Цэрквы міру

Зьвесткі зь Вікіпэдыі — вольнай энцыкляпэдыі
Цэркві міру ў Явары і Сьвідніцы
Churches of Peace in Jawor and Świdnica*
Сусьветная спадчына ЮНЭСКО

Царква міру ў Явары
Краіна Польшча Польшча
Тып культурны
Крытэры iii, iv, vi
Спасылка 1054
Рэгіён** Эўропа і Паўночная Амэрыка
Каардынаты Каардынаты: 51°03′14″ пн. ш. 16°11′46″ у. д. / 51.054° пн. ш. 16.196° у. д. / 51.054; 16.196
Гісторыя ўключэньня
Уключэньне 2001  (25 сэсія)
* Назва ў афіцыйным сьпісе па-ангельску
** Рэгіён паводле клясыфікацыі ЮНЭСКО

Цэ́рквы мі́ру (па-польску: Kościoły Pokoju, па-нямецку: Friedenskirche) ў Сьвідніцы і Явары (Ніжнесылескае ваяводзтва Польшчы) — найвялікшыя драўляныя сакральныя будынкі ў Эўропе. У 2001 року былі занесеныя ў Сьпіс сусьветнай спадчыны ЮНЭСКО.

Мінуўшчына[рэдагаваць | рэдагаваць крыніцу]

Цэрквы паўсталі ў II палове XVII стагодзьдзя ў выніку Вэстфальскага замірэньня, якое скончыла Трыццацігадовую вайну (1618—1648). Пад ціскам пратэстанцкай Швэцыі каталіцкі імпэратар Фэрдынанд III Габсбург надаў сылескім лютэранам права на пабудову трох сьвятыняў на тэрыторыі, падпарадкаванай непасрэдна яму.

Згода імпэратара на пабудову цэркваў міру мела дадатковыя абмежаваньні:

  • будоўлі мелі быць збудаваныя толькі зь недаўгавечных матэрыялаў (драўніна, салома, гліна, пясок)
  • цэрквы маглі быць пабудаваныя толькі па-за межамі места, аднак не далей за адлегласьць гарматнага стрэлу ад муроў
  • не маглі мець вежаў, званоў, ані традыцыйнага выгляду храма
  • мусілі быць збудаваныя цягам аднаго року
  • мусілі быць збудаваныя за кошт пратэстантаў
  • пры іх не маглі паўстаць парафіяльныя школы

Цэрквы былі збудаваныя ў Глогаве, Сьвідніцы і Явары. Нягледзячы на абмежаваньні, яны сталі найбольшымі драўлянымі каркаснымі сакральнымі пабудовамі Эўропы дзякуючы перадавым канструктыўным і архітэктурным асаблівасьцям.

Да цяперашняга часу захаваліся дзьве зь іх. Царква міру ў Сьвідніцы займае плошчу 1180 м² і зьмяшчае 6000 вернікаў, а царква ў Явары — 1090 м² і 7500 вернікаў (3000 сядзячых месцаў). Храм у Глогаве згарэў у пажары пасьля ўдару маланкі.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Цэрквы мірусховішча мультымэдыйных матэрыялаў