Перайсьці да зьместу

Хвіча Кварацхелія

Зьвесткі зь Вікіпэдыі — вольнай энцыкляпэдыі
Хвіча Кварацхелія
Пэрсанальная інфармацыя
Нарадзіўся 12 лютага 2001(2001-02-12)[1][2] (24 гады)
Рост 1,83 м
Вага 70 кг
Пазыцыя нападнік, паўабаронца
Клюбная інфармацыя
Клюб Пары Сэн-Жэрмэн
Нумар 7
Клюбы
Гады Клюб Гульні (галы)¹
2017—2018 Дынама Тбілісі 4 (1)
2018—2019 Руставі[d] 18 (3)
2019 Лякаматыў Масква 7 (1)
2019—2022 Рубін Казань 69 (9)
2022 Дынама Батумі 11 (8)
2022—2025 Напалі 85 (28)
2025— Пары Сэн-Жэрмэн 24 (5)
Зборныя
2019—4 Грузія 47 (20)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
9 лістапада 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
18 лістапада 2025.

Хві́ча Кварацхе́лія (па-грузінску: ხვიჩა კვარაცხელია; нар. 12 лютага 2001 году) — грузінскі футбаліст, ўінгер францускага клюбу «Пары Сэн-Жэрмэн» і нацыянальнай зборнай Грузіі.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]
Кварацхелія ў кашулі «Лякаматыва».

Сваю кар’еру запачаткаваў у 2017 годзе ў складзе тбіліскага «Дынама». Пасьля ў сакавіку 2018 году далучыўся да «Руставі», склаўшы кантракт як вольны агент[3]. 15 лютага 2019 году Кварацхелія на правах арэнды прыяднаўся да расейскага клюбу «Лякаматыў»[4]. Дэбютаваў у расейскай лізе 10 сакавіка, выйшаўшы на замену на 86-й хвіліне замест Джэфэрсана Фарфана ў матчы супраць махачкалінскага «Анжы». 1 ліпеня клюб абвесьціў, што Кварацхелія пакінуў клюб па заканчэньні тэрміну арэнды[5]. Пасьля страты гульца галоўны трэнэр клюбу з сталіцы Расеі Юры Сёмін давёў, што быў вельмі расчараваны тым, што ня здолеў утрымаць грузіна, паколькі трэнэр зважаў яго надзвычай таленавітым футбалістам[6]. Пасьля абараняў колеры расейскага «Рубіну»[7]. Праз уварваньне Расеі ва Ўкраіну замежныя гульцы расейскай Прэм’ер-лігі атрымалі мажлівасьць тэрмінова спыніць дамовы[8]. У выніку нападнік скасаваў дамову з расейцамі і на час вярнуўся на радзіму, дзе далучыўся да батумскага «Дынама».

1 ліпеня 2022 году каманда Сэрыі А «Напалі» пацьвердзіла аб падпісаньні кантракта з футбалістам тэрмінам да 2027 году. Паводле паведамленьня, італьянцам дамову каштавала 10—12 мільёнаў эўра[9]. 15 жніўня гулец дэбютаваў у складзе новага клюбу, зьявіўшыся ў матчы супраць «Вэроны»[10]. Кварацхелія хутка замацаваўся ў складзе і стаў адным з ключавых футбалістаў каманды.

10 кастрычніка 2024 году Кварацхелія быў у чацьверты раз прызнаны гульцом месяцу ў Сэрыі А, што стала рэкордным дасягненьнем, якога дамагаўся гулец «Ромы» Паўлё Дыбаля. 16 студзеня 2025 году гулец абвесьціў аб сваім сыходзе з «Напалі» праз сацыяльныя сеткі[11]. 17 студзеня прыяднаўся да францускага «Пары Сэн-Жэрмэн», склаўшы працоўную дамову да чэрвеня 2029 году[12]. Як паведамлялася, пераход каштаваў парыжанам 70 мільёнаў эўра[13]. У дэбютным матчы супраць «Рэймсу» грузін адзначыўся галявой перадачай, а фінальны лік быў 1:1[14].

Міжнародная

[рэдагаваць | рэдагаваць код]

Дэбютаваў у складзе нацыянальнай зборнай Грузіі 7 чэрвеня 2019 году ў матчы супраць зборнай Гібральтару. 14 кастрычніка 2020 году адзначыўся першым голам у складзе зборнай у матчы Лігі нацыяў, які завяршыўся ўнічыю 1:1 супраць зборнай Паўночнай Македоніі[15].

Дасягненьні

[рэдагаваць | рэдагаваць код]

«Лякаматыў»:

«Напалі»:

«Пары Сэн-Жэрмэн»:

Крыніцы

[рэдагаваць | рэдагаваць код]
  1. ↑ Khvicha Kvaratskhelia // Transfermarkt (мн.) — 2000.
  2. ↑ საქართველოს ბიოგრაფიული ლექსიკონი (груз.) — 2001.
  3. ↑ «ბავშვი, რომელიც ყველას ატყუებს — 10 წლის კვარაცხელია ძმის კვალზე». Аджара Спорт.
  4. ↑ «Хвича Кварацхелия — в „Локомотиве“». ФК Лякаматыў.
  5. ↑ «Кварацхелия покинул „Локомотив“». ФК Лякаматыў.
  6. ↑ «Сёмин: из-за ухода Кварацхелии из „Локомотива“ у меня потекли слёзы». Championat.com.
  7. ↑ «Хвича Кварацхелия стал игроком „Рубина“». ФК Рубін.
  8. ↑ «FIFA adopts temporary employment and registration rules to address several issues in relation to war in Ukraine». FIFA.
  9. ↑ «Il Napoli ufficializza l’acquisto di Kvaratskhelia a titolo definitivo». ФК Напалі.
  10. ↑ «Calcio, Serie A — Verona-Napoli 2-5: Kvaratskhelia show all’esordio, gol e assist per il georgiano». Eurosport
  11. ↑ «Kvaratskhelia bids farewell to Napoli in social media video». Yahoo Sports.
  12. ↑ «Khvicha Kvaratskhelia: Paris St-Germain sign Napoli forward on deal until June 2029». BBC Sport.
  13. ↑ «Mercato: Khvitcha Kvaratskhelia a signé au PSG». L’Équipe.
  14. ↑ «Khvicha Kvaratskhelia makes his debut». Paris Saint-Germain FC.
  15. ↑ «საქართველომ გასვლაზე კაცნაკლული ჩრდილოეთ მაკედონია ვერ დაამარცხა». First Channel Georgia

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Хвіча_Кварацхелія&oldid=2652258»