Руслан Лісаковіч
| Руслан Лісаковіч | ||
| Пэрсанальная інфармацыя | ||
|---|---|---|
| Нарадзіўся | 22 сакавіка 2002[1] (22 гады) | |
| Рост | 170 см | |
| Вага | 76 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Менск | |
| Нумар | 99 | |
| Клюбы | ||
| Гады | Клюб | Гульні (галы)¹ |
| 2019 | Шахцёр Салігорск | 0 (0) |
| 2019 | → Узда | 8 (2) |
| 2020 | Крумкачы | 20 (3) |
| 2021—2022 | Іслач | 52 (6) |
| 2023 | Дынама Махачкала | 20 (0) |
| 2024 | Нёман Горадня | 7 (0) |
| 2024— | Менск | 7 (0) |
| Зборныя | ||
| 2021—2022 | Беларусь | 5 (0) |
| 2022—2023 | Беларусь (да 21) | 7 (0) |
|
¹ Колькасьць гульняў і галоў за прафэсійны клюб лічыцца толькі | ||
Русла́н Лісаковіч (нарадзіўся 22 сакавіка 2002 году) — беларускі футбаліст, паўабаронца «Менску» і моладзевай зборнай Беларусі. Старэйшыя браты Руслана, Віталь і Дзьмітры, таксама футбалісты.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Юнаком далучыўся да салігорскага «Шахцёра» ўсьлед за старэйшымі братамі. У Салігорску выступаў за дубль. З красавіка па ліпень 2019 году на правах арэнды гуляў у Другой лізе за «Ўзду», дзе быў адным зь лідэраў каманды, пасьля зноў апынуўся ў дублі «Шахцёра».
У сакавіку 2020 году падпісаў кантракт з «Крумкачамі» да канца сэзону[2], дзе здолеў замацавацца ў стартавым складзе каманды. У студзені 2021 году стаў трэнавацца зь «Іслаччу» і неўзабаве склаў двухгадовы кантракт з клюбам[3]. Дэбютаваў у Найвышэйшай лізе 12 сакавіка 2021 году ў матчы першага тура супраць мазырскай «Славіі» (1:0), адгуляўшы ўсе 90 хвілінаў. У далейшым замацаваўся ў пачатковым складзе і быў адным з асноўных гульцоў каманды. Пачатак сэзону 2022 году прапусьціў праз траўмы, а зь лета вярнуў месца ў асноўным складзе. У студзені 2023 году па заканчэньні кантракту пакінуў «Іслач»[4].
У лютым 2023 году стаў гульцом махачкалінскага «Дынама» з расейскай Першай лігі[5]. Пакінуў клюб у студзені 2024 году[6]. У лютым 2024 году падпісаў кантракт з гарадзенскім «Нёманам»[7]. У ліпені 2024 году скасаваў пагадненьне з гарадзенскім клюбам[8] і прыяднаўся да «Менску»[9].
Міжнародная
[рэдагаваць | рэдагаваць крыніцу]У кастрычніку 2018 года гуляў за зборную Беларусі (да 17 гадоў) у кваліфікацыйным, а ў сакавіку 2019 году ў элітным раўндах чэмпіянату Эўропы. У 2021 годзе пачаў прыцягвацца да зборнай Беларусі (да 21 году), гуляў за яе ў кантрольных матчах. У жніўні 2021 году быў упершыню выкліканы ў нацыянальную зборную Беларусі. Дэбютаваў у зборнай 8 верасьня 2021 году, калі выйшаў у пачатковым складзе ў адборачным матчы чэмпіянату сьвету 2022 году супраць зборнай Бэльгіі (0:1) і быў заменены ў другім тайме. 1 чэрвеня 2022 году ўпершыню згуляў за моладзевую зборную Беларусі, выйшаўшы на замену ў другім тайме адборачнага матча чэмпіянату Эўропы супраць зборнай Кіпру (2:0).
Дасягненьні
[рэдагаваць | рэдагаваць крыніцу]- Уладальнік Кубка Беларусі: 2024
Крыніцы
[рэдагаваць | рэдагаваць крыніцу]- ^ а б в г д е ё https://fcisloch.by/player.asp?id=Ruslan-Lisakovich-534&season=2023MEN
- ^ Руслан Лисакович перешел в "НКрумкачы" (рас.)
- ^ Полузащитник Руслан Лисакович подписал контракт с "Ислочью" (рас.) Архіўная копія ад 2021-05-04 г.
- ^ Дмитрий и Руслан Лисаковичи расстаются с "Ислочью" (рас.)
- ^ Футбол. Руслан Лисакович подписал контракт с махачкалинским "Динамо" из российского Д2 (рас.) Архіўная копія ад 2023-02-04 г.
- ^ Руслан Лисакович покинул махачкалинское "Динамо" (рас.)
- ^ "Неман" подписал Лисаковича-младшего (рас.)
- ^ "Неман" объявил о расставании с Лисаковичем (рас.)
- ^ Руслан Лисакович подписал контракт с "Минском" (рас.)
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Нарадзіліся 22 сакавіка
- Нарадзіліся ў 2002 годзе
- Нарадзіліся ў Мар’інай Горцы
- Футбалісты клюбу «Менск»
- Футбалісты клюбу «Шахцёр» Салігорск
- Футбалісты клюбу «Ўзда»
- Футбалісты клюбу «Крумкачы» Менск
- Футбалісты клюбу «Іслач» Менскі раён
- Футбалісты клюбу «Нёман» Горадня
- Футбалісты зборнай Беларусі
- Футбалісты моладзевай зборнай Беларусі
- Беларускія футбалісты