Вэнэцыя

Вэнэцыя
	Вэнэцыя
	Населены пункт
Сьцяг	Герб
Краіна	Італія
Рэгіён	Вэнэта
Правінцыя	Вэнэцыя
Дата заснаваньня	25 сакавіка 421
Кіраўніцтва і ўлада
mayor of Venice[d]	Simone Venturini[d]
Заканадаўчы орган	Venice City Council[d]
Геаграфія
Плошча	414,57 км²
Вышыня НУМ	2 м
Часавы пас	UTC+1; UTC+2 (летні час);
Каардынаты	45°26′ пн. ш. 12°19′ у. д.HGЯO
Насельніцтва
Колькасьць	249 316 чал. (2025)
Этнахаронімы	Vénitienne, Vénitien, Венецијанка, Венецијанац, Венецијанке, Венецијанци, wenecjanin, wenecjanka, venesian, venesiana, venetiansk, wenecjanie, wenecjanki, Venetian, veneciano, veneziani, venecià, veneciana, Venezianer, Venezianerin, Venezianerinnen, venesiani і venesiane
Лічбавыя ідэнтыфікатары
Тэлефонны код	+39 41
Паштовы індэкс	30 100
Нумарны знак	VE
Узнагароды
Сайт	comune.venezia.it (італ.)
	Вэнэцыя на мапе Італіі Вэнэцыя

Вэнэ́цыя (па-італьянску: Venezia, па-вэнэцыянску: Venezsia) — горад у паўночнай Італіі. Насельніцтва на 30 верасьня 2025 году — 249 316 жыхароў.

Геаграфічнае становішча

Порт на Адрыятычным моры (грузазварот больш за 20 млн тон у год); міжнародны аэрапорт імя Марка Полё. Гістарычны цэнтар разьмешчаны на 118 выспах Вэнэцыянскай лягуны, падзеленых 150 каналамі й пратокамі, празь якія перакінута каля 400 мастоў (у тым ліку Рыяльта і так званы мост Уздыхаў, абодва былі пабудаваны да канца XVI стагодзьдзя).

Прамыслова-партовая частка Вэнэцыі мацерыковая. Суднабудаваньне й сударамонт, каляровая мэталюргія, нафтаперапрацоўчая, хімічная, электратэхнічная, лёгкая прамысловасьць. Рамесная вытворчасьць мастацкіх вырабаў з шкла (выспа Мурана; музэй), карунак (выспа Бурана), мазаікі. Унівэрсытэт, кансэрваторыя (1916). Музэі (у тым ліку галерэя Акадэміі мастацтваў). Першы агульнадаступны опэрны тэатар (1637—1812), опэрны тэатар «Фэнічэ» (1792).

Вэнэцыя — марскі курорт, цэнтар міжнароднага турызму сусьветнага значэньня, месца правядзеньня міжнародных кінафэстаў, мастацкіх выстаў. Нутрагарадзкія перавозкі на маторных суднах, гандолах, баржах. Селішча з V стагодзьдзя да н. э., горад з пачатку IX стагодзьдзя. З IX—X па XVI стагодзьдзі — буйны цэнтар пасрэдніцкага гандлю паміж Заходняй Эўропай і Ўсходам. У сярэднія стагодзьдзі рэспубліка (з канца XIII стагодзьдзя алігархічная, з дожам на чале) са значнай падуладнай ёй тэрыторыяй. У 1797—1805 і 1815—1866 гадох Вэнэцыя — валоданьне Аўстрыі. Уздоўж каналаў і вузкіх крывых вуліц разьмяшчаюцца багата дэкараваныя цэрквы, палацы. На цэнтральнай плошчы Сан-Марка — базыліка (IX—XV стагодзьдзя), Палац дожаў (XIV—XV стагодзьдзяў), Старая бібліятэка Сан-Марка (XVI стагодзьдзя), будынкі рэлігійных братэрстваў (скоўл), кляштары. Горад і лагуна уключаныя ў сьпіс Сусьветнай спадчыны.

Адміністрацыйны падзел

Гранд-канал (Canal Grande), выгінаючыся S-вобразна, праходзіць праз цэнтар Вэнэцыі, вынікаючы старому рэчышчу ракі. Яго бакі, у сваю чаргу, вызначаюць 6 адміністрацыйных раёнаў (sestieri), якія склаліся яшчэ ў сярэднія стагодзьдзі.

Сан-Марка (San Marco)
Канарэджа (Cannaregio)
Кастэльлё (Castello)
Дарсадура (Dorsoduro)
Сан-Полё (San Polo)
Санта-Крочэ (Santa Croce)

Крыніцы

Вонкавыя спасылкі

[_092b57422b6f118d-1] ttps://live.comune.venezia.it/it/2026/05/insediato-il-nuovo-sindaco-di-venezia-simone-venturini

[_30da1b0f95293ead-2] 1 2 http://cnig.gouv.fr/wp-content/uploads/2020/02/CNT-PVM_r%C3%A9vis%C3%A9_2020-01-27-1.pdf

[1]

[2]