Супрасьля (рака)

Рака
	Супрасьля
	Супрасьля каля вёскі Студзянкі
Агульныя зьвесткі
Выток	каля в. Тапалянаў
Вусьце	Нараў
Краіны басэйну	Польшча
Вобласьці	Падляскае ваяводзтва
Даўжыня	93,8 км
Сярэднегадавы сьцёк	9,86 м³/с
Плошча басэйну	1844,4 км²
Асноўныя прытокі
Левыя	Плоская, Пільніца, Белая
Правыя	Слоя, Сокальда, Чорная, Дзернякоўка, Грыбоўка
	Галерэя здымкаў у Вікісховішчы

Гэта артыкул пра раку ў Польшчы. Калі вам патрэбны артыкул пра аднайменны горад у Польшчы, глядзіце артыкул Супрасьль.

Супрасьля (раней вядомая як Спрасьля; польск. Supraśl) — рака ў Польшчы, прыток Нарава. Цячэ праз Падляскае ваяводзтва. Даўжыня 93,8 км, плошча басэйну 1,8 тысячы км².

Асноўныя прытокі

Пачатак бярэ ў багнах на поўнач ад вёскі Тапалянаў. У вышнявіне спачатку цячэ на ўсход, за местам Міхалова паварочвае на поўнач, дзе цячэ праз Кнышынскую Пушчу і Гарадок. Пачынаючы ад вёскі Пілатаўшчыны паварочвае да паўночнага захаду і праз 30 км перасякае мяжу паміж Сакольскім паветам і Беластоцкім. Далей рака працякае празь месты Супрасьль і Васількаў (дакранаючыся навакольляў Беластоку). Каля 2 км ніжэй за Гарадок, рака стварае каньён праз зону марэнных краявых утварэньняў. Каля 3 км вышэй плыньню ракі ад вёскі Фасты знаходзіцца гаць для абвадненьня лугоў. Упадае ў Нараў каля вёсцы Златарыя.

У Супрасьлі ловяцца стронга і харыюс. Рака — крыніца пітнога водазабесьпячэньня аглямэрацыі Беластоку.