Свэйн Б’ёрнсан

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Свэйн Б’ёрнсан
Sveinn Björnsson.jpg
прэзыдэнт Ісьляндыі і дэпутат Альтынгу
Асабістыя зьвесткі
Нарадзіўся: 27 лютага 1881(1881-02-27)[1][2]
Капэнгаген
Памёр: 25 студзеня 1952(1952-01-25)[1][2] (70 гадоў)
Рэйк’явік, Ісьляндыя
Партыя: незалежны палітык
Сужэнец: Георгія Б’ёрнсан
Дзеці: Б’ёрн Свэйнсан Б’ёрнсан і Генрык Свэйнсан Б’ёрнсан[3]
Бацька: Б’ёрн Ёўнсан
Адукацыя: Капэнгагенскі ўнівэрсытэт і Рэйк’явіцкая гімназія

Свэйн Б’ёрнсан (па-ісьляндзку: Sveinn Björnsson) — першы прэзыдэнт незалежнай Ісьляндыі.

Нарадзіўся 27 лютага 1881 г. у Капэнгагене. У 1912 годзе стаў сябрам Гарадзкога савета Рэйк’явіка. У 1914—1916 і ў 1920 годзе быў чальцом ісьляндзкага парлямэнту — Альтынга. Пасьля здабыцьця Ісьляндыяй аўтаноміі ў 1918 годзе стаў прэзыдэнтам Гарадзкога савету Рэйк’явіка (да 1920 году). У тыя ж гады займаў кіруючыя пасады ў розных кампаніях і банкаўскіх установах Ісьляндыі. У 1920—1924 і 1926—1940 пасланнік Ісьляндыі ў Даніі. У 1941—1944 — рэгент Ісьляндыі.

25 траўня 1944 г. у Ісьляндыі быў праведзены рэфэрэндум аб незалежнасьці ад Даніі. На рэфэрэндуме было прынята станоўчае рашэньне, і 17 чэрвеня 1944 году альтынг выбраў Б’ёрнсана першым прэзыдэнтам Ісьляндыі тэрмінам на 1 год.

У 1945 пераабраны ўсенародным галасаваньнем, у 1949 пераабраны на наступны тэрмін. Памёр 25 студзеня 1952 году падчас чарговага прэзыдэнцкага тэрміну. Пасьля яго сьмерці краінай кіраваў трыюмвірат са старшыні Альтынга, прэм’ер-міністра і галоўнага судзьдзі Вярхоўнага Суда да абраньня наступнага прэзыдэнта.

Крыніцы[рэдагаваць | рэдагаваць крыніцу]