Касьцёл Сьвятых Апосталаў Пятра і Паўла (Лагішын)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятых Апосталаў Пятра і Паўла (неадназначнасьць).

Помнік сакральнай архітэктуры
Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла
Краіна	Беларусь
Мястэчка	Лагішын
Каардынаты	55°20′17″ пн. ш. 25°59′11″ у. д. / 55.33806° пн. ш. 25.98639° у. д. / 55.33806; 25.98639Каардынаты: 55°20′17″ пн. ш. 25°59′11″ у. д. / 55.33806° пн. ш. 25.98639° у. д. / 55.33806; 25.98639
Канфэсія	каталіцтва
Эпархія	Пінская дыяцэзія
Архітэктурны стыль	нэаготыка
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Сьвятых Апосталаў Пятра і Паўла на мапе Беларусі Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла на Вікісховішчы

Касьцёл Сьвятых Апосталаў Пятра і Паўла — помнік архітэктуры пачатку XX ст. у Лагішыне. Знаходзіцца ў цэнтры мястэчка, на гістарычным Рынку^[a]. Дзейнічае. Твор архітэктуры нэаготыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[рэдагаваць | рэдагаваць крыніцу]

Вялікае Княства Літоўскае[рэдагаваць | рэдагаваць крыніцу]

Першы драўляны касьцёл у Лагішыне збудавалі ў 1634 годзе з фундацыі Альбрэхта Станіслава Радзівіла. У 1678—1773 гадох пры касьцёле дзейнічала езуіцкая місія.

Пад уладай Расейскай імпэрыі[рэдагаваць | рэдагаваць крыніцу]

Па трэцім падзеле Рэчы Паспалітай (1795 год), калі Лагішын апынуўся ў складзе Расейскай імпэрыі, касьцёл працягваў дзейнічаць. Аднак па здушэньні нацыянальна-вызвольнага паўстаньня (1863—1864) у 1865 годзе расейскія ўлады гвалтоўна перарабілі касьцёл пад царкву Ўрадавага сыноду Расейскай імпэрыі (Маскоўскай царквы).

Будаваньне новага мураванага касьцёла вялося ў 1907—1910 гадох. Урачыстая кансэкрацыя сьвятыні адбылася 14 ліпеня 1913 году.

Найноўшы час[рэдагаваць | рэдагаваць крыніцу]

1 студзеня 1997 году намаганьнямі кардынала Казімера Сьвёнтака аднавілі і 10 траўня таго ж году ўрачыста перадалі касьцёлу абраз Маці Божай Лагішынскай.

Архітэктура[рэдагаваць | рэдагаваць крыніцу]

Помнік архітэктуры нэаготыкі. Да прастакутнага ў пляне асноўнага аб’ёму пад 2-схільным дахам далучаюцца 4-ярусная шатровая званіца і 5-гранная апсыда. Сьцены падзяляюцца стральчатымі вокнамі-біфорыюмамі і 2-ступеньчатымі контрфорсамі ў прасьценках. Асымэтрыю ў агульную кампазыцыю ўносяць прыбудовы да апсыды закрысьціі і гранёнай вежы да званіцы. Уваход вылучаецца стральчатым парталам зь вімпэргам, над якім месьціцца акно-біфорыюм, якое асьвятляе арганную галерэю. Тарцы 2-схільнага даху закрываюцца зубчастымі шчыпцамі.

Дэкаратыўна-мастацкі акцэнт інтэр’еру — драўляны алтар з пазалочанымі анёламі абапал антаблемэнту. У касьцёле захоўваецца абраз Маці Божай Лагішынскай^[1].

Галерэя[рэдагаваць | рэдагаваць крыніцу]

Гістарычныя здымкі
14 ліпеня 1913 г.
1914 г.
Ф. Драздоўскі, 1924—1932 гг.

Заўвагі[рэдагаваць | рэдагаваць крыніцу]

^ Цяперашні афіцыйны адрас — вуліца Тамілава, 82.

Крыніцы[рэдагаваць | рэдагаваць крыніцу]

^ Кулагін А. Каталіцкія храмы Беларусі. — Менск, 2008. С. 190.

Літаратура[рэдагаваць | рэдагаваць крыніцу]

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі[рэдагаваць | рэдагаваць крыніцу]

Касьцёл Сьвятых Апосталаў Пятра і Паўла ў Лагішыне, Radzima.org

[1] Цяперашні афіцыйны адрас — вуліца Тамілава, 82.

[2] Кулагін А. Каталіцкія храмы Беларусі. — Менск, 2008. С. 190.

[a]

[1]