Піккардійська терція

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Піккардійська Терція
PikkardiyskaTertsia01.jpg
Справа налева: Андрэй Капраль, Слаўка Нудзік, Раман Туранін, Уладзімер Якімец, Андрэй Шавала, Багдан Багач
Інфармацыя
Гады з 1992
Адкуль Львоў
Жанр А капэля
Афіцыйная старонка www.tercia.com.ua
Удзельнікі
  • Уладзімер Якімец
  • Яраслаў Нудзік
  • Андрэй Капраль
  • Андрэй Шавала
  • Раман Туранін
  • Багдан Багач
Былыя ўдзельнікі Андрэй Базылікут

«Піккарді́йська Те́рція» (па-беларуску: Пікарды́йская тэ́рцыя) — украінскі акапэльны гурт, утвораны ў 1992 року.

Мінуўшчына[рэдагаваць | рэдагаваць крыніцу]

Гурт утварыўся 24 верасьня 1992 року ў Львове ў наступным складзе: Уладзімер Якімец, Яраслаў Нудзік, Андрэй Капраль і Багдан Багач.

1993 — дыпляманты фэстывалю «Чырвоная рута» у Данецку. 1994 — пераможца фэстывалю «Доля» ў Чарнаўцах (тры першыя прэміі — у конкурсах народнай песьні, папулярнай песьні і «сьпеўная паэзія»; адзінагалосна — Гран-пры фэстывалю). Выйшаў дэбютны альбом «Піккардійська Терція». На Новы год ансамбль стаў ляўрэатам тэлеконкурсу «Мэлёдыя».

Фірма «Галрекордс» выпусьціла яшчэ два альбомы гурту — канцэртны «Ad libitum» і «Тиха ніч» з калядкамі.

Увосені 1996 року Андрэя Базылікута замяніў Андрэй Шавала з харавое капэлі «Трембіта», у якой, дарэчы, і працуе большасьць удзельнікаў «Пікардыйскай Тэрцыі». Улетку 1997 выйшла першая кампакт-кружэлка «Сад ангельських пісень». У верасьні 1998 была адчыненая афіцыйная вэб-бачына.

У рэпэртуары вакальнай фармацыі каля 300 кампазыцыяў, сярод якіх клясычныя творы («Нэапалітанская песьня» і «Легенда» Пятра Чайкоўскага, «Калі разлучаюцца двое» Гайнрыха Гайнэ, «Авэ Марыя» Джакама Качыні й іншыя), апрацоўкі народных песьняў («А ў полі рэчка», «Туман ярам», «Гарэла сосна», «Ішлі каровы», «Вой, Марычка», «Сумна я была»), уласныя кампазыцыі («Бераг ракі», «Кантры», «Пустэльнік», «Сад анёльскіх песьняў», «Старэнькі трамвай» і да т. п.).

Тэрмін «Пікардыйская Тэрція» ўзяты з тэарэтычных працаў кампазытара Анатоля Кос-Анатольскага. Гэтая назва зьявілася на пераломе XVI—XVII стст. у францускай правінцыі Пікардыя. Пазьней яе шырока выкарыстоўвалі ў сваёй творчасьці акадэмічныя кампазытары — Георг Гендэль, Ёган Сэбастыян Бах ды іншыя.

У 2014 року песьня гурту пад назваю «Гэй, плыве кача…» лунала пад час пахаваньня загінулых Нябеснай сотні. З тае пары кампазыцыя стала сымбалем разьвітаньня з героямі, якія загінулі ва Ўкраіне пад час ваенных дзеяў.

Склад[рэдагаваць | рэдагаваць крыніцу]

Дыскаграфія[рэдагаваць | рэдагаваць крыніцу]

Рок Назва Фармат Носьбіт
1994 «Піккардійська Терція» Студыйны Касэта
1995 «AD LIBITUM» Канцэртны Касэта
1996 «Тиха ніч» Канцэртны Касэта
1997 «Сад ангельських пісень» Студыйны Кампакт-дыск
1999 «Я придумаю світ» Студыйны Касэта/Кампакт-дыск
2002 «Tercja Pikardijska» Студыйны Кампакт-дыск
2002 «Ельдорадо» Студыйны Кампакт-дыск
2003 «Українська колекція» Кампіляцыя Кампакт-дыск
2003 «Антологія. Том 1» Кампіляцыя Кампакт-дыск
2004 «З Неба до Землі» Студыйны Кампакт-дыск
2005 «Антологія. Том 2» Кампіляцыя Кампакт-дыск
2009 «Етюди» Студыйны Кампакт-дыск
2010 «Етюди. Live» Канцэртны DVD

Вонкавыя спасылкі[рэдагаваць | рэдагаваць крыніцу]