Слован Браціслава

	Слован Браціслава
Поўная назва	Športový klub Slovan Bratislava futbal, a.s.
Заснаваны	3 траўня 1919
Горад	Браціслава, Славаччына
Стадыён	Нацыянальны футбольны; Умяшчальнасьць: 22 500
Кіраўнік	Іван Кмотрык[d]
Галоўны трэнэр	Уладзімер Вайс[d];
Чэмпіянат	Першая ліга
· 2024—2025	1 месца
Хатнія колеры	Выязныя колеры
	Галерэя здымкаў у Вікісховішчы; Афіцыйны сайт

«Сло́ван» (па-славацку: Slovan) — славацкі футбольны клюб з гораду Браціславы. Заснаваны ў 1919 годзе. Адзіны славацкі клюб-пераможца эўрапейскага спаборніцтва — Кубка ўладальнікаў кубкаў (1969). Хатнія матчы праводзіць на Нацыянальным футбольным стадыёне зьмяшчальнасьцю 22 500 месца, які быў пабудаваны ў 2019 годзе.

Былыя назвы

1919 — I ЧСК Браціслава
1939 — СК Браціслава
1948 — Сокал Браціслава
1953 — УНВ Слован Браціслава
1961 — ТЙ Слован ЧЗЙД Bratislava
1990 — СК Слован Браціслава

Гісторыя

Футбольны клюб «Слован» афіцыйна паўстаў 3 траўня 1919 году I ЧСК, то бок Першы чэхаславацкі спартовы клюб Браціславы. Першым прэзыдэнтам каманды капітан паліцыі Рыхард Брунэр, які арганізаваў першую часовую трэнавальную пляцоўку клуба ў Пасенках, але неўзабаве клюб пераехаў у Пэтаржалку. Клюб стаў чэмпіёнам Славаччыны ў 1922 годзе. Вядомымі гульцамі той раньняй эры былі Павал Шорал, Штэфан Чамбал і Штэфан Прыбай. Увесну 1938 году антыгабрэйскія настроі праніклі ў клюб, а ахвярай пагромаў стаў трэнэр Ёзаф Браўн, які быў адным з многіх жыхароў Браціславы, якія вымушаныя былі прымусова пакінуць горад. Згодна з умовамі Мюнхэнскага пагадненьня 1938 году Чэхаславаччына была скасаваная, што прывяло да ўзьнікненьня Славацкай Рэспублікі. У гэты момант назва клюбу была зьмененая на СК Браціслава. У асобнай славацкай лізе каманда чатыры разы здабыла тытул чэмпіёнаў краіны ў час з 1939 па 1945 гады. Першым замежным супернікам каманды па Другой сусьветнай вайне стаўся вугорскі «Фэрэнцвараш», якому браціслаўцы саступілі зь лікам 1:0.

Назва каманды зноў зьмянілася ў 1948 годзе на «Сокал». Каманда дамаглася посьпеху ў 1949 годзе, калі стала першым чэмпіёнам адноўленай Чэхаславаччыны. Выдатнымі гульцамі гэтай эпохі былі Эміл Пажыцкі, Гейза Шыманскі, Божын Ласкаў, Віктар Тэгельгоф і Тэадор Рэйман. «Слован» завяршыў сэзон 1967—1968 гадоў на другім месцы ў лізе, здабыўшы Кубак Чэхаславаччыны. Камандай кіраваў былы гулец «Слована» Міхал Вічан, які арыентаваўся на хуткую і простую гульню. Вічан узяў каманду ў зімовы тур па Аргентыне ў 1969 годзе, а ў тым жа годзе каманда зрабіла сваё найвялікшае дасягненьне, здабыўшы Кубак уладальнікаў кубкаў. У фінале славацкія футбалісты выгулялі «Барсэлёну» зь лікам 3:2. У 1970 годзе зборная Чэхаславаччыны, накіраваная на чэмпіянат сьвету ў Мэксыку, улучала ажно сем гульцоў «Слована». У 1976 годзе чэхаславацкая каманда з шасьцю славацкімі футбалістамі выйграла тытул чэмпіёна Эўропы, які ладзіўся у Бялградзе.

Пасьля сямнаццацігадовага перапынку ў 1992 годзе «Слован» выйграў восьмы і апошні чэмпіянат Чэхаславаччыны^[2]. Пасьля таго, як Славаччына аднавіла незалежнасьць у 1993 годзе, была заснавана ўласна славацкая Супэрліга. Свой першы тытул чэмпіёнаў краіны «Слован» займеў у 1994 годзе^[2]. Ён паўтарыў гэты посьпех у 1995 і 1996 гадах^[2]. Апошнім трыюмфам «Слована» ў чэмпіянаце Славаччыны перад змрочнымі часамі стаў чэмпіёнскі тытул у 1999 годзе ^[2]. У 2004 годзе каманда нават страціла месца ў найвышэйшым дывізіёне, але вярнулася ў эліту ў 2006 годзе. З тых часоў каманда неаднаразова станавілася чэмпіёнам краіны.

Дасягненьні

Чэмпіён Чэхаславаччыны (8):
- 1949, 1950, 1951, 1955, 1970, 1974, 1975, 1992

Чэмпіён Славаччыны (19):
- 1940, 1941, 1942, 1944, 1994, 1995, 1996, 1999, 2009, 2011,
- 2013, 2014, 2019, 2020, 2021, 2022, 2023, 2024, 2025

Уладальнік Кубка кубкаў:
- 1969

Уладальнік Кубка Чэхаславаччыны (5):
- 1962, 1963, 1968, 1974, 1982

Уладальнік Кубка Славаччыны (17):
- 1970, 1972, 1974, 1976, 1982, 1983, 1989, 1994, 1997, 1999,
- 2010, 2011, 2013, 2017, 2018, 2020, 2021

Уладальнік Супэркубка Славаччыны (5)
- 1994, 1995, 1996, 2009, 2014

Уладальнік Кубка Інтэртота (10):
- 1968, 1970, 1972, 1973, 1974, 1977, 1990, 1992, 1993, 1994

Склад

Актуальны на 22 лютага 2026 году

№	Пазыцыя	Імя	Год нараджэньня
3	ПА	Пэтар Пакорны	2001
4	Аб	Гурам Кашыя	1987
5	ПА	Рагім Ібрагім	2001
6	Аб	Кевін Вімэр	1992
7	Нап	Уладзімер Вайс (капітан)	1989
8	ПА	Артур Гайдаш	2004
9	Нап	Мікола Кухарэвіч	2001
10	ПА	Ніка Янкавіч (ар. Рыека)	2001
11	Нап	Тыгран Барсэгян	1993
12	Аб	Кенан Байрыч	1994
14	Нап	Алясана Іраджанг	2004
15	Аб	Сьветазар Маркавіч	2000
16	ПА	Максім Матэаш	2008
18	Нап	Ніна Марчэльлі	2005

№	Пазыцыя	Імя	Год нараджэньня
19	Аб	Сыдуан Фаньін (ар. Баавішта)	2001
21	Нап	Робэрт Мак	1991
23	Аб	Зубэру Шарані	2000
28	Аб	Сэсар Блэкман	1998
30	Нап	Адам Грыгер (ар. Гр. Кралавэ)	2004
31	Бр	Марцін Трноўскі	2000
41	ПА	Даікі Мацуока (ар. Авіспа)	2001
44	Бр	Матуш Мацік	1993
57	Аб	Сандру Крус	2001
71	Бр	Домінік Такач	1999
77	ПА	Даніла Ігнаценка	1997
88	ПА	Кірыякас Сабідыс	1995
99	Нап	Андраж Шпорар	1994