Ян Вуйцік

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ян Вуйцік
Jan Wójcik
No male portrait be.svg
Асабістыя зьвесткі
Нарадзіўся 1913(1913)
Сьцяг Расеі Растоў-на-Доне
Памёр 2009(2009)
Сьцяг ЗША Нью-Брытэн (Канэктыкут)
Літаратурная дзейнасьць
Род дзейнасьці паэт, пісьменьнік, журналіст
Мовы польская, ангельская
Узнагароды
Ордэн Заслугі перад Рэспублікай Польшча V ступені

Ян Ву́йцік (па-польску: Jan Wójcik; 1913, Растоў-на-Доне — 2009) — польскі паэт і пісьменьнік эміграцыі, званы «бардам Палесься»; журналіст.

Жыцьцяпіс[рэдагаваць | рэдагаваць крыніцу]

Нарадзіўся ў 1913 року ў Растове (Расейская імпэрыя). У 1921 року сям’я пераехала ў Польшчу. Вучыўся ў пружанскай гімназіі імя Адама Міцкевіча, Артылерыйскай акадэміі афіцэраў рэзэрву.

У 1939 служыў на фронце афіцэрам артылерыі. Пасьля капітуляцыі Варшавы трапіў у нямецкі палон і рэшту вайны правёў у лягеры для ваеннапалонных.

Па сканчэньні вайны жыў у брытанскай акупацыйнай зоне. У 1949 року эміграваў у Порту-Алегры (Бразылія). Браў актыўны ўдзел у жыцьці польскай эміграцыі, пісаў артыкулы ў мясцовую прэсу і польскі эміграцыйны часопіс «Kultura» ў Парыжы, вёў штотыднёвую радыёперадачу.

У 1961 року зь сям’ёй эміграваў у ЗША, жыў у Нью-Брытэне (штат Канэктыкут). Працаваў на вытворчасьці, браў удзел у дзейнасьці палянійных арганізацыяў (Haller Post Polish Army Veterans, Choir Polonia Paderewski, Solidarity International, Radio «Solidarnosc», Polish American Congress). Пісаў эсэ й артыкулы ў розныя польскія часопісы Польшчы і ЗША (вышэйпамянёная «Kultura», «Listy do Polakow», «Gwiazda Polarna»).

Па сьмерці Францішка Ляхоцкага перадаў ягоныя кнігі польскаму аддзелу бібліятэкі ў Нью-Брытэне[1].

У 1996 року быў вылучаны на званьне Чалавека року ад Польска-амэрыканскага кангрэсу Канэктыкута[2].

Творчасьць[рэдагаваць | рэдагаваць крыніцу]

Выдаў аўтабіяграфічную кнігу «Nad pięcioma rzekami» (бел. Над пяцьцю рэкамі), якая складаецца з трох частак. У «Дон — рака першая» аўтар зьвяртаецца да дзіцячых рокаў. Другая частка — «Мухавец — рака другая» — апавядае пра жыцьцё ў міжваенную дваццацігодку[3].

Пісаў таксама вершы пра родную Пружаншчыну і Палесьсе.

Радыёрэпартажы Вуйціка былі выдадзеныя ва ўнівэрсытэце Цэнтральнага Канэктыкута ў 1993 року пад назвай «Drodzy sluchacze» (бел. Паважаныя слухачы).

Узнагароды[рэдагаваць | рэдагаваць крыніцу]

Бібліяграфія[рэдагаваць | рэдагаваць крыніцу]

  • Polonia w/in Connecticut / Mieczysław Kierklo, Jan Wójcik. — Hartford: Komitet Obchodów Tysiąclecia Polski Chrześcijańskiej na Stan Connecticut, 1966. — 272 с.[4]
  • Jan Wójcik. Balcerowi następcy. — Londyn: Nakł. Polskiej Fundacji Kulturalnej, 1975. — 198 с. — ISBN 9780850650969[2]
  • Z dziejów żołnierza-emigranta: historia «Haller Post» w New Britain / Jan Wójcik, Mieczysław Kierklo. — New Britain, Connecticut: Placówka 111 Stowarzyszenia Weteranów Armii Polskiej w Ameryce, 1991. — 152 с.[4]
  • Jan Wójcik. Drodzy sluchacze: 430 pogadanek w «Glosie Solidarnosci». — New Britain, Connecticut: 1983—1992. — 372 с. (1993)[2]
  • Jan Wójcik. Nad pięcioma rzekami: wspomnienia z lat 1913—1939. (Уроцлаў, 2005[5]; Гартфард, Люблін, 2009)

Крыніцы і заўвагі[рэдагаваць | рэдагаваць крыніцу]

  1. ^ Stanisława Mocek. Forum czytelników // Echa Polesia. — 2009. — № 4 (24). — С. 64.
  2. ^ а б в г Renata Vickrey. Jan Wojcik papers, 1945—1996. CPAA 05-14(анг.). Central Connecticut State UniversityПраверана 28 студзеня 2012 г.
  3. ^ Ks. Wiesław Haczkiewicz. Nad pięcioma rzekami // Niedziela Ogólnopolska. — 2006. — № 46. — С. 39.
  4. ^ а б Zbiory graficzne BJ - Katalog - Autor: Wójcik, Jan (1913- )(пол.) Wirtualny Gabinet Rycin. Biblioteka Jagiellońska. Праверана 28 студзеня 2012 г.
  5. ^ Nad pięcioma rzekami: wspomnienia z lat 1913-1939(анг.) Google Books. GoogleПраверана 28 студзеня 2012 г.

Літаратура[рэдагаваць | рэдагаваць крыніцу]

  • Mały słownik pisarzy polskich na obczyźnie 1939-1980 / red. Bolesław Klimaszewski. — Warszawa: Instytut Badań Polonijnych Uniwersytetu Jagiellońskiego, Wydawnictwo Interpress, 1992. — С. 351.

Вонкавыя спасылкі[рэдагаваць | рэдагаваць крыніцу]