Перайсьці да зьместу

Ягор Хвалько

Зьвесткі зь Вікіпэдыі — вольнай энцыкляпэдыі
Ягор Хвалько
Пэрсанальная інфармацыя
Нарадзіўся 18 лютага 1997(1997-02-18)[1] (29 гадоў)
Рост 181 см
Вага 72 кг[3]
Пазыцыя абаронца
Клюбная інфармацыя
Клюб Атыраў
Клюбы
Гады Клюб Гульні (галы)¹
2016—2020 Нёман Горадня 38 (0)
2016 → Ліда 11 (0)
2019 → Дняпро Магілёў[d] 14 (0)
2021—2022 Арсэнал Койданаў 40 (6)
2022—2025 Кяпаз 95 (3)
2025 Табол 8 (0)
2026—4 Атыраў
Зборныя
2015 Беларусь (да 19)[d] 3 (0)
2017—2018 Беларусь (да 21) 8 (0)

Ягор Хвалько (нар. 18 лютага 1997 году) — беларускі футбаліст, абаронца казаскага «Атыраў».

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Выхаванец баранавіцкай ДЮСШ-5. Пазьней трапіў у структуру гарадзенскага «Нёмана», дзе з 2015 году пачаў выступаць за дубль. У першай палове 2016 году пачаў прыцягвацца да асноўнай каманды, але гэтак і не дэбютаваў за яе. У жніўні 2016 году быў аддадзены ў арэнду «Лідзе»[4], дзе замацаваўся ў аснове і быў прызнаны аматарамі найлепшым гульцом каманды ў сэзоне.

Па заканчэньні сэзону 2016 году вярнуўся ў «Нёман». Да сэзону 2017 году рыхтаваўся зь першай камандай гарадзенцаў. У красавіку 2017 году гуляў за дубль, а пазьней пачаў трапляць у асноўную каманду. 7 траўня 2017 году дэбютаваў у Найвышэйшай лізе, адгуляўшы ўсе 90 хвілінаў у матчы супраць магілёўскага «Дняпра» (3:0). Пазьней замацаваўся ў цэнтры абароны гарадзенцаў. У лютым 2018 году падоўжыў кантракт зь «Нёманам» да канца сэзону 2018 году[5]. Сэзон 2018 году пачынаў у стартавым складзе каманды, аднак з жніўня пачаў гуляць пераважна за дубль. У лютым 2019 году падоўжыў кантракт з клюбам на тры гады і адначасна быў аддадзены ў арэнду менскаму «Промню»[6]. Неўзабаве «Прамень» пераехаў у Магілёў і аб’яднаўся зь мясцовым «Дняпром», і абаронца стаў футбалістам аб’яднанай каманды, якая атрымала назву «Дняпро». У першай палове сэзону 2019 году нярэдка зьяўляўся ў пачатковым складзе магілёўцаў, але з жніўня пачаў пераважна заставацца на лаўцы запасных. У студзені 2020 году па вяртаньні з арэнды пачаў трэнавацца зь «Нёманам»[7], стартаваўшы з клюбам у сэзоне 2020 году. Перадусім заставаўся на лаўцы запасных, гуляў за дубль, з траўня 2020 году больш не зьяўляўся на полі.

У лютым 2021 году пачаў трэнавацца з койданаўскім «Арсэналам» і ў сакавіку афіцыйна стаў гульцом каманды[8]. Трывала замацаваўся ў пеошай адзінаццатцы і паводле вынікаў сэзону 2022 году дапамог клюбу прасунуцца ў Найвышэйшую лігу. У ліпені 2022 году паводле пагадненьня бакоў пакінуў «Арсэнал»[9] і неўзабаве далучыўся да азэрбайджанскага «Кяпазу»[10]. У чэрвені 2023 году падоўжыў кантракт з «Кяпазам» яшчэ на год[11]. У чэрвені 2025 году пакінуў азэрбайджанскую каманду і накіраваўся ў казаскі «Табол», стаўшы аднаклюбнікам Мікалая Сігневіча[12]. На пачатку кастрычніка стаў уладальнікам Кубка Казахстану. На пачатку 2026 году зьмяніў клюб на «Атыраў».

Міжнародная

[рэдагаваць | рэдагаваць код]

У 2015 годзе гуляў за юніёрскую зборную Беларусі ў кваліфікацыі чэмпіянату Эўропы. У лістападзе 2016 году быў упершыню выкліканы ў моладзевую зборную Беларусі, але тады праз траўмы гэтак і не згуляў за яе. Дэбютаваў у моладзевай зборнай 31 траўня 2017 году, адгуляўшы першы тайм таварыскага матча супраць зборнай Расеі (0:7). У ліпені 2017 году выступаў за другую зборную Беларусі на Кубку Караля ў Тайляндзе.

Дасягненьні

[рэдагаваць | рэдагаваць код]

«Табол»:

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Ліда2016Першая ліга110
Нёман2017Найвышэйшая ліга180
2018Найвышэйшая ліга190
Дняпро Магілёў2019Найвышэйшая ліга140
Нёман2020Найвышэйшая ліга10
Арсэнал2021Першая ліга275
2022Найвышэйшая ліга131

Крыніцы

[рэдагаваць | рэдагаваць код]
  1. ↑ Egor Khvalko // Transfermarkt (мн.) — 2000.
  2. ↑ https://int.soccerway.com/players/-/424936/
  3. ↑ https://teams.by/egor-khvaiko/player-154751/
  4. ↑ Футбол. "Неман" отдал в аренду Носко, Квенцера и Хвалько
  5. ↑ "Неман" продлил контракт с Хвалько
  6. ↑ "Неман" продлил контракт с Хвалько и отдал его в аренду "Лучу"
  7. ↑ Отпуск остался позади
  8. ↑ Хвалько стал игроком дзержинского "Арсенала"
  9. ↑ Футбол. Егор Хвалько покинул дзержинский "Арсенал" Праверана 21 ліпеня 2022 г. Архіўная копія ад 21 ліпеня 2022 г.
  10. ↑ Егор Хвалько перешел в азербайджанский "Кяпаз"
  11. ↑ Хвалько продлил контракт с "Кяпазом" (рас.) Праверана 2023-06-27 г.
  12. ↑ Егор Хвалько стал одноклубником Николая Сигневича в "Тоболе" (рас.). Football.by (2025-07-30). Праверана 2025-10-05 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Ягор_Хвалько&oldid=2657421»