Уладзімер Навіцкі

Уладзімер Навіцкі
	Уладзімер Навіцкі
	Уладзімер Мікалаевіч Навіцкі
Дата нараджэньня	8 траўня 1954 (70 гадоў)
Месца нараджэньня	Берасце, БССР, СССР;
Грамадзянства	Беларусь
Месца вучобы	Беларускі нацыянальны тэхнічны ўнівэрсытэт;
Занятак	журналіст
Бацька	Мікалай Навіцкі
Дзеці	Віталь Навіцкі[d]
Узнагароды

Гэта артыкул пра журналіста. Калі вам патрэбны артыкул пра гісторыка, глядзіце артыкул Уладзімер Восіпавіч Навіцкі.

Уладзімер Навіцкі (нар. 8 мая 1954, Берасьце) — беларускі спартовы журналіст, спартовы тэлекамэнтатар. Начальнік аддзела камэнтароў і падрыхтоўкі тэматычных праграм галоўнай дырэкцыі спартовага вяшчаньня Нацыянальнай дзяржтэлерадыёкампаніі. Заслужаны дзяяч культуры Рэспублікі Беларусь.

Біяграфія

Нарадзіўся ў 1954 годзе ў Берасьці ў сям’і вайскоўца.

Адукацыя

Скончыў Беларускі політэхнічны інстытут па спэцыяльнасьці «інжынэр-энэргетык». Пазьней — завочнае аддзяленьне факультэта журналістыкі БДУ (чырвоны дыплём).

Праца

У спартовую журналістыку трапіў дзякуючы лісту, які напісаў у дырэкцыю спартовых праграмаў. Пасьля гэтага Ўладзімера Навіцкага запрасілі працаваць на радыё, а праз тры гады даручылі весьці тэлерэпартаж. Каля году прапрацаваў пазаштатным карэспандэнтам у штотыднёвым радыёчасопісе «Спартыўная арбіта», рабіў матэрыялы самых розных жанраў. Пасьля выпрабавальнага тэрміну яму прапанавалі паспрабаваць свае сілы ў ролі камэнтатара. Спачатку хадзіў на стадыён «Дынама» з рэпарцёрам і за 15—20 хвілін да заканчэньня матча, седзячы на трыбуне, распавядаў пра тое, што адбываецца на полі. Пачаў працаваць на тэлебачаньні ў маі 1981 году, спачатку на пасадзе адміністратара^[1]. У жніўні 1981 году правёў першы паўнавартасны рэпартаж пра матч чэмпіянату СССР «Дынама» (Менск) — «Пахтакор» (Ташкент). Некаторы час пісаў артыкулы для газэты «Прессбол» (нават у першым нумары газэты было некалькі яго матэрыялаў). Каля году супрацоўнічаў з газэтай «Знамя юности», дзе быў футбольным аглядальнікам. Асьвятляў практычна ўсе буйныя спартовыя мерапрыемствы з удзелам беларускіх спартоўцаў. Агулам каментаваў 10 алімпійскі гульняў

1990 — працаваў сярод шасьці савецкіх камэнтатараў на чэмпіянаце сьвету па футболе ў Італіі.
2002 — працаваў на зімовай алімпіядзе ў Солт-Лэйк Сіці.
2008 — працаваў на летняй алімпіядзе ў Пэкіне.
2010 — працаваў на зімовай алімпіядзе ў Ванкувэры.
2010 — чэмпіянат сьвету па хакеі ў Нямеччыне.

У 2007 годзе стаў заслужаным дзячом культуры Беларусі^[2].

Сям’я

Жанаты, сын працуе прэс-сакратаром у МНС.

Крылатыя фразы Навіцкага

Аўтар шэрагу ўсенародна любімых фразаў:

«Моцна, але недакладна»
«Над полем бліскаюць маланкі… Нашыя ідуць у наступ…»
«Удар — бэлька!»

Крыніцы

^ Культовый комментатор Владимир Новицкий ушел на пенсию (рас.). onliner.by (26 лістапада 2019).
^ Спортивный комментатор Владимир Новицкий стал заслуженным деятелем культуры (рас.). naviny.by. Архіўная копія ад 7 лістапада 2009 г.

Вонкавыя спасылкі

Інтэвію з Навіцкім у газэце «Спартыўная панарама»
Радзивон, Д. Владимир Новицкий: "Я простой комментатор своей страны, своего народа" [Інтэрвію з Навіцкім] / Д. Радзивон, Ю. Дешук // 7 дней: газэта. — 2006. — № 27.
Інтэрвію з Навіцкім на сайце Ultra-Music

Гэта — накід артыкула пра біяграфію асобы. Вы можаце дапамагчы Вікіпэдыі, пашырыўшы яго.

[1] Культовый комментатор Владимир Новицкий ушел на пенсию (рас.). onliner.by (26 лістапада 2019).

[2] Спортивный комментатор Владимир Новицкий стал заслуженным деятелем культуры (рас.). naviny.by. Архіўная копія ад 7 лістапада 2009 г.

[1]

[2]