Корнская мова

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Корнская
Kernowek
Ужываецца ў Вялікабрытаніі
Рэгіён Корнуэл
Колькасьць карыстальнікаў Каля 3500 чалавек
Клясыфікацыя

Індаэўрапейская
 Кельцкія
  Брыцкія

   Корнская
Афіцыйны статус
Рэгулюецца Cornish Language Partnership
Код мовы
ISO 639-1 kw
ISO 639-2(B) cor

Ко́рнская мо́ва (па-корнску: Kernowek) адносіцца да брыцкае падгаліны кельцкае галіны індаэўрапейскае моўнае сям’і разам з валійскаю, брэтонскаю і вымерлаю кумбрыйскай мовай.

Гісторыя[рэдагаваць | рэдагаваць крыніцу]

Гісторыя корнскае мовы пачынаецца ў 577 годзе, калі ў выніку бітвы пры Дэорхэме паўднёва-заходнія брыты (будучыя корнцы) аказаліся адрэзанымі ад заходніх брытаў (будучых валійцаў). Пасьля заваяваньня Корнуэлу саксамі ў першае палове 10 стагодзьдзя корнцы працягвалі захоўваць сваю мову, і нават ў 16 стагодзьдзі шмат хто зь іх ня ведаў ангельскае.

Адносна таго, ці была корнская мова мёртваю, існуе два меркаваньні. Некаторыя дасьледчыкі сьцьвярджаюць, што корнская мова цалкам выйшла з ужытку ў 18 стагодзьдзя, і адраджалася наноў ужо зь мёртвага стану. Іншыя лічаць, што асобныя людзі, якія ведалі корнскую ад продкаў, дажылі аж да моўнага адраджэньня 20 стагодзьдзя, і мова, такім чынам, ніколі не памірала, хоць і перажыла пэрыяд крайняга заняпаду.

Напачатку 20 стагодзьдзя ў корнцах прачынаецца цікавасьць да ўласнае мовы ды культуры, пачынаецца моўнае адраджэньне. На дадзены момант корнскаю моваю ў той ці іншай ступені валодаюць каля 3500 чалавек.

Альфабэт і правапіс[рэдагаваць | рэдагаваць крыніцу]

Корнская мова выкарыстоўвае наступны варыянт лацінскага альфабэту: Aa Bb Cc Dd Ee Ff Gg Hh Ii Jj Kk Ll Mm Nn Oo Pp Rr Ss Tt Uu Vv Ww Yy.

Артаграфія фаналягічная.

Вонкавыя спасылкі[рэдагаваць | рэдагаваць крыніцу]

Commons-logo.svg Корнская мовасховішча мультымэдыйных матэрыялаў