Раман Бегуноў
| Раман Бегуноў | ||
| ||
| Пэрсанальная інфармацыя | ||
|---|---|---|
| Нарадзіўся | 22 сакавіка 1993[1][2] (31 год) | |
| Рост | 181 см | |
| Вага | 77 кг[3] | |
| Пазыцыя | абаронца | |
| Клюбная інфармацыя | ||
| Клюб | Дынама Менск | |
| Нумар | 67 | |
| Клюбы | ||
| Гады | Клюб | Гульні (галы)¹ |
| 2011—2015 | Менск | 87 (4) |
| 2015—2018 | Дынама Менск | 65 (2) |
| 2019 | Тарпэда-БелАЗ | 11 (0) |
| 2020—2021 | Шахцёр Салігорск | 32 (4) |
| 2022— | Дынама Менск | 55 (5) |
| Зборныя | ||
| 2012—2013 | Беларусь (да 21) | 3 (0) |
| 2016—2022 | Беларусь | 9 (0) |
|
¹ Колькасьць гульняў і галоў за прафэсійны клюб лічыцца толькі | ||
Рама́н Бегуно́ў (нар. 22 сакавіка 1993 году, Менск, БССР) — беларускі футбаліст, абаронца менскага клюбу «Дынама». З 2016 году прыцягваецца да матчаў нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец школы футбольнага клюбу «Менск», з 2010 году гуляў за ягоны дубль. У сэзоне 2012 годзе стаў гульцом асноўнага складу, звычайна займаў пазыцыю правага абаронцы. У 2013 годзе канчаткова замацаваўся ў аснове, на пазыцыі правага абаронцы чаргаваўся з Аляксандрам Сьвярчынскім. Часам стаў выкарыстоўвацца ў якасьці правага паўабаронцы. 3 лістапада 2013 году аформіў дубль у матчы супраць «Белшыны», што, аднак, ня выратавала каманду ад паразы зь лікам 2:3.
У сьнежні 2013 году падоўжыў кантракт зь «Менскам»[4]. Сэзон 2014 году распачынаў правым абаронцам, але хутка быў пераведзены ў цэнтар абароны і замацаваўся там. У сэзоне 2015 году стаў таксама выкарыстоўвацца і на пазыцыі апорнага паўабаронцы.
У ліпені 2015 году цікавасьць да Рамана стала праяўляць менскае «Дынама»[5]. 14 ліпеня 2015 году падпісаў кантракт з гэтым клюбам[6]. У складзе дынамаўцаў хутка замацаваўся ў асноўным складзе, звычайна гуляючы на пазыцыі правага абаронцы. З траўня па ліпень 2016 году не гуляў праз пашкоджаньне, пазьней вярнуўся ў асноўны склад. У сакавіку 2017 году быў абраны капітанам «Дынама»[7], аднак улетку саступіў капітанства Аляксандру Наёку. Пасля пераходу «Дынама» ў сэзоне 2017 году на схему зь пяцьцю абаронцамі пачаў выконваць ролю правага ўскрайняга абаронцы. У сэзоне 2018 году таксама трывала гуляў у стартавым складзе, у кастрычніку і лістападзе не выступаў праз траўмы.
У студзені 2019 году перайшоў у «Тарпэда-БелАЗ»[8]. Першую палову сэзону 2019 году прапусьціў праз траўмы. Зь ліпеня пачаў зьяўляцца на полі, а пазьней зноў атрымаў пашкоджаньне. Даць рады з траўмамі здолеў толькі з кастрычніка, замацаваўшыся ў пачатковым складзе каманды. У сьнежні 2019 году склаў двухгадовую працоўную дамову з салігорскім «Шахцёрам»[9]. Пачатак сэзону 2020 году прапусьціў праз траўмы, а потым пачаў зьяўляцца ў стартавым складзе каманды. У студзені 2021 году падоўжыў кантракт з клюбам да канца 2022 году[10]. У пачатку 2021 году зьяўляўся на полі нерэгулярна, пасьля стаў часьцей выходзіць у першай адзінаццатцы. У студзені 2022 году паводле пагадненьня бакоў скасаваў кантракт з салігорскім клюбам[11].
Неўзабаве пасьля зыходу з «Шахцёра» далучыўся да менскага «Дынама» і хутка падпісаў кантракт з клюбам[12]. Пачынаў сэзон 2022 году ў стартавым складзе, з лета стаў радзей зьяўляцца на полі. У сьнежні 2022 году падоўжыў пагадненьне з сталічным клюбам[13]. У 2023 годзе рэгулярна гуляў у аснове, дапамог камандзе стаць чэмпіёнам Беларусі. У сьнежні 2023 году падоўжыў кантракт з «Дынама»[14].
Міжнародная
[рэдагаваць | рэдагаваць крыніцу]Згуляў у трох матчах за моладзевую зборную Беларусі. 29 сакавіка 2016 году дэбютаваў у складзе нацыянальнай зборнай Беларусі ў таварыскім матчы супраць зборнай Чарнагорыі[15]. Пасьля доўгага перапынку зноў стаў выклікацца ў зборную з 2020 году.
Дасягненьні
[рэдагаваць | рэдагаваць крыніцу]- Чэмпіён Беларусі: 2020, 2021, 2023
- Срэбраны прызэр чэмпіянату Беларусі: 2017
- Бронзавы прызэр чэмпіянату Беларусі: 2016, 2018
- Уладальнік Кубка Беларусі: 2013
- Уладальнік Супэркубка Беларусі: 2021
- У сьпісе 22 найлепшых футбалістаў чэмпіянату Беларусі: 2016, 2017, 2023
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 14 | 1 |
| Дынама Менск | 8 | 0 | ||
| 2016 | Найвышэйшая ліга | 17 | 1 | |
| 2017 | Найвышэйшая ліга | 24 | 1 | |
| 2018 | Найвышэйшая ліга | 16 | 0 | |
Крыніцы
[рэдагаваць | рэдагаваць крыніцу]- ^ а б в Roman Begunov // Transfermarkt (мн.) — 2000.
- ^ а б в Roman Begunov // FBref (мн.)
- ^ а б https://dinamo-minsk.by/blr/asnouny-sklad/2022/behunou-raman
- ^ Дечко, Бегунов и Остроух продлили контракты с «Минском». Goals.by (рас.)
- ^ Минское «Динамо» интересуется Бегуновым. By.Tribuna.com (рас.)
- ^ Роман Бегунов подписал контракт с минским «Динамо». Football.by (рас.)
- ^ Капитаном минского "Динамо" избран Роман Бегунов
- ^ Бегунов стал игроком «Торпедо-БелАЗ» (рас.)
- ^ Бегунов стал игроком "Шахтера"
- ^ "Шахтер" продлил контракты с Бегуновым и Беловым
- ^ Роман Бегунов покинул "Шахтер"
- ^ Роман Бегунов вернулся в минское "Динамо". А Бакич?
- ^ Бегунов и Вакулич продлили контракты с минским "Динамо" (рас.). football.by (2022-12-06). Праверана 2022-12-12 г.
- ^ Столичное "Динамо" пролонгировало соглашения с тремя футболистами (рас.)
- ^ Роман Бегунов дебютировал за сборную Беларуси
Вонкавыя спасылкі
[рэдагаваць | рэдагаваць крыніцу]- Профіль на сайце «Менску»(недаступная спасылка) (рас.)
- Статыстыка «ПБ-Инфо» (рас.)