Царква Сьвятога Мікалая (Ваўкавыск)

Помнік гісторыі
Царква Сьвятога Мікалая
Мікалаеўская царква
Краіна	Беларусь
Места	Ваўкавыск
Каардынаты	53°9′39″ пн. ш. 24°27′24″ у. д.
Канфэсія	Беларускі экзархат
Эпархія	Гарадзенская і Ваўкавыская япархія[d]
Архітэктурны стыль	клясыцызм
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Царква Сьвятога Мікалая — помнік гісторыі другой паловы XIX стагодзьдзя (мураўёўка) у Ваўкавыску. Знаходзіцца ў цэнтры места, на гістарычнай Шырокай вуліцы. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Ваўкавыску збудавалі ў 1874 годзе.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Гэта 8-гранны асноўны аб’ём з прастакутнай апсыдай і прытворам. На галоўным фасадзе — 2-ярусная вежа-званіца, першы яе ярус прастакутны ў пляне, другі — 8-гранны, накрыты шатром. Галоўны ўваход вылучаецца кілепадобным франтонам. Асноўны аб’ём мае паўцыркульныя вокны з кілепадобнымі сандрыкамі, прытвор і апсыда — прастакутныя зь ліштвамі, завершаныя шырокім карнізам і фрызам з аркавым пасам. Цэнтральная грань апсыды завяршаецца трыкутным франтонам і дэкаруецца пілястрамі і аркавай нішай у цэнтры.

Інтэр’ер зальны, перакрыцьцё драўлянае, роўнае. У царкве драўляны 2-ярусны іканастас, дэкараваны накладной разьбой, пакрыты пазалотай.

Галерэя

Гістарычныя здымкі

• Старыя здымкі
• 
  1915 г.
• 
  1915 г. (фрагмэнт)
• 
  1915—1918 гг.
• 
  1916 г.

Сучасныя здымкі

• Сучасны стан
• 
  Агульны выгляд
• 
  З боку апсыды
• 
  Званіца
• 
  Уваходны партал

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Мікалая ў Ваўкавыску, Radzima.org