працаваць у клюбе «Крумкачы» трэнэрам брамнікаў і відэаапэратарам. Пазьней празь некамплект брамнікаў быў заяўлены за клюб у Першую лігу[4] і неўзабаве стаў асноўным брамнікам клюбу, якому дапамог прабіцца ў Найвышэйшую лігу. У сэзоне 2016 году стаў другім брамнікам «Крумкачоў» пасьля Андрэя Федарэнкі. 7 траўня 2016 году дэбютаваў у Найвышэйшай лізе, правёўшы ўвесь матч супраць «Гарадзеі» (0:1).
Сэзон 2017 году пачаў у якасьці другога брамніка «Крумкачоў» пасьля Антона Амельчанкі, але той пазьней атрымаў траўму і пакінуў каманду, што дазволіла Касьцюкевічу заняць месца ў асноўным складзе. 29 ліпеня 2017 году забіў гол ударам з сваёй штрафной пляцоўкі ў браму клюбу «Віцебск», якую абараняў Дзьмітры Гушчанка[5]. Аднак у тым жа матчы атрымаў чырвоную картку і быў выдалены з поля. Застаўся ў камандзе ў сэзоне 2018 годзе, калі «Крумкачы» не былі дапушчаныя да ўдзелу ў Найвышэйшай лізе і заявіліся ў Другую лігу. У чэрвені 2018 году зьехаў на жыхарства ў Кітай па сямейных абставінах[6]. У верасьні вярнуўся ў Беларусь[7] і неўзабаве зноў пачаў выступаць за «Крумкачы». У студзені 2019 году падоўжыў кантракт з сталічным клюбам, які зьмяніў афіцыйную назву на НФК[8]. У чэрвені 2019 году пакінуў каманду[9]. Пасьля пераехаў у Варшаву[10].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 4 | –4 |
| 2017 | Найвышэйшая ліга | 15 | 1/–21 | |
| 2018 | Другая ліга | 9 | –6 | |
Крыніцы
[рэдагаваць | рэдагаваць крыніцу]- ^ а б в Evgeni Kostyukevich // Transfermarkt (мн.) — 2000.
- ^ Вратарь жодинского «Торпедо» завершил карьеру из-за проблем с сердцем (рас.)
- ^ Евгений Костюкевич — «Мистер Жодино-2010» . Его мечты — это цели. (рас.) Архіўная копія ад 2014-09-22 г.
- ^ «Крумкачы» подписали контракт с вратарем Костюкевичем, который работает видеооператором в клубе (рас.)
- ^ «Витебск» — «Крумкачы». Голкипер Евгений Костюкевич забил мяч ударом от собственных ворот, а после заработал удаление (рас.)
- ^ Костюкевич переезжает в Китай по семейным обстоятельствам (рас.)
- ^ Евгений Костюкевич: «На следующей неделе приступаю к тренировкам» (рас.)
- ^ Трачинский и Русецкий стали игроками НФК. Костюкевич, Пархачев и еще два футболиста продлили контракты (рас.)
- ^ Костюкевич попрощался с НФК (рас.)
- ^ Гэтыя футбалісты з’ехалі з Беларусі: адзін змяніў піва на крыпту, іншы прарываецца з Мексікі ў ЗША (бел.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)