Эро (мастак)

Эро

Эро́, сапраўднае імя Гумндур Гудмундсан (па-ісьляндзку: Erró; нарадзіўся 19 чэрвеня 1932, Оўлафсьвік, Ісьляндыя) — сучасны ісьляндзкі мастак.

Жыцьцё і творчасьць

Эро ў пэрыяд паміж 1952 і 1954 гадамі вывучае жывапіс ў Мастацкіх акадэміях Рэйк’явіку і Осьлё. Пасьля гэтага пераяжджае ў Італію, дзе ў Флярэнцыі і Равэне да 1958 году займаецца мастацтвам мазаікі.

У 1958 годзе Эро зьяжджае ў Парыж. У 1960 годзе прымае ўдзел у мастацкай выставе «Антыпрацэс» (Antiproces). З 1961 і да 1968 штогод выстаўляецца ў парыскай сэзоннай выставе «Майскі салон» (Salon de Mai). У гэтыя і пазьнейшыя гады робіць шматлікія паездкі за мяжу, жыве пераменна ў Парыжы, у Тайляндзе і на востраве Фармэнтэра (Балеарскія астравы). Шмат разоў выстаўляецца як у Францыі так і ў іншых краінах:

• у Францыі (1960, 1969, 1975, 1986, 1988, 1992, 1994, 2004, 2008-09 і інш.)
• у ЗША (1964, галерэя Гертруды Стайн; 2004)
• У Ізраілі (1958)
• у Гішпаніі (1992, 2005)
• ва Ўкраіне (2004)
• у Даніі (1981)
• у Нідэрляндах (1982)
• у ФРГ (1969)
• у Аўстрыі (1996)
• у Швэцыі, Фінляндыі і Ісьляндыі (1993-94)
• у Бэльгіі (1983, 1988)
• у Ісьляндыі (2009)

Эро ўдзельнічаў у вэнэцыянскім біенале ў 1986 годзе. У 1989 годзе майстар падараваў значную частку сваіх прац Мастацкаму музэю Рэйк’явіку. Манера мастацкіх твораў, якія робіць Эро, палягае на мяжы сюррэалізму і поп-арту. Галоўнай тэмай яго карцін зьяўляецца адлюстраваньне сучаснай цывілізацыі, яе тэхнічная дасканаласьці. Падчас стварэньня тэхніку комікса і сюжэты навуковай фантастыкі.

Кіно

Эро займаўся таксама кінамастацтвам (фільм Grimaces, 1964).

Літаратура

• Pierre Tilman, «Erró», Paris, éditions Galilée, 1976.