Мікалай Раманюк
| Мікалай Раманюк | ||
| Пэрсанальная інфармацыя | ||
|---|---|---|
| Нарадзіўся | 2 чэрвеня 1984[1] (41 год) | |
| Рост | 189 см | |
| Вага | 81 кг[2] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2004—2005 | Славія Мазыр | 2 (0) |
| 2006—2007 | Рэчыца-2014 | 44 (0) |
| 2008—2013 | Нафтан | 79 (0) |
| 2014 | Гомель | 5 (0) |
| 2015—2016 | Славія Мазыр | 44 (0) |
| 2017—2019 | Гарадзея | 33 (0) |
| 2020—2022 | Славія Мазыр | 13 (0) |
Мікала́й Раманю́к (нар. 2 чэрвеня 1984 году) — колішні беларускі футбаліст, брамнік.
Кар’ера
[рэдагаваць | рэдагаваць код]Пачаў кар’еру ў Мазыры, а потым гуляў за рэчыцкі «Ведрыч-97». У 2008 годзе перайшоў у наваполацкі «Нафтан», дзе зь цягам часу стаў асноўным брамнікам. У 2012 годзе добрай гульнёй у сэрыі пэнальці дапамог наваполацкаму клюбу здабыць Кубак Беларусі. У сярэдзіне 2012 году праз траўму не гуляў і саступіў месца асноўнага брамніка Ігару Даўгялу. У сэзоне 2013 году спачатку быў другім брамнікам пасьля Даўгялы, а ў траўні 2013 году заняў месца ў асноўным складзе. У чэрвені 2013 году праз чарговае пашкоджаньне выбыў да верасьня, а пасьля вяртаньня ўжо не зьяўляўся ў асноўным складзе.
У сьнежні 2013 году перайшоў у «Гомель»[3]. Пасьля няўдалай гульні Андрэя Клімовіча ў матчы супраць магілёўскага «Дняпра» ў Кубку Беларусі 22 сакавіка 2014 году Раманюк заняў месца асноўнага брамніка ў пачатку чэмпіянату, але пазьней быў выцесьнены Клімовічам. Улетку 2014 году быў выстаўлены «Гомлем» на трансфэр[4]. Гэтак і ня здолеўшы вярнуцца ў склад, у сьнежні 2014 году пакінуў гомельскі клюб па заканчэньні кантракту[5].
У студзені 2015 году трапіў у склад мазырскай «Славіі»[6], зь якой у сакавіку 2015 году ўзгодніў кантракт[7]. У складзе «Славіі» чаргаваўся ў браме з Уладзімерам Гаевым. У сэзоне 2016 году ўжо па завяршэньні кар’еры Гаева, стаў асноўным брамнікам і капітанам каманды, цалкам адгуляўшы ўсе 30 матчаў чэмпіянату. У студзені 2017 году далучыўся да «Гарадзеі»[8]. Пачынаў сэзон 2017 году асноўным брамнікам, а пазьней пачаў чаргавацца ў складзе з Уладзіславам Васілючкам. У першай палове сэзону 2018 году быў асноўным брамнікам каманды, пазьней саступіў месца ў складзе Ігару Даўгялу. У лістападзе 2018 году падоўжыў кантракт з «Гарадзеяй» на сэзон 2019 году[9]. У сэзоне 2019 году выступаў у якасьці другога ці нават трэцяга брамніка, на поле за асноўную каманду не выходзіў. У сьнежні 2019 году па заканчэньні кантракту пакінуў «Гарадзею»[10].
У студзені 2020 году трэнаваўся з «Славіяй» і ў лютым склаў працоўную ўгоду з клюбам[11]. Зьяўляўся на полі нячаста, у сэзоне 2022 году не згуляў аніводнага матчу. У студзені 2023 году завяршыў прафэсійную кар’еру[12], пасьля чаго адправіўся працаваць сьвідроўнікам у Ямала-Ненецкую аўтаномную акругу[13].
Дасягненьні
[рэдагаваць | рэдагаваць код]- Уладальнік Кубка Беларусі: 2009, 2012
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 14 | –22 |
| 2016 | Найвышэйшая ліга | 30 | –49 | |
| Гарадзея | 2017 | Найвышэйшая ліга | 17 | –17 |
| 2018 | Найвышэйшая ліга | 16 | –20 | |
Крыніцы
[рэдагаваць | рэдагаваць код]- ↑ Nikolai Romanyuk // Transfermarkt (мн.) — 2000.
- 1 2 https://fcslavia.by/ru/player/romanyuk-0
- ↑ Ситко и Романюк перешли в «Гомель» (рас.) 2013-12-04 г. Архіўная копія ад 2014-04-04 г.
- ↑ "Гомель" выставил Романюка и Трубило на трансфер (рас.)
- ↑ Футбол. Николай Романюк и Павел Кирильчик покидают "Гомель" (рас.) Архіўная копія ад 2015-06-27 г.
- ↑ Романюк и Гречишко близки к переходу в "Славию" (рас.)
- ↑ Контракты со "Славией" подписали 12 футболистов (рас.)
- ↑ Николай Романюк перешел в "Городею" (рас.)
- ↑ Лебедев, Башилов, Павлючек и еще пять игроков продлили контракты с "Городеей" (рас.)
- ↑ Романюк покинул "Городею" (рас.)
- ↑ Романюк и Котляров стали игроками "Славии" (рас.)
- ↑ Новости команды (рас.) Афіцыйны сайт мазырскай «Славіі»
- ↑ "Нафтан", 15 лет назад выигравший свой первый титул — Кубок в 2009-м. Где они сейчас? (рас.)
Вонкавыя спасылкі
[рэдагаваць | рэдагаваць код]- Профіль на сайце «Гомелю» (рас.)
- Статыстка «ПБ-Инфо» (рас.)