Растсельмаш

«Растсельмаш»
	рас. «Ростсельмаш»
Тып	таварыства з абмежаванай адказнасьцю
Лістынг на біржы	РТС: RTLM
Дэвіз	Агратэхніка прафэсіяналаў
Заснаваная	21 ліпеня 1929 (95 гадоў таму)
Краіна	Расея
Разьмяшчэньне	Паўднёвая фэдэральная акруга
Адрас	Растоў-на-Доне, Першамайскі раён, вул. Мянжынскага, д. 2
Ключавыя фігуры	Канстанцін Бабкін, Валеры Мальцаў
Галіна	прамысловасьць
Прадукцыя	апрысквальнік, камбайн, культыватар, касілка, сеялка, пагрузчык, трактар
Абарачэньне	▲58,745 млрд рас.руб (2020 год; 790,044 млн $)
Апэрацыйны прыбытак	▼1,45 млрд ₽ (2017);
Чысты прыбытак	▲11,107 млрд рас.руб (2020 год; 149,374 млн $)
Лік супрацоўнікаў	13 000 (2021 год)
Матчына кампанія	«Новая Садружнасьць» (Масква)
Даччыныя кампаніі	«Індустрыя Бухлера» (Канада)
Аўдытар	«Аўдыт, улік, падаткі»
	rostselmash.com
	«Растсельмаш» у Вікісховішчы

Каардынаты: 47°15′30″ пн. ш. 39°45′45″ у. д. / 47.25833° пн. ш. 39.7625° у. д. / 47.25833; 39.7625

«Растсельмаш»^[5] («РСМ») — камбайнавы завод Расеі, заснаваны ў Растове-на-Доне ў ліпені 1929 году ў якасьці «Растоўскага заводу сельскагаспадарчага машынабудаваньня».

На 2021 год меў 13 дачынных прадпрыемстваў і 13 000 супрацоўнікаў. Выпускаў звыш 150 мадэляў 24 відаў сельскагаспадарчай тэхнікі, якую пастаўлялі ў больш як 40 краінаў. Тэхніка прызначалася для апрацоўкі і ўгнаеньня глебы, пасеву і жніва, пакосу і падрыхтоўкі валкоў^[6]. Па выніках 2020 году «Растсельмаш» быў найбольшым з 471 вытворцы камбайнаў у Расеі паводле абарачэньня^[3].

Вырабы

На 2021 год «Растсельмаш» вырабляў:

збожжаўборачныя камбайны пад 5-ю таварнымі знакамі — «Акрос», «Вектар», «Нова», «РСМ» і «Торум»^[7];
трактары сэрыяў 1000, 2000 і 3000 (цяжкія магутнасьцю да 583 конскіх сілаў)^[8];
кормаўборачныя камбайны «РСМ Ф» і «Дон 680М»^[9];
самаходныя касілкі «КСУ 1» і «КСУ 2»^[10];
кормазагатоўчую тэхніку «Калібры» для валкаваньня, «Пэлікан» і «Тукан» для прэсаваньня, «Стрыж», «Сапсун», «Беркут», «Стэрх» і «Ківі» для касьбы^[11];
бароны «Вікінг» і «ДВ», культыватары і сеялкі;
апрысквальнікі «РСМ» і збожжаапрацоўчую тэхніку^[12];
дарожна-камунальную тэхніку «Чыж» і «Сьнягір», а таксама пагрузчыкі «Фенікс»^[13].

