Раман Юзапчук
Раман Юзапчук | ||
Пэрсанальная інфармацыя | ||
---|---|---|
Нарадзіўся | 24 ліпеня 1997[1][2] (26 гадоў) | |
Рост | 171 см | |
Вага | 64 кг[3] | |
Пазыцыя | абаронца, паўабаронца | |
Клюбная інфармацыя | ||
Клюб | Хімкі | |
Нумар | 77 | |
Клюбы | ||
Гады | Клюб | Гульні (галы)¹ |
2015—2017 | Дынама Менск | 0 (0) |
2015 | → Бяроза-2010 | 21 (2) |
2017—2020 | Дынама Берасьце | 56 (4) |
2021 | Рух Берасьце | 29 (0) |
2022 | Шахцёр Салігорск | 24 (0) |
2023 | Тарпэда Масква | 29 (2) |
2024— | Хімкі | |
Зборныя | ||
2015 | Беларусь (да 19)[d] | 3 (3) |
2017—2018 | Беларусь (да 21) | 5 (0) |
2020— | Беларусь | 22 (1) |
¹ Колькасьць гульняў і галоў за прафэсійны клюб лічыцца толькі |
Раман Юзапчук (нарадзіўся 24 ліпеня 1997 году) — беларускі футбаліст, паўабаронца расейскага клюбу «Хімкі» і нацыянальнай зборнай Беларусі.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Пачынаў займацца футболам у магілёўскай СДЮШАР-7, аднак яшчэ юнаком ў менскае «Дынама». У 2014 годзе пачаў выступаць за дубль менчукоў, дзе хутка замацаваўся ў складзе. У сэзоне 2015 году гуляў у Першай лізе за «Бярозу-2010», куды часьцяком выпраўляліся дынамаўскія маладыя гульцы. Па заканчэньні сэзону бярозаўскі клюб спыніў існаваньне, і Раман вярнуўся ў Менск, дзе зноў стаў выступаць за дубль. Часам прыцягваўся да трэнаваньняў з асноўнай камандай, аднак гэтак і не згуляў за яе.
У ліпені 2017 году паводле пагадненьня бакоў пакінуў менскае «Дынама»[4] і неўзабаве перайшоў да берасьцейскага «Дынама»[5]. У другой палове 2017 году гуляў за дубль, часам зьяўляўся на лаве запасных у асноўнай камандзе. Да сэзону 2018 году рыхтаваўся разам з асновай дынамаўцаў. Дэбютаваў у галоўнай дружыне 2 траўня 2018 году ў паўфінальным матчы Кубка Беларусі супраць магілёўскага «Дняпра» (4:1), адзначыўся ў гэтай сустрэчы дублем. 12 траўня дэбютаваў у Найвышэйшай лізе ў матчы супраць «Віцебску» (3:1), правёўшы на пляцоўцы першы тайм і на 9-й хвіліне адкрыў лік у сустрэчы. У далейшым стаў трывала зьяўляцца ў асноўнай камандзе. У сэзоне 2019 году звычайна выкарыстоўваўся ў ратацыі, выходзячы на замену.
У сьнежні 2019 году падоўжыў кантракт зь берасьцейскім клюбам да ліпеня 2022 году[6]. У сэзоне 2020 году трывала замацаваўся ў стартавым складзе «Дынама», стаў выкарыстоўвацца звычайна на пазыцыі абаронцы. У студзені 2021 году стаў трэнавацца зь берасьцейскім «Рухам» і неўзабаве склаў угоду з клюбам[7]. Быў трывалым гульцом стартавага складу і гэтае берасьцейскае дружыны. У пачатку 2022 году рыхтаваўся да новага сэзону з «Рухам», а ў сакавіку, пасьля таго як клюб зьняўся з розыгрышу Найвышэйшай лігі, склаў двухгадовы кантракт з салігорскім «Шахцёрам»[8]. Замацаваўся ў стартавым складзе і дапамог «Шахцёру» стаць чэмпіёнам Беларусі.
У лютым 2023 году перайшоў у маскавіцкае «Тарпэда»[9]. У студзені 2024 году склаў працоўную дамову на 2,5 гады з «Хімкамі»[10].
Міжнародная[рэдагаваць | рэдагаваць крыніцу]
У кастрычніку 2015 году ў складзе зборнай Беларусі (да 19 гадоў) прымаў удзел у кваліфікацыйным раўндзе чэмпіянату Эўропы, у тым ліку адзначыўся дублем у матчы супраць зборнай Бэльгіяі (2:2). 26 сакавіка 2017 году дэбютаваў у зборнай Беларусі (да 21 гадоў), выйшаўшы ў стартавым складзе ў таварыскім матчы супраць зборнай Латвіі (3:4).
26 лютага 2020 году дэбютаваў за нацыянальную зборную Беларусі ў таварыскім матчы супраць зборнай Баўгарыі (1:0), калі выйшаў у стартавым складзе і быў заменены ў другім тайме.
Дасягненьні[рэдагаваць | рэдагаваць крыніцу]
«Дынама» Берасьце:
- Чэмпіён Беларусі: 2019
- Уладальнік Кубка Беларусі: 2018
- Уладальнік Супэркубка Беларусі: 2019, 2020
- У сьпісе 22 найлепшых гульцоў чэмпіянату Беларусі: 2020
Статыстыка[рэдагаваць | рэдагаваць крыніцу]
Клюб | Сэзон | Чэмпіянат | ||
---|---|---|---|---|
Дывізіён | Матчы | Галы | ||
Дынама Берасьце | 2018 | Найвышэйшая ліга | 17 | 2 |
Крыніцы[рэдагаваць | рэдагаваць крыніцу]
- ^ а б в Roman Yuzepchuk // Transfermarkt (мн.) — 2000.
- ^ а б в Roman Yuzepchuk // FBref.com (мн.)
- ^ а б https://www.pressball.by/footballstat/roman_yuzepchuck/
- ^ Минское "Динамо" вернула из аренды Карповича и расторгло контракт с Юзепчуком
- ^ Роман Юзепчук и черногорец из второго дивизиона Таиланда Александр Вуячич стали игроками брестского "Динамо"
- ^ Юзепчук подписал новый контракт с брестским "Динамо"
- ^ Роман Юзепучук стал игроком "Руха"
- ^ "Шахтер" объявил о подписании Юзепчука
- ^ Футбол. Роман Юзепчук стал игроком московского "Торпедо" (рас.) Праверана 2023-02-03 г.
- ^ Роман Юзепчук стал игроком «Химок» (рас.) Афіцыйны сайт «Хімкаў»
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 24 ліпеня
- Нарадзіліся ў 1997 годзе
- Нарадзіліся ў Магілёве
- Футбалісты клюбу «Хімкі»
- Футбалісты клюбу «Дынама» Менск
- Футбалісты клюбу «Бяроза-2010»
- Футбалісты клюбу «Дынама» Берасьце
- Футбалісты клюбу «Рух» Берасьце
- Футбалісты клюбу «Шахцёр» Салігорск
- Футбалісты клюбу «Тарпэда» Масква
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты