Сяргей Прытыцкі

	Сяргей Восіпавіч Прытыцкі
Старшыня Прэзыдыюму Вярхоўнага Савету БССР
	22 студзеня 1968 — 13 чэрвеня 1971
Папярэднік:	Васіль Казлоў
Наступнік:	Фёдар Сурганаў
Асабістыя зьвесткі
Нарадзіўся:	1 лютага 1913; ; в. Гаркавічы, Сакольскі павет, Гарадзенская губэрня, Расейская імпэрыя
Памёр:	13 чэрвеня 1971; ; Менск, БССР
Партыя:	КПЗБ, КП(б)Б, КПСС
Сужэнец:	Тацяна Іванаўна Прытыцкая
Адукацыя:	Вышэйшая партыйная школа пры ЦК КПСС[d];

Сяргей Восіпавіч Прытыцкі (1 лютага^[2] 1913, в. Гаркавічы Сакольскага павету Гарадзенскай губэрні, цяпер у Падляскім ваяводзтве Польшчы — 13 чэрвеня 1971, Менск) — палітычны дзяяч Польшчы і БССР. Лідэр КПЗБ.

Біяграфія

Камуністычная дзейнасьць у Заходняй Беларусі

Сакратар Крынкаўскага раённага камітэту КСМЗБ (з 1931). Сакратар Гарадзенскага акруговага камітэту КСМЗБ. У 1933—1934 сябра Слонімскага акруговага камітэту КСМЗБ. Кіраваў забастоўкамі лясных рабочых.

Першы раз быў арыштаваны польскімі ўладамі ў 1933 годзе.

У 1934—1935 навучаўся ў партыйнай школе КПЗБ у Менску. З 1935 сакратар Слонімскага акруговага камітэту КСМЗБ.

Забойства сьведкі на працэсе і арышт

27 студзеня 1936 у залі Віленскага акруговага суду на судовым працэсе над 17 рэвалюцыйнымі дзеячамі застрэліў сьведку з боку абвінавачаньня Якава Стральчука^[3]; пры арышце сам быў цяжка паранены. У чэрвені 1936 прыгавораны да сьмяротнага пакараньня. Прысуд выклікаў шматлікія акцыі пратэсту і кампанію салідарнасьці ў многіх краінах сьвету. У выніку сьмяротны прысуд быў заменены пажыцьцёвым турэмным зьняволеньнем.

Вызвалены з турмы ў верасьні 1939 году.

Партыйная кар’ера

У 1939—1941 намесьнік старшыні Беластоцкага аблвыканкаму БССР.

У чэрвені-жніўні 1941 удзельнічаў у стварэньні абарончых збудаваньняў вакол Магілёва, у фармаваньні апалчэньня ў Гомелі. З жніўня 1941 на фронце. У 1942—1944 другі сакратар ЦК ЛКСМБ. У 1944—1945 начальнік Польскага штабу партызанскага руху.

У наступныя гады працаваў на кіраўнічых пасадах у абкамах КПБ:

1948—1951- другі, а потым першы сакратар Гарадзенскага абкаму КПБ,
1951—1953- у апараце ЦК КПБ,
1953—1954- першы сакратар Баранавіцкага абкаму КПБ,
1954—1960- першы сакратар Маладэчанскага абкаму КПБ,
1960—1962 — першы сакратар Менскага абласнога камітэту КПБ.

У 1962—1965 — старшыня Камітэту партыйна-дзяржаўнага кантролю ЦК КПБ і Савету Міністраў БССР. У 1962—1968 сакратар ЦК КПБ, намесьнік старшыні Савета Міністраў БССР.

З 22 студзеня 1968 па 13 чэрвеня 1971 Старшыня Прэзыдыюму Вярхоўнага Савету БССР. Намесьнік старшыні Прэзыдыюму Вярхоўнага Савету СССР (1968—1971).

Дэпутат Вярхоўнага Савету СССР 1—8-га скліканьняў. Узнагароджаны 4 ордэнамі Леніна, 2 іншымі ордэнамі, мэдалямі.

Пахаваны на Ўсходніх могілках Менску.

Ушанаваньне памяці

Яго імем названыя вуліцы амаль у кожным заходнебеларускім горадзе і мястэчку, адна з вуліц у Менску.

Прытыцкі быў прататыпам галоўнага героя Андрэя Мяцельскага ў мастацкім фільме «Чырвонае лісьце» (1958).

Літаратура

У імя шчасця працоўнага народа // У суровыя гады падполля. Мн., 1958;
Партызанскі рух на Гродзеншчыне // Партызанская барацьба беларускага народа ў гады Вялікай Айчыннай вайны. Мн., 1959;
Верные помощники партии. М., 1962; Дружба, скрепленная кровью // Коммунист Белоруссии. 1964, № 7;
Этого требует жизнь. Мн., 1966;
По заданию партии // Годы испытаний и мужества. Мн., 1973;
Жизнь, отданная народу: Статьи и речи С. О. Притыцкого, документы и воспоминания о нем. Мн., 1978;
Три выстрела в суде // Беларуская думка. 1998, № 10.
Чагіна Л. Жыццё, аддадзенае народу. Мн., 1987.

Крыніцы і заўвагі

^ Галіна Ўліцёнак (6 сьнежня 2008) Последние листья (рас.) Общество. «Советская Белоруссия». Праверана 27 лютага 2009 г.
^ Па іншых дадзеных — 19 студзеня
^ Андрэй Юдчыц Сергей Притыцкий. Штрихи к портрету (рас.). «7 дней». Праверана 27 лютага 2009 г.

Вонкавыя спасылкі

Маракоў, Леанід Прытыцкі Сяргей Восіпавіч Рэпрэсаваныя лiтаратары, навукоўцы, работнiкi асветы, грамадскiя i культурныя дзеячы Беларусi. 1794-1991. Том II Праверана 27 лютага 2009 г.

Гэта — накід артыкула пра палітыка. Вы можаце дапамагчы Вікіпэдыі, пашырыўшы яго.

[pamerla-1] Галіна Ўліцёнак (6 сьнежня 2008) Последние листья (рас.) Общество. «Советская Белоруссия». Праверана 27 лютага 2009 г.

[2] Па іншых дадзеных — 19 студзеня

[3] Андрэй Юдчыц Сергей Притыцкий. Штрихи к портрету (рас.). «7 дней». Праверана 27 лютага 2009 г.

[1]

[2]

[3]