Мінуўшчына

21 ліпеня 1929 году на пляцоўцы «Сельмашбуду» ў Растове-на-Доне (Расейская СФСР) запрацавалі першыя 5 цэхоў і выпусьцілі першыя вырабы — трактарныя плугі і сеялкі. 30 чэрвеня 1930 году сабралі і выправілі на выпрабаваньне 1-ы расейскі прычапны камбайн «Калгас». Улетку 1931 году выпусьцілі ўнівэрсальны камбайн «Сталінец-1»(ru) для ўборкі пшаніцы, кукурузы, проса і сланечніка. У студзені 1932 году адкрылі зборачны цэх камбайнаў, адкуль у траўні выпусьцілі першы эшэлён камбайнаў «Сталінец-1». У наступным іх сталі пастаўляць за мяжу. У 1937 годзе камбайн «Сталінец-1» паказалі на Сусьветнай прамысловай выставе ў Парыжы (Францыя), дзе яму прысудзілі Галоўную ўзнагароду і залаты мэдаль. У 1938 годзе ў Чкалаўскай вобласьці счэп 2-х камбайнаў «Сталінец-1» замяніў 1637 працаўнікоў, 373 кані, 25 жняярак, 25 малацілак, 25 веялак і 40 сартавалак або 3323 чалавекі ручной працы. 14 чэрвеня 1940 году на галоўным канвэеры сабралі 50-тысячны камбайн «Сталінец-1». Цягам 13—19 кастрычніка 1941 году абсталяваньне заводу пагрузілі на больш як 3500 вагонаў і накіравалі чыгункай у Ташкент (Узбэцкая ССР) разам зь кіраўнікам Максімам Цітарэнкам. Адно з 4-х падразьдзяленьняў разьмясьцілі ў Чырчыку (Ташкенцкая вобласьць). На 33-і дзень пасьля прыбыцьця абсталяваньня ў Ташкента пачалася вытворчасьць. На 35-ы дзень выплавілі першы чыгун. Праз 3 месяцы на плошчы 1,2 га запрацавалі цэхі. Наладзілі выпуск мінаў калібру 82 мілімэтраў, боегаловак да рэактыўных снарадаў для БМ-13 і фугасных авіябомбаў вагой 50, 100 і 250 кг. Пасьля Нямецкай-савецкай вайны ва Ўзбэцкай ССР засталіся завод «Ташкентстыльмаш» і «Чырыцкі мэталюргічны завод»^[6].

23 лютага 1943 году, на 10-ы дзень вызваленьня Растова-на-Доне, ў горадзе запрацавалі першыя 33 станкі заводу. Наладзілі рамонт танкаў, трактароў і аўтамашынаў. Пасьля расчысткі 15 гектараў завалаў вытворчая пляцоўка склала 14,5 га. На ёй уклалі 21 млн цаглінаў, 37 000 кубамэтраў бэтону і 185 000 кубамэтраў дахоўкі, а таксама ўзьвялі 8000 тонаў мэталаканструкцыяў. 30 красавіка 1947 году цэх уборачных машынаў сабраў першыя камбайны «Сталінец-6»(ru), якія распрацавалі Аляксандар Красьнічэнка(ru), В.В. Прашунін і І.І. Папоў. За распрацоўку яны атрымалі Сталінскую прэмію. У лістападзе 1948 году завод аднавіў даваенную магутнасьць. За 1948 год выпусьцілі 7190 камбайнаў. У жніўні 1955 году з вытворчасьці зьнялі плугі і кукурузаўборачныя камбайны на карысьць выпуску збожжаўбоачным камбайнаў паводле Рашэньня ліпеньскага Пленуму Цэнтральнага камітэту Камуністычнай партыі Савецкага Саюзу. У сьнежні 1956 году пачалі выпуск камбайна «Растсельмаш 6»(ru) («РСМ 8») зь більным барабанам. Яго сэрыйная вытворчасьць за 1-ы год склала 50 000 асобнікаў. 15 сакавіка 1958 году выпуск камбайна «РСМ 8» спынілі ў сувязі з заданьнем перайсьці з вытворчасьці прычапных камбайнаў на вытворчасьць самаходных за 5 месяцаў. 24 студзеня 1961 году выпусьцілі 100-тысячны самаходным камбайн «СК-3»(ru). У лютым 1962 году пачалі вырабляць камбайн «СК-4»(ru), які меў на 25 % большую прадукцыйнасьць. У 1963 годзе гэты камбайн атрымаў дыплём 1-й ступені на міжнароднай выставе ў Ляйпцыгу (НДР). У жніўні 1969 году завод выпусьціў мільённы камбайн^[6].

