Оляфур Рагнар Грымсан

Оляфур Рагнар Грымсан
па-ісьляндзку: Ólafur Ragnar Grímsson
5-ы прэзыдэнт Ісьляндыі
1 жніўня 1996 — 1 жніўня 2016
Прэм’ер-міністар	Давід Одсан Хальдар Аўсгрымсан Гейр Хордэ Ёхана Сігурдардорцір Сігмундур Давід Гунляўгсан
Папярэднік	Вігдзіс Фінбагадоцір
Міністар фінансаў
28 верасьня 1988 — 30 красавіка 1991
Прэм’ер-міністар	Стэйнгрымур Хермансан
Папярэднік	Ён Бальдвін Ханібальсан
Наступнік	Фрыдрык Клемэнц Софусан
Асабістыя зьвесткі
Нарадзіўся	14 траўня 1943 (82 гады) Ісафіёрдур, Ісьляндыя
Партыя	Народны зьвяз (да 1996) незалежны (з 1996)
Адукацыя	Манчэстэрскі ўнівэрсытэт
Сужэнец	Гудрун Катрын Форбэргсдотыр (1974—1998) Дорыт Мусаеф (з 2003)
Дзеці	Гудрун Свангільдур
Узнагароды
Подпіс

О́ляфур Ра́гнар Гры́мсан (па-ісьляндзку: Ólafur Ragnar Grímsson, ˈouːlavʏr ˈraknar ˈkrimsɔn; нарадзіўся 14 траўня 1943 году) — пяты прэзыдэнт Ісьляндыі (1996—2016).

Жыцьцяпіс

Оляфур нарадзіўся ў Ісафіёрдуры. У 1962—1970 вывучаў эканоміку і паліталёгію ў Манчэстэрскім унівэрсытэце. У 1970 атрымаў званьне доктара паліталёгіі, выкладаў ва ўнівэрсытэце Ісьляндыі, з 1973 — прафэсар.

У 1978—1983 зьяўляўся дэпутатам Альтынгу ад левага Народнага зьвязу; у 1980—1983 узначальваў парлямэнцкую групу партыі. У 1983—1987 — старшыня выканкаму Народнага зьвязу, у 1987—1995 — лідар партыі. У 1988—1991 займаў пасаду міністра фінансаў. У 1991—1996 — дэпутат Альтынгу.

На прэзыдэнцкіх выбарах у 1996 року перамог з 41,4% галасоў. Пераабіраўся ў 2004 і 2012 роках, а ў 2000 і 2008 ня меў канкурэнтаў і проста працягнуў выконваць свае абавязкі.

Сям’я

У 1974 Оляфур Грымсан ажаніўся з Гудрун Катрын Форбэргсдотыр, зь якой мелі дзьвюх дачок-блізьнятак. Гудрун Катрын памерла ад лейкеміі ў 1998 року.

У другі раз Грымсан ажаніўся з ізраільцянкай Дорыт Мусаеф. Вясельная цырымонія адбылася 14 раўня 2003, у дзень ягонага 60-годзьдзя, у прэзыдэнцыі.

Крыніцы

Папярэднік Свавар Гестсан	Кіраўнік Народнага зьвязу 1987—1995	Наступнік Маргрэт Фрымансдотыр
Папярэднік Ён Бальдвін Ханібальсан	Міністар фінансаў 1988—1991	Наступнік Фрыдрык Софусан
Папярэднік Вігдзіс Фінбагадоцір	Прэзыдэнт Ісьляндыі 1996—2016	Наступнік Гудні Ёўганэсан