Касьцёл Найсьвяцейшай Тройцы (Відзы)

Помнік сакральнай архітэктуры
Касьцёл Найсьсьвяцейшай Тройцы
Касьцёл Найсьсьвяцейшай Тройцы
Краіна	Беларусь
Мястэчка	Відзы
Каардынаты	55°23′39″ пн. ш. 26°37′37″ у. д.
Канфэсія	каталіцтва
Эпархія	Віцебская дыяцэзія
Архітэктурны стыль	нэаготыка
Аўтар праекту	Вацлаў Міхневіч
Дата заснаваньня	1914
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Найсьсьвяцейшай Тройцы на мапе Беларусі Касьцёл Найсьсьвяцейшай Тройцы
Касьцёл Найсьсьвяцейшай Тройцы на Вікісховішчы

Касьцёл Найсьсьвяцейшай Тройцы — помнік архітэктуры пачатку XX стагодзьдзя ў Відзах. Знаходзіцца ў цэнтры мястэчка, на гістарычным Рынку. Дзее. Твор архітэктуры нэаготыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Відзаўскі Траецкі касьцёл — адзін з найбольш выразных помнікаў архітэктуры нэаготыкі ў Беларусі.

Гісторыя

Будаваўся ў 1909—1914 гадох з чырвонай цэглы паводле праекту архітэктара Л. Вітан-Дубейкаўскага (магчыма, з Вацлавам Міхневічам). Фундатаркай сьвятыні была шляхцянка з Наўлянаў Мітаслаўская.

У Першую сусьветную вайну касьцёл атрымаў пашкоджаньні ад прыцэльнага агню расейскай артылерыі. Ягоныя вежы выкарыстоўваліся ў якасьці назіральнага пункту, дзеля ўсталяваньня кулямётаў, разьмяшчэньня снайпэраў. У 1920-я гады будынак касьцёла аднавілі.

У 1948 годзе касьцёл зачынілі савецкія ўлады. З 1950 годзе ў яго будынку зрабілі склад ільну, потым — збожжа, а пазьней у ім была спартовая заля. У 1989 годзе касьцёл вярнулі каталікам.

Архітэктура

Помнік архітэктуры нэаготыкі. Гэта 3-нэфавая 2-вежавая базыліка з 5-граннай апсыдай, 2-павярховымі закрысьціямі і трансэптам. Прыступкавыя вежы завяршаюцца вострымі 8-граннымі шатрамі. Паміж вежамі знаходзіцца трыкутны франтон, завершаны высокімі зубцамі. На галоўным фасадзе вылучаецца пэрспэктыўны партал з вімпэргам. Над ім — велізарнае акно-ружа, пераплёт якога выкладаецца зь фігурнай цэглы. На тарцы цэнтральнага нэфа ёсьць вежа-сыгнатурка з звонам.

У інтэр'еры нэфы падзяляюцца шэрагамі калёнаў складанага профілю. Скляпеньні бакавых нэфаў крыжовыя. Цэнтральны нэф мае драўляную роўную столь. Аўтэнтычная аздоба і арган не захаваліся.

Побач з касьцёлам знаходзіцца 2-павярховы будынак плябаніі, дзе ў наш час разьмяшчаецца лякарня.

Галерэя

Гістарычныя здымкі

• Старыя здымкі
• 
  З боку вуліцы Татарскай, 1915 г.
• 
  З боку вуліцы Татарскай, 1917 г.
• 
  З боку Рынку, 1916 г.
• 
  З боку Рынку, 1916 г.

• 
  З боку Рынку, 1917 г.
• 
  З боку Рынку, 1917 г.
• 
  З боку апсыды, 1916 г.
• 
  Галоўны фасад, 1919 г.

• 
  Бакавы фасад, 1917 г.
• 
  Бакавы фасад, 1918 г.
• 
  Інтэр'ер, 1917 г.
• 
  З боку вуліцы Віленскай, 1915 г.

• 
  З боку вуліцы Віленскай, 1916 г.
• 
  З боку Віленскага гасьцінца, люты 1918 г.
• 
  З боку Віленскага гасьцінца, 1918 г.
• 
  Агульны выгляд, 1917 г.

Сучасныя здымкі

• Сучасны стан
• 
  Агульны выгляд
• 
  Галоўны фасад
• 
  Інтэр'ер
• 
  Звон

Літаратура

• Кулагін А. Каталіцкія храмы на Беларусі: Энцыкл. даведнік / А. Кулагін; маст. І. Бокі. — 2-е выд. — Менск: БелЭн, 2001. — 216 с.: іл. ISBN 985-11-0199-0.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  213Г000180

• Касьцёл Найсьвяцейшай Тройцы ў Відзах, Radzima.org
• Відзы — парафія Нараджэньня Найсьвяцейшай Панны Марыі. Catholic.by. Праверана 26 чэрвеня 2021 г.