У 1973 годзе перайшлі на выпуск камбайна СК-5 «Ніва»(ru), на аснове якога стварылі крутасхільныя і рысаўборачныя мадэлі. Таксама стварылі таматаўборачныя камбайны і льномалацілкі. У 1984-м выпусьцілі 2-мільённы камбайн. У 1985 годзе распрацавалі кормаўборачны камбайн «Дон 680». У сьнежні 1992 году дзяржаўнае прадпрыемства «Растсельмаш» пераўтварылі ў адкрытае акцыянэрнае таварыства ва ўласнасьці супрацоўнікаў. У 1999 годзе стварылі энэргасродак «Дон 808». У 2000 годзе «Новая Садружнасьць» выкупіла завод. Яе пайшчыкамі былі старшыня Канстанцін Бабкін, кіраўнік Зьміцер Удрас(ru) і Юры Разанцаў(ru). У 2003-м адчынілі прадстаўніцтва ў Казахстане, дзе таксама разгарнулі зборку. У чэрвені 2004 году з канвэера сышоў 1-ы збожжаўборачны камбайн «Вектар» з бункерам і рухавіком ззаду ад цэнтральнай кабіны. У 2005 годзе ротарная малацілка «Торум» зь вярчэльнай дзякой атрымала узнагароду на Міжнароднай выставе земляробчых машынаў у Парыжы (Францыя). Увесну 2007 году пачалі сэрыйную вытворчасьць камбайнаў сямейства «Акрос» з разумным пускам і аховай ад закліньваньня. Увосень 2007 году набылі канадзкі завод сельгастэхнікі «Індустрыя Бухлера» (Вініпэг, правінцыя Манітоба), ад імя якога сталі выпускаць трактары «Вэрсатайл». У 2008 годзе запусьцілі вытворчасьць прычапных і навясных корманарыхтоўвачных камбайнаў «РСМ 1401». У 2009-м у Канадзе набылі вытворчасьць апырсквальнікаў, а ў ЗША — вытворчасьць абсталяваньня для збожжаперапрацоўкі. Увосень 2010 году ў Казахстане запусьцілі сумесную вытворчасьць трактароў «Вектар»^[6].

У 2011 годзе набылі канадзкі завод сеялак і глебаапрацоўчай тэхнікі. У 2014-м выпусьцілі збожжаўборачны камбайн «РСМ 161». У 2016 годзе прадставілі кормаўборачныя машыны «РСМ Ф 2650», прычапныя апырсквальнікі «ТС Сатэліт» і барану «ДВ». У 2017-м сталі выпускаць захваты шырынёй 12 мэтраў. Улетку 2017 году прадставілі электронную прыладу нагляду «Агратронік». Увосень 2017-га ў новым корпусе запусьцілі вытворчасьць трактароў «РСМ 2375». У траўні 2018 году з канвэера сышоў першы сэрыйны збожжаўборачны камбайн «Нова». У сьнежні 2018-га падпісалі пагадненьне зь японскім заводам трансьмісіяў «Окубо» аб праве на вытворчасьць скрынак перадачаў для трактароў, якая пачалася ў жніўні 2020 году. У лютым 2019 году сабралі 1-ы цяжкі трактар магутнасьцю звыш 435 конскіх сілаў. У красавіку 2019 году сабралі кормаўборачны камбайн прадукцыйнасьцю звыш 200 тонаў за гадзіну, што перавысіла паказьнік папярэдняй мадэлі ў 1,5 разы. У лістападзе 2019 году прылада начнога бачаньня «РСМ» атрымала срэбраны мэдаль Гановэрскай выставы агратэхнікі (Нямеччына). У чэрвені 2020 году прадставілі бесьпілётную навігацыю для камбайнаў «Торум»^[6].

Кіраўнікі

Мікалай Глебаў-Авілаў(ru) (1929 — 19 верасьня 1936)
Давыд Карташоў (студзень—сьнежань 1937)
Дзямідаў (чэрвень 1938 — 1939)
Максім Цітарэнка (1939—1947)
Аляксандар Яжэўскі(ru) (1953—1954)
Васіль Іваноў(ru) (1956—1961)
Аляксандар Мяркулаў (1961—1970)
Васіль Іваноў (1971—1978)
Юры Пяскоў(ru) (1978—1996)^[14]
Уладзімер Трынёў (1996—1998)
Павал Пакроўскі (1998—2000)
Валеры Мальцаў(ru) (са сьнежня 2002 году)

