Рэн (горад)

	Рэн
	Rennes
Герб Рэну
Рэгіён:	Брэтань
Дэпартамэнт:	Іль і Вілен
Плошча:	50,39 км²
Вышыня:	30 м н. у. м.
Насельніцтва:	216268 (2016)
Часавы пас:; • летні час:	UTC+1 ; UTC+2
Паштовы індэкс:	35000, 35200, 35700
Геаграфічныя каардынаты:	48°07′00″ пн. ш. 1°41′00″ з. д. / 48.116667° пн. ш. 1.683333° з. д.Каардынаты: 48°07′00″ пн. ш. 1°41′00″ з. д. / 48.116667° пн. ш. 1.683333° з. д.
	Рэн на мапе Францыі Рэн
	Галерэя здымкаў у Wikimedia Commons
	http://www.metropole.rennes.fr

Рэн (па-француску: Rennes, па-брэтонску: Roazhon) — горад на паўночным захадзе Францыі, адміністрацыйны цэнтар дэпартамэнту Іль і Вілен і рэгіёну Брэтань. Насельніцтва складае 216 268 чалавек (на 2016 год).

Гісторыя[рэдагаваць | рэдагаваць крыніцу]

Назва гораду дало кельцкае племя рэдонаў, якое жыло тут у старажытнасьці. Сталіца рэдонаў, якая дала пачатак Рэну, стаяла на скрыжаваньні асноўных шляхоў вобласьці Арморыка. Рэнская эпархія вядзе адлік сваёй гісторыі з IV стагодзьдзя. У Сярэднявеччы графы Рэна аспрэчвалі ў графаў Нанту вяршэнства ў Брэтані. Саперніцтва паміж Нантам і Рэнам працягвалася й пасьля далучэння Брэтані да Францыі ў пачатку XVI стагодзьдзя.

Сярэднявечны Рэн быў зьнішчаны вялікім пажарам 1720 году, аднак ацалеў Палац парлямэнта Брэтані з пышна дэкараванай галоўнай заляй. Цэнтар гораду, зноўку быў выбудаваны ў XVIII стагодзьдзі, можа служыць прыкладам горадабудаўнічай палітыкі клясыцызму з шырокімі вуліцамі, разьмешчанымі пэрпэндыкулярна адзін да аднаго. Парадную забудову часоў Людовіка XV ўяўляе гарадзкая ратуша. Тады ж была каналізавана рака Вілен.

Падчас Вялікай францускай рэвалюцыі горад служыў пляцдармам для падаўленьня вандэйскіх паўстанцаў. У гады Другой сусьветнай вайны Рэн моцна пацярпеў ад бамбаваньняў як немцаў, гэтак і хаўрусьніцкіх войскаў: загінулі тысячы мяшчанаў, былі разбураны многія старадаўнія будынкі, у тым ліку гарадзкі музэй.

Эканоміка[рэдагаваць | рэдагаваць крыніцу]

Традыцыйна ў Рэне былі прадпрыемствы машынабудаваньня, разьвіты ганчарная, мэблевая й гарбарная вытворчасьці, быў разьвіты гандаль жывёлай, птушкай, хлебам, мёдам, воскам і лесам. Зараз у Рэне маюцца прадпрыемствы такіх кампаніяў, як то Citroën і France Telecom.