Юнацкі сьпеўнік

Юнацкі сьпеўнік
Вокладка «Юнацкага сьпеўніка»
Жанр:	зборнік песень
Аўтар:	Мікола Шчаглоў
Мова арыгіналу:	беларуская мова
Публікацыя:	1944 год
Колькасьць старонак:	31
Электронная вэрсія

«Юна́цкі сьпе́ўнік» — зборнік песьняў Саюзу беларускай моладзі, які быў выдадзены ў пачатку 1944 году ў Менску.

Гісторыя стварэньня

На просьбу Міхася Ганька ў 1943 годзе кампазытарам Міколам Шчагловым-Куліковічам быў падрыхтаваны «Юнацкі сьпеўнік». Там амаль усе песьні былі старыя, даўнейшыя. Была вялікая патрэба стварыць новыя. Знайшлося нямала паэтаў і кампазытараў, якія працавалі ў гэтым напрамку, і маладзёвых патрыятычных песьняў за кароткі час было створана каля дзесяці. У тым ліку «Марш маладых», марш «Зважай», «Беларусь». А гімнам СБМ лічылася песьня Альбіна Стэповіча «Беларусь перад усім».

Зьмест

Малюнак з «Юнацкага сьпеўніка»

Сьпеўнік складаецца з 31 старонкі. Да кожнае песьні маецца малюнак. На вокладцы намаляваны герб СБМ. Усяго ў зборніку 20 песьняў з нотамі да іх. Частка песьняў былі народнымі, частка былі вершамі, пастаўленымі на музыку, альбо песьнямі, напісанымі ўжо падчас вайны.

Сьпіс песьняў

1. Мы выйдзем шчыльнымі радамі (беларускі народны гімн)
2. Люблю наш край
3. Беларусь наша маці-краіна
4. Пагоня
5. Беларуская зямліца
6. Мы — моладзь
7. Пойдзем, пойдзем
8. Марш арлянятаў
9. Кінь вечны плач
10. У гушчарах
11. Наша мэта
12. Да моладзі
13. Беларусь перадусім
14. Застольная песьня
15. Слуцкія ткачыхі
16. Купалінка
17. А мы ляда капалі
18. Чачотачка
19. Бульба
20. Лявоніха

Аўтары песьняў

Тэксты

• Макар Краўцоў
• Максім Багдановіч
• Канстанцыя Буйло
• Натальля Арсеньнева
• Аляксандар Пшчолка
• Міхась Кавыль
• В. Э. Н.
• Альбін Стэповіч
• Народны фальклёр

Музыка

• Уладзімер Тэраўскі
• Мікалай Шчаглоў
• М. Маўсон
• Аляксей Туранкоў
• Альбін Стэповіч
• Мікола Равенскі

Малюнкі

На жаль, невядома, хто маляваў да кнігі.

Цікавосткі

• Экзэмпляр «Юнацкага сьпеўніка» захоўваецца ў Бібліятэцы Францішка Скарыны ў Лёндане.
• Частка песьняў з кнігі былі выкананы аматарамі ў межах праекту «Беларус на варце» і гуртамі «Молат», «P.D. SS. Totenkopf», «N.R.M.», «Унія» і іншымі.

Вонкавыя спасылкі

• Юнацкі сьпеўнік у электронным выглядзе
• Гістарычная даведка пра сьпеўнік
• Юры Туронак. Беларуская кніга пад нямецкім кантролем (1939-1944)  (бел.) // Pawet.net. — 26-07-2012.
• РЭКАНСТРУЯВАЛІ ПЕСЬНІ БЕЛАРУСКІХ НАЦЫЯНАЛІСТАЎ  (бел.) // Tuzin.fm. — 02.01.2014.
• Некаторыя старонкі сьпеўніка