Крыніцы

^ Кантакты (рас.) // «Растсельмаш», 2021 г. Праверана 14 траўня 2021 г.
^ Бухгалтерская отчётность
^ ^а ^б Фінансавы стан ТАА «Камбайнавы завод «Растсельмаш» (рас.) // Фінансава-аналітычны партал «Тэст фірмы», 2021 г. Праверана 14 траўня 2021 г.
^ Афіцыйныя курсы валютаў на зададзеную дату, усталёўваныя штодзённа (74,3566 рас.рублёў за даляр ЗША на 31 сьнежня 2020 году) (рас.) // Цэнтральны банк Расейскай Фэдэрацыі, 2021 г. Праверана 14 траўня 2021 г.
^ А.Лукашэнка пацьвярджае намер Беларусі набыць «Растсельмаш» // Беларускае тэлеграфнае агенцтва, 16 кастрычніка 2012 г. Праверана 14 траўня 2021 г.
^ ^а ^б ^в ^г ^д Пра кампанію (рас.) // «Растсельмаш», 2021 г. Праверана 14 траўня 2021 г.
^ Збожжаўборачныя камбайны (рас.) // «Растсельмаш», 2021 г. Праверана 14 траўня 2021 г.
^ Трактары (рас.) // «Растсельмаш», 2021 г. Праверана 14 траўня 2021 г.
^ Кормаўборачныя камбайны (рас.) // «Растсельмаш», 2021 г. Праверана 14 траўня 2021 г.
^ Самаходныя касілкі (рас.) // «Растсельмаш», 2021 г. Праверана 14 траўня 2021 г.
^ Кормазагатовачная тэхніка (рас.) // «Растсельмаш», 2021 г. Праверана 14 траўня 2021 г.
^ Тэхніка (рас.) // «Растсельмаш», 2021 г. Праверана 14 траўня 2021 г.
^ Пагрузчыкі (рас.) // «Растсельмаш», 2021 г. Праверана 14 траўня 2021 г.
^ Дырэктарскі корпус (рас.) // «Растсельмаш», 2021 г. Праверана 14 траўня 2021 г.

Вонкавыя спасылкі

Дылеры (рас.) // «Растсельмаш», 2021 г. Праверана 14 траўня 2021 г.

Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго.

[1] Кантакты (рас.) // «Растсельмаш», 2021 г. Праверана 14 траўня 2021 г.

[_ddc91ca42171ba1e-2] Бухгалтерская отчётность

[в-3] а ^б Фінансавы стан ТАА «Камбайнавы завод «Растсельмаш» (рас.) // Фінансава-аналітычны партал «Тэст фірмы», 2021 г. Праверана 14 траўня 2021 г.

[4] Афіцыйныя курсы валютаў на зададзеную дату, усталёўваныя штодзённа (74,3566 рас.рублёў за даляр ЗША на 31 сьнежня 2020 году) (рас.) // Цэнтральны банк Расейскай Фэдэрацыі, 2021 г. Праверана 14 траўня 2021 г.

[5] А.Лукашэнка пацьвярджае намер Беларусі набыць «Растсельмаш» // Беларускае тэлеграфнае агенцтва, 16 кастрычніка 2012 г. Праверана 14 траўня 2021 г.

[а-6] а ^б ^в ^г ^д Пра кампанію (рас.) // «Растсельмаш», 2021 г. Праверана 14 траўня 2021 г.

[7] Збожжаўборачныя камбайны (рас.) // «Растсельмаш», 2021 г. Праверана 14 траўня 2021 г.

[8] Трактары (рас.) // «Растсельмаш», 2021 г. Праверана 14 траўня 2021 г.

[9] Кормаўборачныя камбайны (рас.) // «Растсельмаш», 2021 г. Праверана 14 траўня 2021 г.

[10] Самаходныя касілкі (рас.) // «Растсельмаш», 2021 г. Праверана 14 траўня 2021 г.

[11] Кормазагатовачная тэхніка (рас.) // «Растсельмаш», 2021 г. Праверана 14 траўня 2021 г.

[12] Тэхніка (рас.) // «Растсельмаш», 2021 г. Праверана 14 траўня 2021 г.

[13] Пагрузчыкі (рас.) // «Растсельмаш», 2021 г. Праверана 14 траўня 2021 г.

[14] Дырэктарскі корпус (рас.) // «Растсельмаш», 2021 г. Праверана 14 траўня 2021 г.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]