Хэрэс-дэ-ля-Франтэра

Хэрэс-дэ-ля-Франтэра
Населены пункт
Сьцяг Герб
Краіна	Гішпанія
Аўтаномная супольнасьць	Андалюзія
Правінцыя	Кадыс
Кіраўніцтва і ўлада
mayor of Jerez de la Frontera[d]	María José García-Pelayo Jurado[d]
Геаграфія
Плошча	1188,23 км²
Вышыня НУМ	56 м
Часавы пас	UTC+1 UTC+2 (летні час)
Каардынаты	36°42′ пн. ш. 6°07′ з. д.
Насельніцтва
Колькасьць	215 180 чал. (2013)
Лічбавыя ідэнтыфікатары
Тэлефонны код	956
Паштовы індэкс	11401–11579
Нумарны знак	CA
Сайт	jerez.es
Хэрэс-дэ-ля-Франтэра на мапе Гішпаніі Хэрэс-дэ-ля-Франтэра

Хэрэс-дэ-ля-Франтэра (па-гішпанску: Jerez de la Frontera) — горад на поўдні Гішпаніі, які месьціцца ў аўтаномнай супольнасьці Андалюзія. Знаходзіцца паміж горамі й Атлянтычным акіянам.

Гісторыя

Места вядома з даўніх часоў. Пазьней Хэрэс быў рымскім горадам, пад назвай Аста Рэгія (лац. Asta Regia). Пасьля падзеньня Заходняй Рымскай імпэрыі, ён знаходзіўся пад уладай вандалаў і вэстготаў, пакуль ня быў заваяваны арабамі ў 711 годзе. У XII і XIII стагодзьдзях горад значна пашырыўся, таксама была пабудаваная абарончая сыстэма гораду.

У 1231 годзе ў навакольлях гораду адбылася бітва пры Хэрэсе, дзе хрысьціянскія войскі пад камандаваньнем Альвара Пэрэса дэ Кастра, вайскавода Кастыліі і Леона, разьбілі войскі эміра Ібн Худа, нягледзячы на колькасную перавагу апошніх. Горад быў заваяваны Кастыліяй у 1264 годзе. Адкрыцьцё Амэрыкі й заваёва Гранады, у 1492 годзе, зрабіла Хэрэс адным з самых квітнеючых гарадоў Андалюзіі дзякуючы гандлю й ягонай блізкасьці да партоў Сэвільлі й Кадысу.

Клімат

Хэрэс-дэ-ля-Франтэра й астатняя сталічная вобласьць Кадысу мае субтрапічны-міжземнаморскі клімат з акіянічным уплывам, характарызуецца вельмі мяккай і вільготнай зімой і доўгім цёплым гарачым і сухім летам.

Гарады-сябры

• Ляс-Пальмас, Гішпанія
• Сэвільля, Гішпанія
• Эль-Паса, Тэхас, ЗША
• Арль, Францыя
• Кіёсу, Японія

Вонкавыя спасылкі

• Афіцыйны сайт (гішп.)
• Хэрэс-дэ-ля-Франтэра на Open Directory Project