Царква Сьвятой Тройцы (Быхаў)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік сакральнай архітэктуры
Царква Сьвятой Тройцы
Царква Сьвятой Тройцы
Краіна	Беларусь
Места	Быхаў
Каардынаты	53°30′53.68″ пн. ш. 30°15′12.53″ у. д. / 53.5149111° пн. ш. 30.2534806° у. д. / 53.5149111; 30.2534806Каардынаты: 53°30′53.68″ пн. ш. 30°15′12.53″ у. д. / 53.5149111° пн. ш. 30.2534806° у. д. / 53.5149111; 30.2534806
Канфэсія	Беларускі экзархат і праваслаўе
Эпархія	Бабруйская і Быхаўская епархія
Архітэктурны стыль	народнае дойлідзтва Беларусі^[d]
Дата заснаваньня	XIX ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква Сьвятой Тройцы — помнік архітэктуры XIX стагодзьдзя ў Быхаве. Знаходзіцца на правым беразе ракі Дняпра, на паўднёвы захад ад замка, на гістарычнай Траецкай вуліца^[a]. Дзее. Твор традыцыйнай беларускай драўлянай архітэктуры з элемэнтамі клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Будаваньне царквы вялося ў 1890—1899 гадох або ў сярэдзіне XIX ст.^[1] Другі раз царкву асьвяцілі 29 сьнежня 1967 году.

У царкве захоўваўся цудоўны абраз 1659 году «Маці Божая Адзігітрыя Баркулабаўская», які паходзіў з жаночага манастыра ў мястэчку Баркулабаве^[2]. 25 ліпеня 2010 году абраз урачыста перанесьлі ў Баркулабаўскі манастыр.

Помнік традыцыйнай беларускай драўлянай архітэктуры з рысамі клясыцызму. Мае падоўжана-восевую крыжова-купальную кампазыцыю з 5-граннай апсыдай і бакавымі прыдзеламі. Прытвор і бабінец аб'ядноўваюцца ў адзіны прастакутны аб'ём, завершаны ад франтальнага фасаду 2-яруснай васьмерыковай званіцай з самкнутым гранёным купалам. Такім жа купалам завяршаецца 8-гранны сьветлавы барабан над сяродкрыжжам. Тры ўваходы ў царкву аформленыя 2-слуповымі ганкамі. Вэртыкальна ашаляваныя фасады праразаюцца аркавымі аконнымі праёмамі і падзяляюцца простым карнізам.

У інтэр'еры сяродкрыжжа перакрываецца самкнутым скляпеньнем на ветразях.

^ Міцянін А. Быхаўская Троіцкая царква // Архітэктура Беларусі. Энцыкл. — Менск, 1993. С. 98.
^ Іканапіс Беларусі XV—XVIII стагоддзяў / Аўт. тэксту і склад. Н. Высоцкая — Менск: Беларусь, 2001. С. 76.

Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.