Павал Калаур

	Павал Калавур
Старшыня праўленьня Нацыянальнага банку Беларусі
	28 сьнежня 2014 — дасюль
Прэзыдэнт:	Аляксандар Лукашэнка
Прэм’ер-міністар:	Андрэй Кабякоў
Папярэднік:	Надзея Ермакова
Старшыня праўленьня Белзьнешэканомбанку
Асабістыя зьвесткі
Нарадзіўся:	1962; в. Белавуша , Столінскі раён Берасьцейская вобласьць, БССР
Адукацыя:	БДЭУ;
Узнагароды:	Ганаровая грамата Нацыянальнага сходу Рэспублікі Беларусь

Пава́л Уладзі́меравіч Калау́р^[1]^[2], часам Калаву́р^[3] (нар. 1962, в. Белавуша, Столінскі раён) — беларускі эканаміст, са сьнежня 2014 году Старшыня Нацыянальнага банку Беларусі. Кандыдат эканамічных навук.

Біяграфія

Скончыў Пінскі ўлікова-крэдытны тэхнікум (сёньня — Палескі дзяржаўны ўнівэрсытэт) у 1980 годзе па спэцыяльнасьці «Улік ў ашчадных касах». У 1985 годзе скончыў Беларускі дзяржаўны інстытут народнай гаспадаркі імя Куйбышава (сёньня — Беларускі дзяржаўны эканамічны ўнівэрсытэт) па спэцыяльнасьці «Фінансы і крэдыт». У 2001 годзе абараніў дысэртацыю. Тэмай дасьледаваньня былі эканамічныя перадумовы і наступствы манэтарнага саюзу Беларусі і Расеі. Ацэньваў ён іх нэгатыўна^[4].

Працаваў у Стаўпцоўскім, Бярэзінскім, Валожынскім аддзяленьнях Дзяржбанку СССР — спачатку эканамістам, пасьля намесьнікам кіраўніка і кіраўніком адпаведна (1985—1987). З 1988 году кіраваў Валожынскім аддзяленьнем Аграпрамбанку СССР, а пасьля яго рэструктурызацыі — кіраўніком адпаведнага аддзяленьня Белаграпрамбанку (да 1993). У 1993—1999 быў намесьнікам старшыні праўленьня Нацыянальнага банку Рэспублікі Беларусь, у 1999—2010 — першым намесьнікам старшыні. У 2010—2014 кіраваў Белзьнешэканомбанкам^[5].

28 сьнежня 2014 прызначаны старшынём праўленьня Нацыянальнага банку Беларусі.

Узнагароды

Ганаровая грамата Нацыянальнага сходу Рэспублікі Беларусь

Крыніцы

^ Праўленне Нацыянальнага банка Рэспублікі Беларусь. Калаур Павел Уладзіміравіч. Афіцыйны сайт нацыянальнага банку Рэспублікі Беларусь. Праверана 29 студзеня 2015 г.
^ Калаур: прыярытэтнай задачай з'яўляецца забеспячэнне фінансавай стабільнасці. БелТА (27 сьнежня 2014). Праверана 29 студзеня 2015 г.
^ Ягор Марціновіч Мова наша. Калавур, Калаўр ці Калаур?. Наша Ніва. Праверана 29 студзеня 2015 г.
^ Багданкевіч: «Павел Калавур — найлепшы варыянт». Пяць фактаў пра новага старшыню Нацбанка
^ Павел Калавур ўзначаліць ААТ «Белзнешэканамбанк», Наша Ніва

Вонкавыя спасылкі

[1] Праўленне Нацыянальнага банка Рэспублікі Беларусь. Калаур Павел Уладзіміравіч. Афіцыйны сайт нацыянальнага банку Рэспублікі Беларусь. Праверана 29 студзеня 2015 г.

[2] Калаур: прыярытэтнай задачай з'яўляецца забеспячэнне фінансавай стабільнасці. БелТА (27 сьнежня 2014). Праверана 29 студзеня 2015 г.

[3] Ягор Марціновіч Мова наша. Калавур, Калаўр ці Калаур?. Наша Ніва. Праверана 29 студзеня 2015 г.

[4] Багданкевіч: «Павел Калавур — найлепшы варыянт». Пяць фактаў пра новага старшыню Нацбанка

[5] Павел Калавур ўзначаліць ААТ «Белзнешэканамбанк», Наша Ніва

[1]

[2]

[3]

[4]

[5]