Марыбор

Марыбор
славен. *Maribor*
	Марыбор; славен. Maribor
	Населены пункт
Краіна	Славенія
Першыя згадкі	1164
Кіраўніцтва і ўлада
Кіраўнік адміністрацыі	Андрэй Фіштравэц[d]
Геаграфія
Плошча	41 км²;
Вышыня НУМ	273 м
Часавы пас	UTC+1 і UTC+2
Каардынаты	46°33′27″ пн. ш. 15°38′44″ у. д.HGЯO
Насельніцтва
Колькасьць	▲114 301 чал. (2025);
Этнахаронімы	Mariborčan
Лічбавыя ідэнтыфікатары
Тэлефонны код	02
Паштовы індэкс	2000
Нумарны знак	MB
Узнагароды	Alpine Town of the Year[d] (2000)
Сайт	maribor.si (слав.)
	Марыбор на мапе Славеніі Марыбор

Марыбор (па-славенску: Maribor; па-нямецку: Marburg an der Drau) — горад на ўсходзе Славеніі, другі па велічыні горад краіны (насельніцтва гораду паводле перапісу 2002 г. — 101 847 чалавек, насельніцтва акругі — 110 668 чалавек). Марыбор разьмешчаны на рацэ Драва ля ўзножжа гары Пагор’е. Горад зьяўляецца цэнтрам гістарычнай вобласьці Ніжняя Штырыя. Горад вядомы з VIII ст. У 843 годзе ўвайшоў у склад Усходне-Францкага каралеўства. З 1282 году знаходзіўся ва ўладаньнях аўстрыйскіх Габсбургаў. З 1918 году быў у складзе Каралеўства сэрбаў, харватаў і славенцаў (з 1929 году — Каралеўства Югаславія). У 1941—1945 гадах горад быў акупаваны нямецкімі войскамі і ўключаны ў склад Трэцяга Райху. Вызвалены ў траўні 1945 году югаслаўскім войскам. З 1991 году месьціцца ў складзе незалежнай Славеніі.

Архітэктура

У Марыборы налічваецца шмат гістарычных збудаваньняў. З рэшткаў гарадзкіх муроў, якія атачалі стары цэнтр гораду, найбольш прыкметнымі засталіся Судная, Воданапорная і Габрэйская вежы. Марыборская катэдра была пабудаваная ў гатычным стылі ў XIII стагодзьдзі. Марыборскую сынагогу пабудавалі ў XIV стагодзьдзі, што робіць яе другой найстарэйшай сынагогай Эўропы. Сёньня гэта цэнтар культурнай дзейнасьці. Іншымі вядомымі сярэднявечнымі будынкамі ёсьць Марыборскі замак, палац Бэтнава і руіны Верхняга замка Марыбору^[3]. Ратуша была пабудаваная ў стылі рэнэсансу, а Чумная калёна — у стылі барока.

У пачатку XXI стагодзьдзя былі распрацаваныя пляны па будаўніцтве новага сучаснага дзелавога, жылога і забаўляльнага раёну пад назвай Драўская брама. Праект атрымаў мянушку Марыборскі Мангэтан. Праект уключаў мноства новых эксклюзіўных жылых кватэраў, офісаў і канфэрэнц-заляў, зялёную і рэкрэацыйную зону ды іншыя збудаваньні. Плянаваўся хмарачос вышынёю 111 мэтраў, што мусіў стаць найвышэйшым будынкам Славеніі. Празь недахоп фінансаў праект быў адкладзены.

Асобы

Ада Шкэрл — славенская паэтка

Крыніцы

Вонкавыя спасылкі

Афіцыйны сайт

Гэта — накід артыкула па геаграфіі. Вы можаце дапамагчы Вікіпэдыі, пашырыўшы яго.

[_311b6e13befce18d-1] ttps://it-ch.topographic-map.com/map-dqsvtf/Maribor/?zoom=19&center=46.55779%2C15.64558&popup=46.55794%2C15.64552

[_f31a97a255d8ce83-2] ttps://pxweb.stat.si/SiStatData/pxweb/sl/Data/-/05C5003S.px

[3] «Slovenia-Maribor: Defence Towers». Maribor-Pohorje.

[1]

[2]

[3]