Тайлер Тафолі

Зьвесткі зь Вікіпэдыі — вольнай энцыкляпэдыі
Тайлер Тафолі
Рост 185 см
Вага 89 кг
Пазыцыя цэнтральны нападнік
Кідок/Ловы правы[d]
Грамадзянства
Дата нараджэньня 24 красавіка 1992(1992-04-24) (31 год)
Месца нараджэньня
Клюб Нью-Джэрзі Дэвілз
Выступаў за
Драфт НХЛ 47, 2010
Лос-Анджэлес Кінгс
Гульнявая кар’ера 2011 — цяпер

Та́йлер Тафо́лі (па-ангельску: Tyler Toffoli; нар. 24 красавіка 1992 году) — канадзкі хакеіст, правы нападнік клюбу «Нью-Джэрзі Дэвілз» з Нацыянальнай хакейнай лігі і нацыянальнай зборнай Канады. Быў абраны клюбам «Лос-Анджэлес Кінгс» у другім раўндзе драфту НХЛ 2010 году пад 47 нумарам.

Кар’ера[рэдагаваць | рэдагаваць крыніцу]

Сваю кар’еру гулец пачаў у 2007 годзе ў складзе клюбу «Атава-67», якая брала ўдзел у розыгрышах Хакейнай лігі Антарыё[1]. Паводле вынікаў першага сэзону Тайлер трапіў у першую каманду зорак. У 2010 годзе быў абраны чалябінскім «Трактарам» пад 169 нумарам на фрафце КХЛ у 2010 годзе, але вырашыў застацца ў Амэрыцы. Між тым, у тым жа годзе нападніка абраў «Лос-Анджэлес Кінгс» пад 47 нумарам на драфце НХЛ[2]. 19 красавіка 2011 году Тафолі склаў трохгадовую дамову з «каралямі». Паўсэзону наступнага розыгрышу канадзец усё яшчэ правёў у складзе «Атавы-67», але ў наступным перайшоў у даччыны клюб «Манчэстэр Монаркс». 16 сакавіка 2013 году хакеіст дэбютаваў у НХЛ у пераможным матчы супраць «Сан-Хасэ Шаркс» (5:2)[3]. 18 сакавіка, у другім сваім матчы, Тайлер вызначыўся ў пераможнай гульні 4:0 над «Фінікс Каётыз»[4]. Пазьней у тым жа сэозоне гулец быў падцягнуты да асноўнага складу ў Кубку Стэнлі, пасьля таго як праз пашкоджаньне выбыў Кітан Элербі[5]. У сэзоне 2013—2014 гадоў Тайлер пачаў у складзе «Манчэстэр Монаркс», але ў лістападзе быў зноўку выкліканы да асноўнай каманды. 9 лістапада Тафолі закінуў дзьве шайбы ў браму «Ванкувэр Кэнакс» (5:1)[6]. Апасьля спартовец вярнуўся ў фарм-клюб, але ў плэй-оф зноў быў выкліканы да складу, гэтым разам трывала замацаваўшыся ў складзе. Наступным годам шмат гуляц ў зьвязку з Джэфам Картэрам і Танэрам Пірсанам. Таксама, частку сэзону хакеіст прапусьціў праз хваробу. Узімку на пачатку 2020 году гулец прамянаны ў «Ванкувэр Кэнакс», дзе ўжо адразу ў першым 10 гульнях зарабіў 10 пунктаў. Аднак, у Кубку Стэнлі хакеіст атрымаў траўму і прапусьціў сканчэньне чэмпіянату. У кастрычніку таго ж году склаў чатырохгадовы кантракт з «Манрэаль Канадыенз». У пепшым жа матчы адзначыўся хет-трыкам у браму свайго былога клюбу «Ванкувэр Кэнакс». 14 лютага 2022 году далучыўся да «Калгары Флэймз»[7].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]