Хачапуры
![](http://upload.wikimedia.org/wikipedia/commons/thumb/8/80/%D0%92%D0%BA%D1%83%D1%81%D0%BD%D1%8B%D0%B9_%D0%B3%D1%80%D1%83%D0%B7%D0%B8%D0%BD%D1%81%D0%BA%D0%B8%D0%B9_%D1%85%D0%B0%D1%87%D0%B0%D0%BF%D1%83%D1%80%D0%B8.jpg/220px-%D0%92%D0%BA%D1%83%D1%81%D0%BD%D1%8B%D0%B9_%D0%B3%D1%80%D1%83%D0%B7%D0%B8%D0%BD%D1%81%D0%BA%D0%B8%D0%B9_%D1%85%D0%B0%D1%87%D0%B0%D0%BF%D1%83%D1%80%D0%B8.jpg)
Хачапу́ры (па-грузінску: ხაჭაპური, [xɑtʃʼɑpuri] слухаць) — страва грузінскай кухні, грузінскі нацыянальны мучны выраб[1][2], які ўяўляе сабой пірог з сырам.
Паходжаньне назвы і разнастайнасьці
[рэдагаваць | рэдагаваць крыніцу]Назва хачапуры паходзіць ад грузінскіх словаў «тварог» (хачо) і «хлеб» (пуры [puri] слухаць). Часам пірог зь мясам ці рыбай таксама называюць хачапуры, але гэта няправільна.
Існуе мноства відаў хачапуры — амаль у кожным грузінскім сяле хачапуры рыхтуюць па сваім асобным рэцэпце.
Самымі вядомымі грузінскімі хачапуры зьяўляюцца:
- імэрэцінскае хачапуры — традыцыйнае хачапуры круглай формы;
- аджарскае хачапуры — таксама называецца ачарулі ці аджарулі, і адрозьніваецца тым, што выпякаецца падоўжанай формы, а пасярэдзіне ўпрыгожанае залітым яйкам;
- мінгрэльскае і абхаскае хачапуры — вядомае пад назвай ачма;
- сванскае хачапуры;
- рачульскае хачапуры.
Хачапуры вядома таксама ў Армэніі, дзе яго выпякаюць з пластовага цеста ў форме капэрты.
Прыгатаваньне
[рэдагаваць | рэдагаваць крыніцу]Хачапуры ўяўляе сабой булачку рознай формы зь вялікім утрыманьнем сыру: яго ў хачапуры прыкладна ўдвая больш па вазе, чым мукі. Часта цеста для хачапуры зьяўляецца абсалютна прэсным, а вось акрамя абавязковага сыру (сьвежы або вытрыманы, часта авечы, напр. сулугуні), у склад стравы могуць уваходзіць яйкі (напрыклад, у аджарскім хачапуры) і іншыя інгрэдыенты. Вонкава хачапуры нагадваюць буйныя ватрушкі. Памеры хачапуры звычайна адпавядаюць памерам патэльняў, на якіх іх рыхтуюць.
Выпяканьне вядзецца альбо на вуглях, альбо на пліце на сярэднім агні. Для начыньня ў хачапуры выкарыстоўваюць наступныя сыры: імэрэцінскі, чанах, кабійскі, брынзу[3].
Патэнт
[рэдагаваць | рэдагаваць крыніцу]У верасьні 2011 году ўлады Грузіі аформілі патэнт на хачапуры і 29 іншых страваў нацыянальнай кухні[4].
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ ХАЧАПУРИ, Кулинарный словарь В. В. Похлебкина, 2002
- ^ ХАЧАПУРИ, Кулинарный словарь. Зданович Л. И. 2001
- ^ Похлебкин В. В. Национальные кухни наших народов (Основные кулинарные направления, их история и особености. Рецептура).—М.: Пищевая пром-сть, 1980. — 304 с.
- ^ Грузія запатэнтавала «чачу», «чурчхэлу», «хачапуры» — і 27 іншых нацыянальных прадуктаў