Логан Лерман

Зьвесткі зь Вікіпэдыі — вольнай энцыкляпэдыі
Логан Лерман
Логан Лерман на прэм’еры фільму «Пэрсі Джэксан і выкрадальнік маланак» у Нью-Ёрку
Імя пры нараджэньні Логан Ўэйд Лерман
Дата нараджэньня 19 студзеня 1992 (32 гады)
Месца нараджэньня Бэвэрлі-Гілз, Каліфорнія, ЗША
Месца вучобы
Занятак актор
Навуковая сфэра акторства[d][1] і фільм[1]
Гады дзейнасьці з 2000
Узнагароды
IMDb ID nm0503567
Сайт www.loganlerman.com

Логан Лерман (па-ангельску: Logan Lerman; нарадзіўся 19 студзеня 1992 году, Бэвэрлі-Гілз, Каліфорнія, ЗША) — амэрыканскі актор, вядомы па сваіх ролях у фільмах «Эфэкт матыля», «Геймэр», «Пэрсі Джэксан і выкрадальнік маланак». Пачаў сваю акторскую кар’еру з рэклямаў у сярэдзіне 1990-х гадоў, напачатку 2000-х пачаў здымацца ў фільмах ды сэрыялах.

Біяграфія[рэдагаваць | рэдагаваць крыніцу]

Логан Лерман нарадзіўся 19 студзеня 1992 году ў Бэвэрлі-Гілз, штат Каліфорнія, ЗША, у габрэйскай сям’і[2]. Маці Лермана, Ліса (народжаная Голдман), працуе ягоным мэнэджарам, а бацька, Лары Лерман, зьяўляецца бізнэсоўцам[2]. Скончыў школу Бэвэрлі Гілз[3][4].

Паводле словаў Логану ён пачаў адчуваць цікавасьць да акторскага мастацтва зь пяці гадоў[5], і вырас на фільмах[6]. Большасьць ягоных сваякоў працуюць у галіне мэдыцыны, таму ў інтэрвію жартам заве сябе «паршывай авечкай»[7]. Яму цікава ўсё, што зьвязана з кінаіндустрыяй. У далейшым Лерман жадае паспрабаваць сябе ва ўсіх вобразах, зьвязаных з кінаіндустрыяй[3].

З самога дзяцінства здымаўся ў рэкляме[8], а ў кіно дэбютаваў у 2000 годзе, зьняўшыся ў ролі сына героя Мэла Гібсана ў фільме «Патрыёт». У тым жа годзе разам з Гібсанам зьняўся ў фільме «Чаго жадаюць жанчыны».

У 2001 годзе згуляў пэрсанажа Эдама Гарсіі ў дзяцінстве ў кінастужцы «Моцнай жанчыне», а ў фільме 2004 году «Эфэкт матыля» згуляў пэрсанажа Эштана Катчэра ў дзяцінстве. У 2003 годзе Логан зьняўся ў дзьвюх тэлестужках, і адна з роляў прынесла яму перамогу на кінапрэміі «Малады актор» у намінацыі Лепшы малады актор тэлестужкі[9]. Акторская праца ў тэлесэрыяле «Джэк і Бобі» таксама прынесла яму ў 2005 годзе перамогу на кінапрэміі «Малады актор»[10]. У 2006 годзе галоўная роля ў фільме «Крык савы» прыносіць яшчэ адну перамогу на кінапрэміі «Малады актор», але ўжо ў намінацыі Лепшы малады актор кінастужкі[11].

У 2007 годзе здымаўся разам з Джымам Керы ў фільме Джоэла Шумахера «Фатальны лік 23», а таксама ў «Цягніку на Юму» з такімі акторамі, як то Расэл Кроў, Крыстыян Бэйл і Бэн Фостэр. У 2009 годзе згудяў Джорджа Гамільтана ў «Мой адзіны», у якім Рэнэ Зэлвэгер згуляла ягоную маці. У 2010 годзе згуляў Пэрсі Джэксана, сына Пасэйдону ў фільме Крыса Каламбуса «Пэрсі Джэксан і выкрадальнік маланак», заснаваным на кнізе Рыка Рыярдана. За гэтую ролю быў намінаваны разам з Джэйкам Абэлам, які згуляў сына Гермэса, на «MTV Movie Awards» у катэгорыі Лепшая бойка[12].

Дадатковыя зьвесткі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ а б Нацыянальная служба Чэскай рэспублікі
  2. ^ а б Biography for Logan Lerman (анг.) на сайце Internet Movie Database
  3. ^ а б Logan Lerman: Newest Musketeer learns along way (анг.) на сайте Variety
  4. ^ Logan Lerman Percy Jackson and the Lightning Thief Interview (анг.) на сайте www.girl.com.au
  5. ^ An Interview with Logan Lerman of «Percy Jackson & the Olympians» (анг.) на сайце часопіса BlackBook
  6. ^ Exclusive: Logan Lerman Talks 'My One and Only' and 'Gamer' (анг.) на сайце www.cinemaspy.com
  7. ^ hero worship: logan lerman (анг.) на сайце часопісу Teen Vogue
  8. ^ Lightning could strike for 'Percy' and star Logan Lerman (анг.) на сайце USA Today
  9. ^ 25th Annual Young Artist Awards — Winners and Nominations (анг.) на сайце кінапрэміі
  10. ^ 26th Annual Young Artist Awards — Nominations / Special Awards (анг.) на сайце кінапрэміі
  11. ^ 28th Annual Young Artist Awards — Nominations / Special Awards (анг.) на сайце кінапрэміі
  12. ^ Winners: 2010 MTV Movie Awards (анг.) на сайце MTV
  13. ^ UK-raised theater actor nabs «Spider-Man» role (анг.) на сайце Reuters

Вонкавыя спасылкі[рэдагаваць | рэдагаваць крыніцу]

Логан Лермансховішча мультымэдыйных матэрыялаў