Ханіяра

Ханіяра
Населены пункт
Сьцяг
Краіна	Саламонавы астравы
Правінцыя	Гўадалканал
Кіраўніцтва і ўлада
Кіраўнік адміністрацыі	Q134087069?
Геаграфія
Плошча	22 км²
Вышыня НУМ	29 м
Часавы пас	UTC+11
Каардынаты	9°26′ пд. ш. 159°57′ у. д.
Насельніцтва
Колькасьць	84 520 чал. (2017)
Этнахаронімы	Honiaraise і Honiarais
Лічбавыя ідэнтыфікатары
Тэлефонны код	677
Ханіяра на мапе Саламонавых выспаў Ханіяра

Ханіяра (па-ангельску: Honiara) — сталіца Саламонавых астравоў, адначасова зьяўляецца сталіцай правінцыі Гўадалканал. Колькасьць насельніцтва складае 54,6 тыс. чалавек. Сталічны статус горад атрымаў у 1976 годзе, калі Саламонавы астравы атрымалі аўтаномію, а ў 1978 годзе горад стаў сталіцай незалежнай краіны.

Ханіяра зьяўляецца партовым горадам, які знаходзіцца на ўзьбярэжжы вострава Гўадалканал, на якім акрамя шырокай узьбярэжнай нізіны, знаходзіцца самы высокі пункт Саламонавых астравоў — гара Маракамбуру (2330 м).

Клімат у горадзе субэкватарыяльны, сьпякотны і вільготны. Тэмпэратура на працягу году амаль не зьмяняецца і вагаецца вакол +25 °C. Сьпякотны і вільготны сэзон цягнецца са студзеня да красавіка, калі на Саламонавых астравах пануюць паўночна-заходнія мусоны. З красавіка да лістапада надвор’е сухое і больш прахалоднае, дзякуючы паўднёва-ўсходнім пасатам. Ападкаў выпадае каля 2250 мм у год.

Насельніцтва гораду складаецца ў асноўным з мэлянэзійцаў. Афіцыйнай мовай зьяўляецца ангельская, але жыхары размаўляюць на піджын інгліш — мясцовым дыялекце ангельскай мовы.