Мост на Дрыне

Зьвесткі зь Вікіпэдыі — вольнай энцыкляпэдыі
Мост на Дрыне
Na Drini ćuprija
Вішаградзкі мост на паштоўцы 1900
Жанр: раман
Аўтар: Іва Андрыч
Мова арыгіналу: сэрбскахарвацкая
Публікацыя: 1945
Выдавецтва: Просвета[d]
Перакладчык: Іван Чарота, 1993
ISBN: 978-0-226-02045-7

«Мост на Дрыне» (па-сэрбску: На Дрини ћуприја) — раман югаслаўскага пісьменьніка Іва Андрыча. Быў напісаны, калі аўтар жыў у Бялградзе, у час Другой сусьветнай вайны, і ўпершыню апублікаваны ў 1945 годзе[1]. У 1961 за стварэньне рамана аўтар быў уганараваны Нобэлеўскай прэміяй у галіне літаратуры[2].

Зьмест рамана[рэдагаваць | рэдагаваць крыніцу]

Цэнтральны вобраз рамана, які стаў тытульным для ўсяго твора — мост праз раку Дрына ў горадзе Вішаград (цяпер зьяўляецца часткай Рэспублікі Сэрбскай, Босьнія і Герцагавіна). У 1571 годзе мост быў узьведзены на сродкі Мехмед-пашы Сокалавіча.

Раман апісвае гістарычны пэрыяд, які ахоплівае амаль чатыры стагодзьдзі — пачынаючы з часу росквіту Асманскай імпэрыі, калі тэрыторыя гораду ўваходзіла ў яе склад, і да пачатку XX стагодзьдзя, калі ў 1914 годзе адбылося Сараеўскае забойства, якое сталася нагодай для пачатку Першай сусьветнай вайны.

У рамане аўтар ня толькі апісвае рэальныя падзеі гісторыі рэгіёна, ня толькі даставерна адлюстроўвае побыт і традыцыі апрычонай многанацыянальнай супольнасьці, якая склалася на тэрыторыі Вішаграда і ўсяго Балканскага паўвострава, але і дадае ў апавяданьне легенды і паданьні, казкі і міты гэтага ўнікальнага асяродзьдзя.

Крыніцы[рэдагаваць | рэдагаваць крыніцу]

  1. ^ Романенко А. О жизни и творчестве Иво Андрича//Иво Андрич. Мост на дрине. М.: Правда, 1985.  (рас.)
  2. ^ Об Иво Андриче на официальном сайте Нобелевской премии  (рас.)

Літаратура[рэдагаваць | рэдагаваць крыніцу]

  • Андрыч І. Мост на Дрыне. Пракляты двор: Раман, апавяданні. З сербскахарв./ прадм. І. Чароты. — Мн.: Маст. літ., 1993. — 591 с.