Цэркарыёз

Цэркарыё́з (ад грэц. κέρκος — хвост) — запаленьне скуры ў выніку заражэньня лічынкамі глістоў ад вадаплаўных птушак і мяккуноў. Найчасьцей здараецца ў цёплую пару году. Ускладненьне хваробы ў выніку паўторнага заражэньня выклікае запаленьне лёгкіх і кровазьліцьцё ў лёгкія^[1]. Іншыя назовы хваробы: сьверб плыўца, сьверб купальшчыка, водны скурны сьверб, скурны шыстасамоз, шыстасамны (цэркарыяльны) дэрматыт^[2].

Папярэджаньне

Прадухіленьню хваробы спрыяе пазьбяганьне зарослай водмелі пры купаньні, мыцьці бялізны, гульнях і рыбалцы. Купацца бясьпечней на абсталяваным пляжы. Лавіць рыбу — зь берага, лодкі і моста. Варта ўнікаць заплыву ў месцы падкорму вадаплаўных птушак і пасяленьня рачных смаўжоў. Карысна абмяжоўваць знаходжаньне ў вадзе 5 хвілінамі. Пасьля купаньня варта старанна выціраць скуру ручніком і адразу замяняць прамоклае адзеньне. Пры хаджэньні басанож па водмелі і мокрай траве варта старанна выціраць ногі кожныя 2 хвіліны. Пры больш працяглым знаходжаньні ў вадзе (на працы ў сажалкавай гаспадарцы) мае выкарыстоўвацца ахоўнае адзеньне і абутак. Таксама карысна наносіць на скуру мазь на аснове дымэтыльфталяту і дыэтыльталюаміду, што засьцерагае ад пранікненьня лічынак цягам 1,5 гадзіны^[3].

Чыньнікі

Заражэньню спрыяе наведваньне забруджаных арганічнымі і побытавымі адкідамі, стаячых вадаёмаў з багатай расьліннасьцю, дзе водзяцца рачныя смаўжы і плаваюць птушкі^[3].

Праявы

Хвароба спачатку выяўляецца праз пачырваненьне, паколваньне і сьверб скуры. Празь некалькі гадзінаў на скуры ўзьнікаюць высыпка ў выглядзе крапіўніцы і гнойныя пухіры. Таксама адзначаюцца слабасьць, запамарока, парушэньне сну, ліхаманка і сухі кашаль^[4].

Крыніцы

^ Кацярына Малішэўская. Цэркарыёз — хвароба сэзонная // Чырвоная Зорка : газэта. — 27 чэрвеня 2013.
^ Шыстасамны дэрматыт // Нацыянальная бібліятэка Беларусі, 2005 г. Праверана 11 лютага 2015 г.
^ ^а ^б Вольга Шаўко. Купальшчыка можна папярэдзіць // Краіна здароўя. — 8 ліпеня 2010. — № 32 (201). — С. 3.
^ Вольга Шаўко. Асцярожна: у вадзе цэркарыі // Зьвязда : газэта. — 16 ліпеня 2011. — № 133 (26997). — С. 8. — ISSN 1990-763x.

Гэта — накід артыкула па мэдыцыне. Вы можаце дапамагчы Вікіпэдыі, пашырыўшы яго.

[1] Кацярына Малішэўская. Цэркарыёз — хвароба сэзонная // Чырвоная Зорка : газэта. — 27 чэрвеня 2013.

[2] Шыстасамны дэрматыт // Нацыянальная бібліятэка Беларусі, 2005 г. Праверана 11 лютага 2015 г.

[а-3] а ^б Вольга Шаўко. Купальшчыка можна папярэдзіць // Краіна здароўя. — 8 ліпеня 2010. — № 32 (201). — С. 3.

[4] Вольга Шаўко. Асцярожна: у вадзе цэркарыі // Зьвязда : газэта. — 16 ліпеня 2011. — № 133 (26997). — С. 8. — ISSN 1990-763x.

[1]

[2]

[3]

[4]